سايق برادو

1

كنت ماشة الصيدليه اجيب لي حبوب لي وجع الحلق بتاعي وشلت معاي 20 جنييه بس ولمن وصلت ودخلت قلت لي الصيدلي عليك الله اديني حبوب لي وجع الحلق قام اداني ليهم قالي : 30 جنييه ..

انا حيلي برد قلت ليووو كم كم ؟؟؟

قالي تلااااااتيييييين جنيه

قلت ليو م جبت معاي غير 20 م ممكن

قالي لا والله م ممكن .. بس انفعلت ليك فيووو اسمعني يا انت ماغي شي ضار البلد غيركم انتو مغلين الدوا يعني نحنا نموووت ماعندكم زمه وانتو وانتو وانتو وسمعتو فارغه شديد عمك والله ولا اشتغل بي شال الحبوب رجعهم محلهم انا جاني انهيار وضغط وسكري ف اللحظه ديك طلعت برة قعدت ف المصطبه بتاعت الصيدليه .. ودمووووعي شارات عشرة عشرة بس ارفع راسي القى ليك بتاع برادو وقف عربيتو ف وشي ونزل يا سلااام زول وجاهة ونضافه وشكل وحات الله وجع الحلق براو زح وقف لي ف راسي عاينت ليو من تحت لي فوق قالي مالك بتبكي ؟؟ يا اختي

انا قلبي وقع ف يدي وعرقت جنس عرررق وبديت اتمتم ليهوووو انا انا !! يع يعني هو اصلا ي اخوي انو انا يعن يعني هو ....

قالي مريضة او حاسة بمرض ؟ الصيدليه دي حقتي لو احتجتي لاي شي انا موجوود

انا والله حسيت باحساس جميل خلاص لسه السودان فيهو ناس طيبين وفيهم مرووؤءة يلا كشف للعشرين الفي يدي قالي تعالي اتفضلي انا توبي الرابطاهو والله لمن اتفك 😂😂 دخلت وراهو بتاع الصيدليه طوالي قاليو اهلا يا بروف وشافني ليك قالي هسي البت نضمت فيني وسمعتني فارغه لمن الله غفر لي .. قاليهو مالا ؟؟

الصيدلي طوالي قالي والله يا دكتور فارس (احييي من الاسم عمل لي سكته ) دايرة حبوب وجع حلق ومعاها 20 وعي طبعا بي 30 قلت ليها ما ممكن وفارس دا كان بسمع ف الكلام وحايم ومتجه لي محل حبوب وجع الحلق بس مسك علبه الحبوب قاليو دي ؟ الصيدلي وقف رغي قالي اي فارس رد ليو يا رمة شايف البت جايه براها والساعه قريب 10 ومريضه انت ناسي شغلانتنا دي انسانيه قبل ما تكون مادية ولا القروش نستك يا حضرة الصيدلي واتلفت لي اتفضلي ي اخت واسف على كل شي وقروشك اشتري ليك بيها حاجه حلوة اكليها بعد الحبوب انا بكييييت بكا ف اللحظه ديك 😭 قلت ليو انا م عارفه اتشكرك كيف يا دكتور والله الحياة صعبه والناس زايدنها علينا قام قرب مني قالي م مشكله يا انسة ونحنا موجودين كمان عشان نبرد علييكم .. قدمني لي برة قالي بيتكم قريب من هنا اوصلك ؟ قلت ليو لالا شكرا ليك بركب المواصلات وبصل ..