لعل الله يحدث بعد ذلك امرا

الجزء الخامس

#لعل الله يحدث- بعد ذلك امرا
الجزء5
عمر- رجعت وي نور للكابينه لكيت رقيه نايمه بدون حجاب ركضت نور عليها لج حيشوفج عمو عيب ضحكت كتلها لا عمو هاي مرتي عادي
رقيه - كمت صبيت الغده وتغدينا تلاثتنا وسولفت نور وضحكت واحنا نضحك عليها وكلوبنا وعقلنا بغير مكان اخاف اباوع بعيونه ويخاف يباوعلي
كملنا وكملت شغل وكعدت ادري نور عمر طلع عده تصليح راح لكابينه المولده واني التهيت بالدراسه وركبت غده باجر لليل حضرت العشا سويت بيتنجان تكلاه وزلاطات
وخبزت هم اكلت نور واني ما اشتهي بس اقره ل12بليل عمر ماكو ضليت كاعده ادرس ونور نامت لل1ونص عمر ماكو ضل بالي شويه وانفتحت الباب دخل عمر وكبل فات للحمام طلع كتله تاخرت اشو
عمر- دا اشتغل ليش احتاجيتي شي
رقيه- لالا بس خفت
عمر- لا لتخافين عليه هيانها المولده بصف الكابينه كم بيت
رقيه- تتعشى
عمر- اي والله جوعان
رقيه - خليت العشه وسويتلي لفه وكعدت عالجربايه اكل اللبن صار يخبل
عمر- عاشت ايدج عاللبن كلش طيب
رقيه- بالعافيه كمل العشا وكام عالسنك يريد يغسل المواعين ركضت لاعمر عوفها اني اغسلها انت تعبان
عمر- لا اني اغسلها رقيه -صرت قريبه منه باوعلي بعيوني وراها باوع على شفايفي رجع ليوره وكلي غسليها بكيفج
عمر- كمت اخاف اقترب منها خاف افقد
كملت المواعين وجتي بالفراش جنت داكلب بالكتاب وبدينا نسمع الاصوات العائله البصفنا باوعتلها ونسمع صوت البوس والضحك ضليت اباوع عليها تذكرت الضهر وهي ضلت تباوعلي وتبتسم وراها دنكت ودارت وجهه شعرها نزل للكاع ضفيرتها ضليت اباوع شون شعر حلو تذكرت من اننثر على وجهي اليوم شجاني وتقربت منها نمت ونعلت الشيطان رقيه- كالعاده مشت الايام اني ونور ملتهين دراسه واني طبخ ودراسه وطلبيات للمدرسات تمر كام ميطب للكابينه هم ملتهي بالتصليح بس الصبح يوصلنا ويرجع ب2 واكون نايمه بهالوكت وصلنا امتحانات نصف السنه
عمر- صار اسبوعين كاضيها بكابينه المولده والتصليح صار عدي سمعه بالمنطقه الحمد لله
وداجمع اريد اشتري سياره تفيدني اشتغل بيها خط الصبح والضهر وي طلعه البنات ردت كيه حمل حتى تفيدني بالخط وداحاول قدر الامكان ما اشوف رقيه حتى ما اضعف كدامها  واسوي شي يخليها تتندم اطلع تلصبح ارجع بليل ومن ارجع الكاها نايمه اضل اباوع عليها وعلى جسمها حبيبتي هاي مرتي مشتاق لشفايفها اوف ربي صبرني  وعلى هالحال كل يوم انام والصبح اكعد اوصل البنات وارجع اشتغل
رقيه- كملنا امتحانات وثنيناتنا ناجحين بتفوق والحمد لله عطلنا عطله نص السنه  وكعدنا بالبيت
رقيه- دنتغده اني ونور جنت لابسه كيمونه لان الكابينه دافيه وعمر كام ميجي بالنهار وصدري مبين وكصيره حتى رجلي مبينه لركبي دنتغده اني ونور ودخل عمر للكابينه اني تفاجات ردت اكوم ركض كلت هسه يكوم بعد ميفوت للبيت خل اسويها عادي ضليت كاعده بس مستحيه كلش
ضل صافن عليه يباوع
عمر _هاي شلابسه همست وكعدت يمها
