حكاية حيااه 💔

الفصل الاول

تشرق الشمس بخطوطها الذهبية علي ابطالنا وتعلن عن بداية يوم جديد في حياة كل منهم ..

نجلاء : نور ، يلا يا نور قومي بقينا الضهر قومي يلا
نور : يا ماما انا ما صدقت اخدت الاجازة سيبيني انام كمان شوية
نجلاء : اه اخدتي الاجازة بس متنسيش نتيجة الثانوية العامة هتظهر بكرة اما نشوف هتعملي ايه
نور : متقلقيش يا ست الكل هشرفكو ان شاء الله مانتي عارفه ان عيني طلعت ف المذاكرة
نجلاء : ربنا يوفقك يابنتي
تنهض نور لتجلس في مكانها ع سريرها ..
نور : مش عارفه يا ماما حاسة جسمي مكسر وتعبانه اوي
نجلاء : طبعاا ماهو من الزفت اللي مسكاه ليل نهار ده لحد ما هيعميكي
نور : ايه علاقة الموبايل بضهري وجسمي يا ماما دلوقتي هاا
نجلاء : طيب يختي يلا قومي عشان تفطري وتنضفي معايا البيت
نور : اه مفيش مفر
نجلاء : هااا بتتقولي حاجة
نور : لا ابدا يا ماما يا حبيبتي جاية وراكي اهو
" نهضت نور من سريرها وذهبت لتتوضا وتبدا يومها بالصلاه وقراءة القران وتدعي ربها ان يوفقها في نتيجتها كما كانت تدعوه من قبل في امتحانااتها وكما تدعوه دائما في كل شئوت حياتها
وبعد ان انهت صلاتها وعلي الفطار ..
نور : صباح الخير يا بابا
كريم : صباح الخير يا حبيبتي
نور : ايه الفطار الحلو ده تسلم ايدك يا ماما
نجلاء : بالهنا والشفا يا حبيبتي
نور : ادعولي بقا يا جماعة النتيجه بكرة
كريم : ربنا معاكي يا حبيبتي طالما عملتي اللي عليكي متقلقيش
نور : ان شااء الله يا بابا
وانهت نور فطورها وامسكت بالهاتف لتطمئن علي صديقتها ندي
نور : يعني يا واطية انتي لو مكلمتكيش معرفش عنك حاجة
ندي : معلش يا نور انتي عارفه بقا طالعانة عيني ف شغل البيت اخواتي البنات مبيمدوش ايدهم ف حاجة
نور : اه يختي عارفه واصلا هقفل معاكي واروح اروق انا كمان ربنا معايا ومعاكي
ندي : يارب
نور : مال صوتك ؟
ندي : لما اقابلك هحكيلك
نور : بخصوص محمد بردو ؟
ندي : ايوة
نور : والله انا ماعارفه ايه اللي جابرك ع ده كله.. خلاص لما اشوفك بكرة تحكيلي
ندي : خلاص تمام
نور : يلا هقفل معاكي دلوقتي
وبعد ان انهوا المكالمه نادت نجلاء علي نور لتساعدها في تنظيف المنزل
نجلاء : يلا يا نور عشان نلحق نخلص
نور : حاضر يا ماما جاية اهو ..
وذهبت نور وبدات في مساعدة والدتها في المنزل ف ليس لديها اختيار اخر لانها الوحيدة ليس لديها اخوة او اخوات ليساعدوا امها ف دائما تساعدها حتي لا ترهق والدتها في شئ ام ندي ف لديها 4 اخوات بنات
وبعد ان انهت نور اعمالها في تنظيف وترتيب البيت وحل المساء جلست امام التلفاز لتتابع مسلسلها التركي المفضل " موسم الكرز " حيث ابطالها المفضلون " اياد وفتون " فهي تعشقم وتتابعهم باستمرار لانه مسلسلها المفضل
وعندما انتهت من المسلسل امسكت بالهاتف لتطمئن علي صديقاتها او بالاصح فهي ليس لديها الكثير من الاصدقاء في مدرستها لانهم دائما يغارون من نجاحها ويفتعلوا المشاكل معها
ولكن تمتلك ثلاثة او اربعة صديقات تحبهم ولكن بالطبع كل اسرارها مع صديقتها ندي فقط لا غير
قضت الكثير من الوقت تحادثهم وتتصفح النت الي ان وصل الوقت الي ساعة متاخرة ف اطفأت الهاتف ونامت
وجاء اليوم الموعود يوم ظهور نتيجة الثانوية
ف قضت نور ليلتها في الكوابيس والاحلام السيئة بسبب توترها
وكعادتها عندما تتوتر بسبب شئ ما نامت في وقت متاخر او بالاصح لم تنم من الاساس بسبب كوابيسها واستيقظت صباحا قبل ان يسيتيقظ والدها ووالدتها حتي

