هلوووو كيف الحال💗 ، كيف رمضان معاكم😁
انا الصراحة اليوم كنت معفية من الشغل 😂✋عشني كنت تعبانة من كتر الوقفة
المهم شفتوا العنوان🙄رح يكون موضوعنا اليوم
صفات عني سواء كنت احبها او لا ، طبعآ صفاتي غريبة جدآ يمكن ظهرت للبعض😅
وانا حأقول رأي فيها😌، ماحكتر نبدأ
الصفات يلي احبها:
١-اني عنيدة ، احب دي الصفة كتيير تخليني افوز في نزالات كتيرة😌
٢-انطوائية، دي الصفة احبها بس هي مو دايمآ موجودة عندي حسب الاوضاع
٣-عندي حس فكاهة، طبعا دي بدون تعليق دي انا اعتز بيها😎
٤-احب شكلي، هنا صحباتي يلي يشوفوني حايقولوا اني اصلا طول الوقت كأنك جية من حرب
انا احب شكلي لانوا ببساطة مافي احد موجود اترتب عشانه( انتهوا الناس دول 😂)
٥-فيلسوفة، احب علم الفلسفة لدرجة حتى في كل كلامي حاتلاقيني اتفلسف مسلا
مرة صحبتي سألتني عن شيء اذا كان صح ولا غلط انا ايش اقول: هو من ناحية غلط
ومن ناحية صح ،صح عشان الخ الخ وغلط عشان الخ الخ تروح تقلي ايش اسوي
اقول:عندك حلين اذا سويتي دا حاتندمي بس هو صح لغيرك واذا سويتي دا انتي حاتفرحي بس مو غيرك
فألافضل الاول عشان في النهاية في غيرك مستفاد اما التاني ففرحتك فيه ماهي دايمة
بعدين تطالعلي كدة😟، انا ابغا افرفر ضحك بس امسك نفسي ، بس من جد دا الكلام صار😂😂
٦-استفز احد بسهولة ، لاني كدة ممكن تفكرني اسوي اختبار واحد لكن انا
اسويلك الف اختبار بوقت واحدة وطريقة وحدة 😏
٧-اتخذ قرار ومأندم عليه ايش ماكانت نتايجه لاني انا مستحيل اخلي كلمتي تروح وانا مافكرت فيها
فلوا شفتي كلمتي مشكلة اعرفي انها حاتكون مصلحة ليكي في النهاية😌✋
٨-صريحة، احب دا لانوا اي شيء مبني على كذب حاينهدم ببساطة فالافضل اننا نعيش
الواقع ونعرف سلبياتنا وايجابياتنا ، مهما كانت مكانتك ماحجاملك مادامك طلبت رأي
بس احيانآ ودا نادرآ مادام نادرآ اذا دا الشخص عزيز على قلبي، وعشنك على قلبي
ممكن اتنازل عشان لا اجرحك ، بس دا كلوا يصير بدون محد يفرق 😉