رقيه- عادي وكمت اجرجر بالدشداشه اعدلها خاف جسمي يطلع  رجلي عمر ضل يبتسم ويتفرج
عمر- الصدر نصه طاله كيمر عرب رجليها التخبل وزنودها وايدها كيمر نسيت نفسي فقدت كمت ما اكدر اكل  بس اباوع حته نور انتبهت كلتلي عمو هذا ماعون رقيه دتاكل منه كمزت صبتله وجابتله ماعون حتى اكل وياهم ضليت اباوعها همستلها تره انتي تخبلين 
رقيه- جمدت من الخجل كلش استحيت
عمر- بليل جبتلهم ستلايت وتلفزيون لان عطله وشديته وكعدو يتفرجون نور نامت من وكت
رجعت لكيت رقيه كاعده تتفرج شمرتلها جيس حب كتلها كرزي عالفلم وضحكتلها كاعده على جربايتي لان التلفزيون كدامها واذا كعدت على جربايتها يكون التلفزيون فوكاها كلشي متشوف من شافتني جيت نزلت بالكع تتفرج كعدت بصفها وخليت ايدي عالجربايه وراها يعني
رقيه- باوعتله ها شكو شوحتحضني
عمر/ رقيه وين جان بيت اختج اغير الموضوع دلتني وكالت لي بيت ام حمزه وفلان محل اسمه يمهم سالتها ليش جنتي تطلعين كلتلي طبعا المسواك كله عليه اعرف السوك كله ضليت صافن عليها
رقيه- شبيك صفنت يعني اني كل يوم انسوك وارجع لمده سنه متريدني اعرف ابو المخضر الزين من الموزين لو ابو الاسواق الزين من الموزين
عمر- صح بس بداخلي احتركت غيره وخرت ايدي وكمت افور واتخيلها تفتر بالسوك والشباب تباوعها وتتعامل وياهم وهاي صدك ضجت كمت نمت هي هم طفت التلفزيون ونامت صار عدي شك باجر اخلي الولد يوكف عالمولده واني اروح اشوف هذا نسيبها العار بلكن اكدر اتعارك وياه ابرد كلبي
صبح الصبح وتريكنا وطلعت كتلها عدي شغله المغرب ارجع
رحت فتت للمنطقه الوصفتها ولكيت المحل الكالت عليه ولكيت بيت ام حمزه ضليت انتضر شوي شفت البيت الكبال بيت اختها طلع ولد منهمً وكفته  كتهله يولد بس سوال هذا بيت ابو حمز ه الولد كلي اي بلي كتله ابو حمزه شنو شغله كلي معيد صفنت كتله عده بنات كلي لا بس ولد كتله زين عده وحده تقريبا بت ال16نريد نخطبها صفن الولد بوجهي كلي عمي روح هاي البنيه ماتفيدك كتله ليش عمي عاجبتني كلي عمي روح اصلا ماموجوده هجت
كتله معود كول غيرها ليش هجت كاللي البنيه المنطقه كولها تعرفها مطكوكلها سيفونه والضهريه تطلع والمغربيه تطلع ونصاص الليل تطلع
سالته كتله شتلبس من تطلع كلي تلبس عباه عالراس بس شالفايده وهي موخوش
افتر راسي كتله شون عرفتها موخوش
كال هاي الناس كولها تحجي فات ولد ثاني صاحله الولد كله تعال عمي رقيه بيت ام حمزه شونها الولد كله هههه بطله ليش كالاه الولد يريد يخطبها كاله عمي هجت وي ولد شغلتها البنيه
انصدمت كتله زين اختها مادورت عليها كاللي شتدور وهم لاكفيها وي ولد بغرفه النوم وجانو كلهم طالعين ورجل اختها طلع يركض وراهابالسلاح الولد فلت وبقت هي انهزمت من جوه الجسر ضليت صافن وخفت كلش السالفه مومثل مكالت طلعت شغلتها سالته زين يعني هي مو بت بيت كلولي لا عمي الله يستر على بناتنا يوميه بالسوك وي ولد تتواعد وتجي عالموعد للبيت وتاخذ فلوس لان تريد تصرف على لبسها حتى اختها بطلتها من المدرسه حتى تسيطر وهم من يطلعون لو ينامون تشتغل بس اني ومحمد اللي كبالك محصلنا منها شي الفرع كوله مستفاد بس حضنا المصخم
