سايق برادو

7

سوسن: ياجماعه فهموني 😳

الاء: ياسوسن قرينا سوا نحنا من سنه اولى ثانوي 🌸

محمد: وكنت بحبها 😍 وصحي ي الاء اختفيتي وين اول م خلصنا تالت م شفتك نهائي وفقدت الامل ف اني قد القاك مشيت بيتكم لقيتكم رحلتو💔 ليه مشيتي وخليتيني بالطريقه دي ..

انا طوالي اتوترت ورفعت يدي لي مسحت على عيوني وظهرت خاتم الخطوبة ..

محمد: اتخطبتي يا الاء 💔😫هسي م تصدقي كيف كنت فرحان ماصدقت لقيتك ..

وسوسن متفاجأه شديد : يعني دي الاء الحكيت لي عنها انها اختفت😳

انا: خليك مصدومه لسة ي سوسن ..انا اسفة لازم امشي 💔سلام

وسرعت خطواتي بعدت منهم وف جواي حاجه مكسورة 💔 دا ياهو محمد حبي الضاع💔😫 اصلو م كان وقتك تظهر ف حياتي ياخ💔

وقفت للمواصلات سمعت زول بكورك لي اتلفت لقيتو دا فارس ومعاهو زول 😢 ومن الجهة التاتيه لقيت سوسن بتوصف لي محمد كانها بتقول ليهو دا خطيبا 💔

فارس : الويتي اعرفك .. بهاء الدين صحبي شديد من نحنا ف اولى اساس😍

مد لي يدو : اتشرفنا ي الاء🌚

انا : عظيم الشرف

بهاء : مستنية المواصلات ولاشنو💔

انا : اي

بهاء : انا اصلا ماشي ممكن اوصلك ف طريقي ..🌸

فارس : وانا ماعاجبك 😏

(كدي بعيد من المناقرة دي اوصف ليكم بهاء👊🏻طووويل اسمراني عريض كانو لاعب ف منتخب اماراتي 😍 حواجبينو غزار ولونهم اسود عيوني لونهم اخضر 😻💓 لابس قميص اسود اكمامو تلات ارباع😍 وماشاءالله بسس )

فارس:والله انا اصلا عندي مشاوير طويلة 💔😢 ومواضيع لازم اخلصا💔 ممكن تمشي معاو ي الاء 💔💜

انا : فارس ولايهمك بمش بالمواصلات😬

فارس : نفس الموضوع تاني ي الاء 😒

بهاء : انا نسيبك اخو الزول دا م تخافي ( طبعا هو النوع الخفيف اللفيف داك الجنو ونسة😒💜)

انا : خلاص ارح ..💔 بس والله ي فارس انا مابركب تاني ولاحتى معاك هسي ناس حينا يقولو علي شنو..

فارس : انتي شايله هم حيكم دا كده خلاص يعني من الجيرة الفايته😒💔

بهاء : ورح ي الاء م تتشاكلو لينا هنا 😍

مشيت معاهو عندوو عربييييه تسووو كدا👋🏻 عربيه بالرمادي والاسود زي اللمبرقيني كده .. المهم ركبت معاهو

وتعالو شوفو الونسسة 🙂

بهاء :بالمناسبة انا كنت ف لندن 😊