هلووووو افري باري😁
كيفكم ايش اخباركم انشاء الله تمام
عيد سعيد وكل عام وانتم بخييير🎉🎉💃🏻
بكرة العيد، الله يتقبل طاعتكم وصيامكم انشاء الله
الصراحة ماعتقد اني حأنسة رمضان دا لانوا صار فيه اشياء كتييير ماكانت في الحسبان🌚
ولاول مرة ختمت القران 😭😭👏،دحين جهزوا الاشياء يلي بتحطوا فيها العيديات😏😄
ودي ليلة العيد يعني فلوا سوها فلة احنا سوينا جدول بأيش حانعمل
اول شيء انا وماما واختي الصغيرة بنروح تويزر ارص عشان نجيب هدية لاختي الصغيرة
بعدها بنروح مطعم في مجمع العرب ونضيع وقتنا بعدها بنروح السوبر ماركت نتجنن وانا اعنيها😉
شكلوا بعدها الحارس بيطلعنا من ازعاجنا😅، وووو سامعة دحين صوت طراطيع🎉🙄
بعدها بنروح للبحر نشوف الشروق لانوا ماما رومانسية وتحب دا الشيء😂
واخيرآ صلاة العيد باروحها لاول مرة😬، وانتوا ايش مخططكم ل ليلة العيد
على كلن ادري اني قلت في البارت يلي فات اني باجيب موضوع عن شجرة العائلة حقتي
بس قلت ماله داعي لانوا القصة شبه مملة😌✋
ممكن تقولوا شكلوا امك زيك فلاوية حأقول ايوة😂، لانوا العيد يلي فات كنا بالطيارة لمصر وكان طفش😓
لكن يلي قبله كنا في البحر نركب جكسي هيهي😅
دحين استعدوا للعيد من ناحية ايجابية وسلبة الايجابي هو العيديات🤑، والسلبي انوا لمن نيجي
نسلم على الناس الكبار ييع😖سوري بس مو حلو الشعور😣
شكلي طولت باروح اختم مسلسلي اقبال يوم اقبلت مرررة حلو😁
عيد سعيد واتمنى ليلة سعيدة للجميع
الى اللقاء👋💗💗😘
