سايق برادو

2

وقفت قدام الظلط مستنيه المواصلات استنيت مسااافة ومافي حافله الشارع زحمه كلو عربات ملاكي فتحت تلفوووني لقيت الساعه 11 ونص والليله سجمي امي بتكون قلقت علي اتلفت ورا جهة الصيدليه لقيت دكتور فارس خاتي يدينو ف جيوبو وجاي علي براحه ابتسم لي ابتسامة معناها للاسف ماف غيري 😢 قلت ليو طيب ي دكتور اسفة ممكن توصلني عشان الزمن اتاخر شديد قالي ولايهمك تعالي المهم مشيت ل اتجاه العربيه دايرة اركب الباب الخلفي قالي ليه اركبي قدام 😊وانا ساكته وخايفه مشيت ركبت قدام اتحركنا وانا ساكته وهو ساكت كان سايق بيد واحده ومركز ف الطريق بعد شوية ..

بالمناسبه احنا ماشين وين يا ...

صاح هو انت اسمك منو

رديت ليو بصوت واطي آلاء 😢

اسمك حلو ي الاء يلا نحنا ماشين وين طولنا ماشين ف نفس الاتجاه م لفيت قلت ليو شفت اللفه الجايه على يمينك واصل وهو ساكت وقق العربيه قدام باب البيت سكت مسافة قالي حمدالله ع السلامة قلت ليو تسلم ي دكتور بالجد متشكرة قالي لا لا انا كده ح ازعل نحنا اخوان وكلنا مخلوقين نساعد بعض 😊 جيت عاوزة انزل قالي هو ي الاء انتي بتقري ؟ جاني انكسار كده ونزلت راسي لي تحت انا امتحنت تالت وجبت 92.7 % (شوفوا ي الممتحنين😚) دخلت طب جامعه ( ) ^^(خلوها بين قوسين 🐸) ونسبة لظروفي الكعبه ماقدرت اواصل اضطريت اجمد ودي السنه التالته لي وانا بالحال دا عندي 4 اخوان كلهم سابوا القرايه بسبب ظروفنا اخوي الكبير شغال عشانا بس والله السودان امورو زفتة لكن الحمدلله صابرين 😔

دكتور فارس والله يأسفني حالك دا وعلى قولك الحمدلله .. ف رايك ممكن اشوفك تاني ..🙂 بادرت بالسكوت ونزلت ..

دقيت باب الشارع عشان يفتحوا لي م معاي مفتاح💔 ودكتور فارس مشا واول م الباب فتح م حسيت الا بزول بضرب فيني .. اااه ي كلبه يا وسخه ياحقيرة عايزة تجيبي لينا العار على اخر عمرنا ناسيه انو الناس م بترحم ليه الاء انتي مخلوقه من شنو راعي لي اننا اخوانك ف البيت دا وعايشين ليك وفضلت اصرخ كفاية ي ادهم شعري والله منا سايبك يا تافهة يا سافله ..

فك البت دي ي ادهم انت م ولدتها عشان تضربا وما من حقك فكها يلا ..

حذيفة انت م شتيف مثلا اتاخرت وجاية بعربيه انصاص الليالي كنتي وين يا كلبه ي م بتشبهي البنات ..

قلت ليها فكها ي ادهم وخش جوة انت ..

صاح غلطان انا ولذاني على الحيطه 😭😭

قام حذيفة ضماني ليو وبديت اشرح ليو .. والله ي حذيفة يا اخوي انتو فاهمين غلط خلوني اشرح ليكم ..

هووووش خلاص حبيبتي انا متأكد انو اختي حبيبتي لايمكن تخذل اخوانا فيها .. ودخلنا لي جوة حكيت لي حذيفه وامي القصة كلها 😭💔 امي وقفت معاي كعادتها وخففوا عني الضرب بتاع ادهم .. بعدين جاني صوت فادي .. انتي ي الاء ي اختي نحنا كلنا قاعدين تطلعي انتي لشنو 💔😢 ماخايفه على نفسك الزمن دا كعب .. امي ردت ليو معليش ي جماعه حصل خير ..طيب ي جماعة بمناسبة حصل الخير دي انا سمير احمد عبدالله بقول لي اختي العزيزة انو انتي ابتداء من بكرة حترجعي الجامعه😻😻 والله الفرح ملى قلبي وابتسسسمت ابتسسسامه راحت مني ليها زمن وف باقي الليل داك عملنا شاي بي لقيمات امي الجميل داك 😻

في الصباح البدري اتصلت لي صحبتي امل ابشرها انو انا ح ارجع الجامعه اخيرا بس ي حرام امل ف خامسه وانا ف تانيه بس م مشكله احسن من عدم القرايه امل فرحت شديد ..

طلعت مشيت ع المواصلات ركبت كنت قاعده جمب شباك وفرحتي ماسايعاني جيت بصيدليه دكتور فارس اتبسط شديد وضحكت براي لمن ناس الحافله كلهم عاينو لي 😂😂

وصلت الجامعه 😻 ما اتغيرت جامعتي الجمييييلة زي ماهي بعد 3 سسسنة رجعت لي روحي وقرايتي البحبها ياسلام 💜💜 من اول م دخلت والسكيورتي بعرفوني رحبوا بي ترحيب شديد 😻 ودخلت والناس كلها البتعرفني سلمت علي كاني طالعه من السجن (تشبيه عواليق ) بس والله نفس الفرحة😻

بعداك بسرعه مشيت احصل عشان اشوف الجدول شنو 🙂 سالت بت من الدفعه قبت ليها لو سمحتي اول محاضرة شنو ؟ قالت لي انتي جديدة قلت ليها ممكن تقولي كده 🙂 قالت لي اسرعي المحاضرة مع دكتور فارس😍 البت باين عليها م مصدقه انو المحاضرة بتاعت دكتور فارس انا قلبي طعني طعنه ياربي دا فارس زاتو؟؟؟؟ معقول هو دكتور ف الجامعه ودكتور عديل وعندو صيدليه ماشاءالله بس يمكن ماهو كدي غايتو اتوكل احضر المحاضرة واشوف ..

يتبع