#قدري_انت4
#تاليف: ست الجيل صلاح
#بارت4
دخلنا واتونستا معاهم وكل مرة يسالوني من امي وانا بحاول انسيهم ... وقريت الحمدلله اصلا كنت مكمله المواد من بدري بقيت اراجع واحل امتحانات و معاي ريان جابت شنطتها ورحلت معاي 😂😂 عدت ايام الامتحانات وكان اخر يوم بعد خلصنا مشينا المستشفي امي لسه في حالتها💔بس بقت تقعد في الكرسي المتحرك 💔😭 وما اتكلمت سمح بتقول كلام م مفهوم والدكتور قال ممكن تطلع بعد دا 😍وجهزتا ليها حاجتها ومشينا البيت وطول الطريق بقول اخواني لما يشوفها كدا البحصل عليهم شنو 😭😭😭💔 وصلنا العصر كدا اول من شافو امي جرو عليها وبسالوها مالك ياماما😭😭وامي دموعها جرو ابوي قال ليهم 💔 عيانه شويه وحتبقي كويسه احمد قال ليها دا عشان لما وقعتي من السلم طوالي سافرتي 💔💔 دي الوقعه عملت ليك كدا ياماما وانا ابكي 😢😢😭 وابوي دموعو جرت حتي خالتو مريم بتبكي 😭😭 محمد ليه بتبكو انتو تزكرو لما وقعتا من الشجرة ولفو لي يدي ولا بكيت وبقيت كويس امي زاتها بتبقي كويسه 😍 ومرت الايام وامي لسه م بتتكلم 💔وبدت علاج طبيعي 😢حسام عرف من ريو اتصل لي واتكلم معاي انو حتبقي كويسه وادعي ليها واصبر 💔 ماعارفه ارتحتا لكلامو شديد زي الكنت فاقده حاجه ولقيتها وبقي يتصل لي كل يوم و بنتونس عادي بقينا اصحاب ..بلمح لي حاجات وانا عامله رايحه .ومرت الايام والنتيجه قربت وقلتا اليجيبو الله كلو تمام وفي يوم النتيجه قعدنا كلنا نحضر المؤتمر عارفه م حيزوعني بس قلت اشوف 😂بعد خلص وصلتني الرساله جبتا 240 وريو جابت 260الحمدلله طبعا انا مفروض السنه دي اكون ممتحنه شهاده سودانيه بس عندي سنتين قعدتهم في البيت سنه قله ادب و سنه كنت عملت عمليه حقت زائدة وقلت م ماشه المدرسه 😂دلوعه وبيسمع كلامي .. امي من الفرحه لما بقت تقول م م م مب روك جريت حضنتها والحمدلله بعد ايام لسانها فكهه واتعودنا علي حالتها ابوي جاب ليها ممرضه تشوفها عايزه شنو و تراقب حالتها .. اها حسام اتصل لي وقال لي عايز اقابلك 😍وابارك ليك قلتا لي اشوف .نزلت كلمت ابوي اني طالعه قال لي ماف مشكله😍 وجعت لحسام قلت لي خلاص نتلاقي وين ؟؟؟؟؟ قال لي اي محل قريب لبيتكم .. تمام
لبستا فستان موووف وجكت بني وطرحه نمري و شبشب بني وطلعتا .. مشيت لاقيتو وعامله كدا😍😍فظيع ياااخ هو طويل اسمراني شعرو فظيع 😍لابس بنطلون جنز و قميص اسود مبين عضلاتو 😍😍❤انا اتهرستا 😍 قال لي حلوة اتحصني .قلت لي هو بعدك في حلا 😍قال لي قلتي شنو .قلت لي لالا ولاشي ..قال لي والله اتمنيت اشوفك تاني بعد العرس بس ظروف الوالده اها هسي بقت كيف؟ بخير الحمدلله .حسام اها وانتي اخبارك شنو ؟ تمام .. حسام اها حتقضيها خجل كدا عارفك مجنونه ماتعملي فيها البت البرئيه .. مجنونه!!جن يركبك احسن ليك حسام ايوة اظهر ياعباس كدا 😍😍❤ انا حبيتك كدا مشاغبه وحنونه .قلت لي انت شنو ؟؟؟ ولا شي .. قلت لا تمام انا بعد كدا لازم امشي .. قال بدري ياااخ😍😍بدري من عمرك بس لازم امشي قال لي جبت ليك هدية 😍 مدا لي صندوق كبير احمر فيه ورده بالفضي قلت ليه وليه بس قال لي هدية النجاح وكدا شلتها و مشيت ..