وظلت تمشي ذهابا وايابا في غرفتها حتي استيقظ ابويها وقامت امها لتحضر الفطور
وذهبت لتيقظ نور
نجلاء : نور ، ايه ده انتي صاحية ايه اللي مصحيكي من بدري كده يابنتي
نور : خايفة اوي يا ماما من النتيجه
نجلاء : ليه كدة يا نور ربنا يا حبيبتي مبيضيعش تعب حد وطالما انتي عارفة انك عملتي اللي عليكي يبقي خلاص متخافيش
نور : حاضر يا ماما هحاول
نجلاء : يلا يا حبيبتي قومي اتوضي وصلي وتعالي عشان تفطري وبلاش تحسسي بابا بحاجة عشان هو كمان قلقان عليكي
نور : حاضر هاجي اهو
وبعد ان انهت نور صلاتها جلست لتقرا القران نعم ف هي ملتزمة بقراتها للقران كل يوم علي الاقل صفحتين ف اليوم لانها قرات من قبل ان من ترك قراءة القران ليوم كامل ف هو بالتالي هجر القران وبالطبع فهي لا تريد هجر القران .. ذهبت نور وكالعادة فطرت وانهت فطورها وقامت لتهاتف ندي ليتفقا علي موعد لقائهما اليوم .. وفي وسط المكالمة :
نور : ها هتجيلي النهاردة ؟
ندي ايوة اكيد مانا قولتلك هنشوف النتيجه مع بعض عندك ف البيت بس اجيلك امتي ؟
نور : تعالي دلوقتي لو عاوزة
ندي : خلاص تمام هقفل معاكي وهلبس اهو
وانهو المكالمة وذهب كل منهم يستعد للقاء الثاني
وبعد مرور ساعه ونصف كان جرس الباب يرن معلنا عن وصول ندي
نور : يابنتي اهدي هتحرقي الجرس ولو اتحرق هتدفعي فلوسة
ندي : فدايا مش مشكله
نور : طب تعالي يختي ادخلي

وبع السلامات والاحضان :
نور : ها احكيلي بقا ايه اللي مزعلك من محمد
ندي : مانتي عارفه يانور اني بحبه وهو كمان بيحبني بس مش عارفه اعمل ايه اقف جمبه ولا اعاتبه ف موقفه ده
نور : موضوع اهله وخطيبته ؟
ندي : ايوة ، هو اصلا هو وخطيبته مخطوبين لبعض غصب عشان هي تبقي بنت عمه والعادات والتقاليد اللي انتي عارفاها وهو مبيحبهاش بس هي بتحبه واهله هددوة لو ساب خطيبته هيقطعو علاقتهم بيه وماما عرفت اني بحبه وطلبت مني مكلمهوش تاني وبهدلتني وطلعت عيني وهو مش عارف يعمل ايه ولا انا
نور : بصي بصراحه انا مبستظرفش محمد وانتي عارفه كدة ، مش عارفه استوعب الموضوع لما حطيت نفسي مكان خطيبته قلبي وجعني اني ابقي بحب خطيبي وبحاول اكسبة وهو بيحب واحدة تانية وبيحاول يكسبها بس بردو مش عايزة اظلمه هو مغصوب عليها مش بايدة وبيقول انه بيحبك ف قللي كلام معاه لحد ما ياخد خطوة جدية ف الموضوع ده وياريت تقطعي كلام اصلا لان غلط كلامكم الكتير مع بعض ده وعامة ياستي اللي فيه الخير يجيبه ربنا متقلقيش
ندي : يارب يا نور
نور : خلاص فكي كدة بقا هتزعلي وانا جمبك يعني
ندي : ربنا يخليكي ليا يا احلي اخت في الدنيا
نور : ويخليكي ليا .. وبعدين عاوزين نستعد للنتيجه انا مرعوبة
ندي : اه صحيح تعالي نفتح نشوف نزلت ولا لا
نور : يلا
وذهبوا ليطمئنوا اذا كانت النتيجه ظهرت ام لا
وكانت ظهرت بالفعل ... وكانت المفاجأه !!!!
ـــــــــــــــــــــــــــــــــــــــــــــــــــــــــــ
وبكده يبقي الفصل الاول انتهي استنو الفصل التاني بكرة ف نفس الوقت ده
ياريت اللي بيتابعوا القصة يسيبوا كومنت يقولولي فيه رايهم وتوقعاتهم لنتيجه ندي ونور هتبقي عامله ازااي ؟!؟!
وياريت بردو تشجعوني ب فوت 😍😍