هلللللللوا كيفكم💗💗💗💗
كتيييير من صحباتي صرت مأكلمهم بسب انشغالنا لو تشوفوا دا ابغا اقول
(فييينكم وحشتوني ولا وحدة مننا صارت تعبر التانية تتكلموا ومانلاقيقم غير بعد اسبوع
انا اقدر منجد ضروفنا كلنا بس مانقدر نغير شيء😔😢) المهم
كيف رمضان والصيام 😂، الصراحة انا دي الايام صارت فيا اشياء
ماكانت في الحسبان ابدآ🌚💔
الحمد لله على كل حال😌، دحين من العنوان حأقول ايش معناه
انا حأتكلم في دا البارت عن اسئلة جاتني في حياتي ومال امها داعي😟 ابدآ+الموقف يلي جاني معاها
نبدأ😬:
١-احم سؤال محرج حأقوله كبداية قصة😅، مرة من المرات كنت في بيت جدتي(ام ابوي👵🏻) وهي من النوع المشدد🙅🏻، دخلت الحمام(الله يكرمكم) واشوية بس طولت خرجت ألقيها قدامي قالت(فين كنتي؟) انا اشرت
على باب الحمام(الله يكرمكم) وقلت(في الحمام😐) قالت(ايش تسوي؟) انا كدة👈😟وقلت في عقلي
ايش حأسوي مسلا ارقص اشرت يأيدي الاثنين وانا فاتحة عيوني👀، يعني بالله ياجماعة ايش اقول
صح لازم نحترم العمر وانوا هي مشددة بس دا ابدآ مو سبب يخليك تسأل' ايش تعمل في الحمام'
مو منطقي ابدآ، انا ماقلتلها من باب اني مستغربة ولا لو ماما ماجت كنت قلتلها بالتفصيل مو قلة ادب لانها هي طلبت
لكن قلة الادب هو انك تتجاهل سؤال وانتا عارف الاجابة😌😅
٢-طيب هنا يمكن المشكلة مو من صاحب السؤال يمكن من عقلي كيف ترجموا😂، لمن كنت في الصف الاول الابتدائي
كانت وقتها صرفة وانا استنا السواق وارجع البيت ، لمن سمعت اسمي كنت حأروح لكن مين جا ودخل يجيبني
جدتي ام امي👵🏼😓وفين المشكلة اتكلمت معاية بلكنتها اللبنانية(بعدين في بارت تاني حأفسر كيف وليش)
بعدين جايين نخرج هي راحت قبلي وانا إلا بنت تيجي وتسألني(ايش جنسيتك؟) انا كدة👈😧قلت
(يعني شايفتني بنت ولا ولد مسلا😤) ومشيت، انا ترجمتوا خطأ مني متعودة على اسئلة زي كدة راحت قالت
(ايش دخل؟😟) قلتلها(ايش يعني جنسيتك) قالت (معناها انتي من ايت بلد)انا😲فشلت نفسي قلت
سعودية وهربت من الاحراج😳، انا اتربيت في بيئة ماعودتني على اشياء زي كدة(التفسير برضوا بالبارت الجاي)
٣-سؤال يقهر مررررة ، في يوم قمت من النوم كانت اختي الكبيرة بالصالة وانا رحت على هناك ودوبي صحيت
مارحت حتى الحمام(لاني مأدخل الحمام اول ماقوم من النوم بس اشوية اصحصح بعدين)
قعدت على الكنبة اشوف ايش تتفرج راحت قالت(صحيتي؟) طالعت كدة👈😒قلت
(امال حمشي وانا نايمة مسلا؟) يعني انا قدامك خلاص يعني معرفت انام جيت هنا، لكن اجابتها سكتتني
(مو مستبعد ابدآ ماهو تضحكي انتي ونايمة وتتكلمي واني نايمة ومرة حتى مشيتي وانتي نايمة
فأيش الجديد شكلوا دا كلوا وراثة من ابوكي انتي واختك) انا قفلت فمي🤐لانوا من ناحية كلامها صح
وناحية تانية ماليا خلق افكر برد وانا دوبي لسا صاحية فأفضل حل هو السكوت😌 .
هاذي هي مجموعة اكتر اسئلة ماليها داعي بالنسبة لي😂✋
بس منجد عندي دوافع تخليني اكره دي الاسئلة🙂
اعتقد جا وقت الاسئلة 🤔يلا نبدأ😁:
١-ماهو السؤال من هنا تتفقي على انوا ماليه داعي؟
٢-قد مرت عليكي واحد من دي الاسئلة+كيف واجهتيها؟؟
٣-سؤال ماكتبته هنا انتي تكرهيه؟
٤-رد تستخدميه لسؤال لايعجبك+لاي ناحية؟؟
٥-رأيك لفكرة دا البارت؟
٦-هل انتي مؤيدة لموضوع البارت القادم بعنوان'شجرة عائلتي الغريبة'؟
اعتقد انوا الموضوع الجاي يلي كتبته في اخر سؤال يعتبر خيار 🤔ودحين يرجعلكم لو تبغوه ولا لا🙂
اخخ حاسة اني تعبت في دا البارت مع اني كتبته عشني كنت طفشانة😞
يمكن كترت عليكم فاخلاص 😅
الى اللقاء عزيزاتي👋😊💗