دخلت غرفتي وفتحتها لقيتها دبدوب احمر 😂😍 وعلبه صغيره فتحتها خاتم شكلو ظريف😍😍 حبيتو يااخ اتصل لي قال لي عجبوك قلت لي شديد قال لي قريتي الورق قلت لي ورقه شنو ؟؟ ههه قال لي اخر العلبه في ورقه اقريها قلت لي طيب اقفل
فتشتها وشلتها كاتب لي ..
من اول يوم شفتك حبيييييتك واتمنييييتك ام لاولادي قبل حبيبتي يلا انا بحبك و مكسر فيك وامور الحب دي ماااعندي ولا بعرف اقولها 😍😍😍❤ بس بحبك والله ودايرك حلال❤
تتزوجيني ؟؟؟؟؟
حضنتا الورقه وقعتا ارقص و اغني واتجنن واقول كلام ما مفهوم وفرحت فرح التقول عرسي اللليله 😂😂البوره لا دين لها
بس اتصل .. كرررررررر علي اقول لي دا شنو اتكلم كيف ..رديت لي قال لي جوابك شنو قلتا لي صدمتني قال لي بتستهبلي انتي اظن عارفه من زمان ماتعملي لي فيها امور البنات دي قلت لي كلامك يعني شنو مابت انا ؟/ قال لي وست البنات اها انجزي متوتر انا 😍😍😍 قلتا بس العب بي اعصابو قلت لي طيب ياحسام انت ماحصل سالتني مرتبطه ولا كدا واناااااا وسكت .. قال لي وحااات اسم الله اجي اخنقك يا بت .. هههه ضحكت قلتا لي مواااافقه يوووخ 😍😍😍😍😍قال لي ازغرد لوووولوي 😂😂😂😂😂😂😂وقعدنا نتونس لما نمتا ..
صحيت الصباح مرسل لي رساله بمووووت فيك يا مرتي المستقبليه😍❤ رديت لي ثمح موت 😂😂 قال يااخ ما تبقي ثغيلة وين صباح الخير حياتي حبي عمري الكلام دا 😂😂😂ضحكت قلت لي صباح الخير حسام 😂😂قال لي اقطعي وشك دا يلا ..قفلت التلفون ونزلت تحت سلمت علي امي و ابوي واخواني لقيتهم بشربو في الشي امي قالت لي اها حتنزلي وين قلت ليها في المدرسه النهاية الشارع دي ماااعايزه امشي مشوار قالت لي خير يا بتي 😍❤وطبعا علي متواصل معاي بس مابخلي يتعمق معاي😂😂عارفه عايز يصل لشنو 😒تلفوني ضرب جريت عليه لقيتو حسام ياااخ احلا حسام 😍😍😍 قال لي مشتاق ليك وانا برا البيت قلت لي سجمي كيف يعني وووب علي ابوي ماارق هسي سجمي قال لي كلام كتير ماعايز ولو ما طلعتي بدخل انا 😍😍قلت لي ابيييت وتعال قال لي بجي بخاف انا 😒قلت لي تقول لابوي شنو قال لي بقول لي مشتاق لمرتي وجيت اشوفها 😍قلت مجنون يعملها احسن اطلع لبست توب ونزلت قلت لي ابوي ماشه السوبر ماركت وجايه ... اتصلت لي قلت لي اقيف جنب السوبر ماركت يلا مشيت عليه قلت لي انت مجنون يااخ وبشاكل فيه وهو يضحك قال لي مشتاق ليك يااخ عيب 😍😍 قلت لي اي عيب ويلا امشي بس التفت اشوف ابوي بعااااين لينا 😨😨😨😨 سجمي انا انتهيت 😨😨😨😭😭💔
#يتبع
