لعل الله يحدث بعد ذلك امرا

الجزء الأول

#لعل الله -يحدث بعد ذلك امرا
الجزء1
مريم السعدي
صعدت عالجسر اباوع عالشط انتحر احسن ما ابقى هيج والله يدري اكيد ميذبني بالنار ربي اخذني يمك وين اروح اذا مشيت خطوتين اضحي بشرفي سمعت صوت من ورايه عمي  شدسوين انزلي حاولت قبلج حرامات ترحين للنار تره انداريت شفت واحد مدنك يم الشط وبيده عوده ديلعب بالتراب كتله عوفني بقهري ولندخل بس الله يدري كلي عمي دنزلي واذا قهرج اكثر من قهري اني اعوفج تنتحرين ببحدج واذا قهري اكثر اني الانتحر انزلي انزلي الدنيا غبره وماتسوى حرامات نزلت كعدت بعد مترتين عنه وهو مباوعلي ابد اباوع عليه شاب يطلع بالعشرين بس مبهذل وتعبانه حالته كلي عمي اني هجيت من الانبار وكل اهلي راحو بالقصف بقو بس بيت عمي 3زلم والتحقو بالحشد تعرفين شنو عشاير راحت بالقصف لو ماتعرفين هجيت وبقت بس بنت اخويه وجبتها ويايه بصف رابع ابتدائي بطلعان الروح اشتغلت عماله يوميتي 10 ومعيش هالطفله بكابينه ماجرها100بالشهر واذا يوم ماروح للعماله تنلاص عليه اليوم رجعت لكيت الطفله واكعه ومكسور فخذها ضليت حاير بيها وجبرنا الها واريد ابدللها تبجي وتخجل مني تكولي عمو صرت جبيره وتون من الالم خطيه نطيتها المسكن ونامت وطلعت من الكابينه اشرلي عالكابينه انداريت ورانا بعد كم فرع عن الجسر دمعت عيني مو بس اني ميته قهر اندار عليه ها منو اكثر قهره كتله اني اكثر كلي شون بله سولفيلي
كتله جابوني من الموصل اهلي دزوني لبيت اختي يخافون عليه واهلي ماتو كتلوهم لان بامرلي كلهم كتلوهم كعدت يم اختي صار ست اشهر ورجل اختي كل يوم يحاول يتحرش بيه اليوم دخللي للغرفه بالوحده وراد يعتدي عليه واني جنت وحدي بالبيت اختي بيت اهله بالفرع يمنا وضليت ادفع بي الا شوي يروح شرفي اختي بنت امي طبتلي ركض وكامت تصيح وهو يكولها هي تحرشت بيه المصيبه وين المصيبه مصدكته وتةولي منتبها عليج صار فتره ماعرف شون تباعيله وطردتني من البيت ساعه 2من الليل مكالت هاي اذا طلعت راسن تنداس بالرجلين ضل صافن عليه الله يساعدج عمي كومي انتحري لو تجين ويايه تدارين وياي هاليتيمه وكام مشه من يمي وعبر الجسر ضليت اباوع ماعدي غير مكان اروح مشيت وراه التفت باعي خويه اني الكابينه غرفه وحده هي مطبخ وهي هول وهي غرفه وبيها حمام انتي لا تخافين اني انام بالزويه واطلع الصبح الفجر وارجع بنصاص الليالي اخذي راحتج بالبيت بس دير بالج عاليتيمه اني ساكته كلشي ما احجي شوكت الله ياخذ امانته دخلت الكابينه جانت دافيه والطفله نايمه سد الباب ورايه وفرش ونام هو مبين عليه عايش بس هو ميت تقربت يم الطفله غطيتها زين شون حلوه خطيه جريت بطانيه ونمت يمها وتغطيت بعباتي حسيت على صوت اللذان جان كلش قريب يمكن بصفنا جامع كعدت شفته الولد جان ديصلي كمت توضيت وصليت وراه وبعدين شفته وكف عالطباخ يسوي ريوك اني كانما موموجوده وطلع جاب خبز ورجع 3خبزات ضليت اراقبه كعد ياكل وكمل اكله ومن ديطلع كلي هو ومدنك راسه خويه الثاجه بيها بيضتين وهاي الدهن ديري بالج عالطفله وديري بالج من تشغلين الطباخ ثيماللاه وطلع وقفل الباب علينا تريكت جنت ميته جوع بقيت بيضه للطفله وخبزه ودورت لكيت فاصوليا عده وعده بصلايه وعده طماطيه وشويه تمن اني اعرف اطبخ كلش زين الحمد لله تقربت يم الطفله بدت تحس كعدتها هلاوو شونج اني اسمي رقيه شنو اسمج جاوبتني نور اوي فدوه تخبلين كلتلي منو انتي كتلها اني حصير صديقتج لان عمو عيب يغسلج ويبدلج اني ادير بالي عليج نور- ماشي احنا ثنيناتنا بنات موعيب رقيه - اي عفيه موعيب غسلتلها وبدلتلها وبديت اسالها حبيت فكره ابدي حياتي بدون مااحد يمسني بشرفي مرتاحه حتلو متت جوع
مضفت الكابينه ورتبتها وجضرت غده بالباقي وماكو معجون سويتها عالطماطا ثرمت وياها طماطا والله صارت طيبه رتبت الكابينه وصارت حيل حلوه والحمامات وغسلت الملابس وحرت بشرهن نور كلتلي عالشباك مال حمام سويت مثل مكالت وكعدنا اني وياها نسولف كلش حبابه هي وعاقله بس خطيه تقهر اكلتها حته تتقوه شوي وتطيب رجلها وصار الليل بقيت شوي للولد اللي لحد هسه ماعرف اسمه اكل  ناكت نور وبقيت اقره قران لكيته بالشباك ضليت اقره ومايجيني النوم ضليت اذكر شون جنت عزيزه ابوي بالموصل  ومدللني وطلعني بس حته احافظ على شرفي وعندي اموت ولا افرط بي ضليت حايره متخوفه من الولد خاف تالي الليل يهجم عليه كمت اخلي سجين جوه راسي اخاف يريد يهجم اخوفه بيه هالاكدررعليه سمعت صوت قفل الكابينه ينفتح لبست الحجاب وكعدت يم نور والغرفه ضلمه طفيت الضوه هو فات كبل للحمام وسد الباب سبح وطلع اني اباوع عليه قفل الباب باوع عالطباخ اللي بصف باب الكابينه ضل يباوع عالمطبخ لان مرتبته ابتسم فتح الجداري لكه بيها اكل مادار وجهه لان ضلمه يمي مايشوفني اذا اندار حمه الاكل وكعد بالكع ياكل كمل اكله شفته كام غسل الجدوره وخلاهن بمكانهن خله علا ليك بالثلاجه اني سويت روحي نمت يم نور شغل الضوه اقترب من عدنه طلع صوت خاف اني ملابسه الحجاب باوع على نور باسها من راسها اني كعدت عدل كتله السلام عليكم كالي سلام خويه شونها نور كتله الحمد لله سبحت وصارت احسن كلي اخذتلها اجازه مرضيه الباجر كوليلها تكعد تقره