عمر- رجعت اريد اجر مفس نفس ما اكدر جسمي يرجف هاي اني شملفي بالبيت ونور شون زين شسوي ضليت كاعد عالرصيف حتى بجي بجيت جاير بامري يارب دلني واهديني شسوي رجعت لل12بليل افتر بالشارع مثل المخبل رجعت طبيت بالكابينه لكيتها كاعده لابسه الكيمونه نفسها ونورنايمه وهي دتتفرج فلم وتكرز حب باوعتلي ابتسمت وعدلت كعدتها تخيلتها بت ليل هي لو تستحي صدك متلبس هيج بس هي عدها عادي ضليت اباوعها اريد املخها
رقيه- نضراته مو طبيعيه تخوف كمت على حيلي عمر شبيك اكو شي
عمر- بدلي ولحكيني لكابينه المولده اريد احاجيج
رقيه -غطيت نور ولبست عالسريع وطلعت وراه وجسمي يرجف من الخوف هذا شبي
عمر- اول مفاتت للكابينه استغليت صوت المولده العالي ضربتها قوي بكل قوتي وضليت اضرب بيها فاقد لحد ماوكعت بالكع واني هم وكعت
رقيه- كمت اون بدون دموع كعدت بالزويه خايفه منه والدم من كل جسمي ينزف وهو كعد خله ايده على راسه انتي منين جيتيني لو مخليج منتحره اشرف
رقيه- لو منتحره ولا هذا الالم من كلبي ومن جسمي همست
عمر- انجبي انتي اصلا عار واختج خلصت منج
رقيه- رحت سالت عليه المنطقه
عمر- هههه اي طلعتي خوش سوك مسويه يولي لعد شبيج ويايه
رقيه- كمت بالكوه كتله كوم ويايه اريد فلوسي من الكابينه
عمر- وين تردين تولين ىاني صار 6اشهر هنا المنطقه كلها تعرفج مرتي تبقين بالكابينه وحسج ميطلع وحتى دوام بعد ماكو واذا حاولتي تنتحرين تره من الزمج والحكلج اسوي بيج مثل مسوو بيج هم اني حذرتج تره
رقيه- ساكته واريد الله يبينها كدامه الله اليعلم هذا الحقير شكايل للمنطقه من سالو عليه اكيد سمعو صياحي وشافوني من انهزمت ويشوفوني دائما اطلع عبالهم موخوش بنيه ساكته واتخيل شصار بي من سمع هالحجي من حقه ضربني بس لازم يتاكد حسيت روحي دا اتخربط اغمى عليه ومحسيت الا واني على جربايتي بالكابينه ومتغطايه وممسوح الدم من على جسمي جانت الدنيا ضلمه هو ونور نايمين كمت توضيت وكعدت عالسجاده مااكدر امشي قيت عالسجاده ابجي لاذان الفجر واندعي ربي يبينها الي مكدرت ادعي على عمر لان ادري بيه ماله ذني هو هم تاذه من سمع هالحجي وهو ماكو بحنينه ربي ساعده وياعدني يشوف الحقيقه لان تعبتني دنيتي  وانت اعلم واني راح اقاوم وماانتحر واضل ادعي لحد ميستجاب دعائي عمر- فزيت باوعت لفراشها مموجودهً وينها هاي انداريت لكيتها عالسجاده تصلي يمكن تريد ينستر عليها اني مشفت منها شي يجوز ماضيها وصخ بس منا وهيج متطلع من الكابينه ما اثق بيها خليها هنا تخدم نور وتخدمني درت وجهي ورجعت نمت
رقيه- ابقى كل يوم اصلي لحد ما الله يبينها
الصبح كعدت مااكدر احرك جسمي نور اجتي يمي تبوس بيه تكولي لتموتين مثل امي بجيت كتلها لاحبيبتي ماموت