سايق برادو

4

وصلت البيت وانا تعبااانه كانت الساعه 8 .. بلعت امي حبوبا وبقت احسن .. مشيت غرفتي .. سمير جاني قالي ممكن ادخل ..قلت ليو ادخل سموري ..

جا قعد معاي واتونست وحكيت ليو عن دراماتي بتاعت الليله ..وموضوع فارس ...قام قالي انا ليه حاسي انو فارس دا العريس المنتظر ..قلت ليو بعد يوم الليله دي لاعريس لازفت م عايزاو رد لي هو انتي لاقيه شوف دي بالله . .. عارفه يا الاء انا كان نفسي اكمل قراية والله العظيم انا لسه عمري 18 سنه كلنا بنمتحن تالت ونخش الجامعه ونجمد حظنا بطال نفسي ي اختي اكون اكبر مهندس بتاع معمار 😔 قلت ليهو ح تقرا ي اخوي ان شاءالله وح تحقق العايزو قالي انتي بس كملي عشان الحق اقراء بعدك 👊🏻😂 قالي انا الليله م فطرت ولا اتغديت 😂 وانا زاتي ي سمير .. انا بلم ف مصروفي نمشي بيهو حالنا ونساعد حذيفه معانا هو تعبان شديد عشانا .. الليله نقشت بيت ي الاء سيدو اداني 300 جنيه مسكتهم لميتهم .. طبعا ي سمير حذيفه وماما م يسمعو عشان حذيفه ح يزعل ..اي كلامك صاح .. انا تعبان شديد ماشي انوم .. عوافي حبيبي .. وطلع مشى ..

يا امي امي ياااخ جيبي قرووش .. من وين ي ادهم امي تجيب ليك قروش ابقى راجل واشتغل سمير الاصغر منك بشتغل ياخي حرام عليك ...💔 جراني من شعري ..شوفي هنا ي اختي الحلوة خشمك دا امسكي عليك .. فك البت دي ي ادهم م تزيد علي الضغط الهي م يرضى عنك ليوم الدين مكرهنا عيشتنا ف البيت دا .. معليش ي امي امسكي نفسك .. ادهم فك الاء ياخ حرام عليك البتعملو فيها ليل ونهار ضرب .. عليك الله وري ي فادي فكني

يا زفت ادهم ..وضرب راسي بالحيطه ..

الهي م يرضى عنك ي ادهم ليوم الدييين 😭😭😭💔

معليش ي امي م تزعلي نفسك ادعي ليو ربنا يهديو .. قومي ي بتي نومي ارتاحي بكرة وراك جامعه شدي حيلك جيبي ود الحلال اليريحك من البيت دا .. مهما يككون ي امي بيتنا واخواني وبحبهم ..

بكرة الصبااح .. لبست وطلعت ماشه من بيتنا لجهة الظلط لقيت عربيه فارس واقفه .. ياربي فارس دا بيعمل هنا ف شنو؟؟ ونزل القزاز . اركبي ي الاء .. انا ماشه ب المواصلات .. الا لو سمحتي بطلي عناد 😊 ركبت معاو ..وكان ساكت لحدي م وصلنا باب الجامعه .. بطل العربيه .. وجيت عاوزة انزل قالي حبوب الضغط الامس دي لمنو؟ قلت ليو امي .. سلامتا .. شكرا .. ومشيت .. وقفني ي الاء اتلفت ليو .. نعم ؟؟ اول محاضرة معاي ماتسرحي !!😂 واصلت وخليتو .. يلا الظاهر ف بنات شافوني نزلت من عربيتو وانا داخله على الجامعه كده سمعت البنات .. والله ماشاءالله دكتور فارس طلع م هين برضو ..ردت واحده بت جات من يوم شلبتو .. نطت واحده تانيه ..هو اظن حابي الجامعه كلها ... بعداك امل مسكتني من ورا واتحركت بي .. ديل عاوزين يغيظووك اأكد ليك انتي اول بت ف حياتو .. متاكده ي امل 😢 اي ياخ ظاهر ومشت على قاعتا وقعدتا ف البينشات براي بفكر ف بنات جو ماشين بوراي بتكلمووو.. يارزة حتى انو موصي اختو تمشي معاها ..ياتونة اصلا هي وامل صحباات .. لالا ياخ فارس مرسل اختو امل ليها ...

انا ف اللحظه ديك نعم ؟؟؟؟؟؟ امل اخت فارس ..😳😳وانا اقول متأكده كده ليه 😳💔 الله يسامحك ي امل م وريتيني ليه 😳 انا لازم ابعد من امل دي زاتا انتي جايه تقري ي الاء عشان ترفعي راس امك واخوانك بلا فارس بلا امل 💔

دخلت المحاضرة .. بدت .. بعداك دكتور فارس .. قومي ي الاء اشرحي لينا اخر كلام قلتو الحصه الفاتت .. في نفسي ،، الحمدلله حاسبة حساب لخطوة زي دي اتوقعتها منك،، .. قمت شرحت للطلبه اي شي ..

قالي .. كويس والله طردة امس نفعتك 😊 حمرت ليو بس .. خلصت المحاضرة وفارس مرق 🙂 القاعه جايطة كده في بت سلمت علي .. اي ياها سوسن ديك .. اهلين سوسن .. اهلين الاء ممكن اقعد ... اي اكيد اتفضلي .. سالتني مني ووريتا انو مفروض اكون ف خامس بس ظروف ..😊 اتونست معاها وقعدنا سوا لحدي م المحاضرات كلها خلصت ..واحنا طالعين امل جات جاريه علي .. الوية حبيبتي كيف .. اهلين ي اخت دكتور فارس .. والله ي الاء كنت عايزة اوريك لكن خفت م تصاحبيني تاني .. وحصل ي صحبتي م عايزة اصاحبك تاني .. الجامعه كلها بتتكلم عني وعنك وعن فارس دا لازم ابعد منكم يلا ي سوسن .. مشينا عايزين نركب المواصلات .. سوسن قالت لي سوري الاء بس انا اخوي بجي وبسوقني قلت اقدمك بس .. قلت ليها ظريف يلا باي .. بس ركبت كده عيني على دكتور فارس واقف جمب عربيتو وكالعاده اياديهو ف جيبو ..

وصلت البيت .. فتحت الباب لاحس لاخبر .. بسم الله الناس دي مشت وين 😳💔 يا امي 💔 حذيفه ياناس ..بس مرت جيرانا قالت لي امك تعبت وودوها المستشفى ... والله قلبي وقع ف يدي وقمت جاريه فتحت الباب وقفلتو لقيت فارس 😳 ياربي م وقتك ياخ 💔 مشيت كاني لابعرفو نزل القزاز .. ي الاء طنشتو لف بعربيتو وقف قدامي ماشه وين اركبي ..😊 رجعت ركبت قالي على وين قلت ليهو المستشفى هو اتخلع😳 دقيت لي حذيفه انتو ف مستشفى وين قالي بست كير ي الاء معليش م قدرت اكلمك ..جايه عليكم 😭 بسرعه ي فارس بست كير💔😭 وفارس اتوتر شديد وسايق بي سرعه ..

وصلنا المستشفى نزل معاي مشينا سالنا ورونا مكان ناس امي جيت لقيت سمير ببكي انا خلاص مافضل فيني روح 😳💔 سمير في شنو وادهم جمب الحيطه ببكي .. ي اخواني طمنوني امي حصل ليها شنو💔😭

يتبع