قصص حقيقيه

الصدقه

السلام عليكم
انا هند حصل معايا موقف قولت لازم احكهلكم
نزلت اشتري طلبات للبيت من السوبر مركت فا قبلت صديقه ليه من ايام الجامعه  وحصل اللي انا هحكيه دلوقتي بالحرف
****
هند :  وسام ازايك
وسام : حبيبتي فينك اخص عليكى كدا برضو 5 سنين مشوفكيش
هند : على اساس اني انا بشوفك ، مشاغل بقى يا ويسو
قوليلي عامله ايه اتجوزتي ؟
وسام : اه الحمد لله
- وانتي ؟
هند : لا لسه معندكيش عاريس ؟ ههههه
وسام : اعملك سرش على الكمبيوتر يمكن الاقيلك واحد في فولدر هنا او هنا هههه
هند : وحشاني يا وسام
وسام : ما تيجي معايا البيت نشرب شاي ونرغي شويه
هند : ماشي دانتي وحشاني اوي يا ويسو
****
( ولما روحنا البيت )
وسام : تعالي سلمي على حماتي في اوضتها
هند : لتكون نايمه ؟
وسام : لا دانا سيباها بتتفرج على التلفزيون
***
( لما داخلت عليها الاوضه لقتها ست كبيرة جالسه على السرير و بجوارها كرسي بعجل و لقته جنبها طبق ومتغطي وفي ايديها مصحف أظاهر كانت بتقراء قرأن )
وسام : السلام عليكم يا ماما
أم احمد : عليكم السلام ايه اخرك كدا قلقت عليكي
وسام : قابلت هند صحبتي تعالي سلمي يا هند واقفه كدا ليه ؟
هند : ازايك يا طنط
أم أحمد : الحمد لله نشكر ربنا
هند : معلش قطعناكي كنتي بتقري قرأن ؟
أم احمد : اه انا بحب طول منا قاعده لوحدي اقرا قرأن بتونس بكلام الله
هند : عندك حق أحسن من التلفزيون ودوشته
أم أحمد : لا بس بيجيب حاجات حلوه أهو شويه كدا وشويه كدا
هند : عندك حق
أم أحمد : ( مسكت الطبق اللي متغطي جنبها  ) خودي يا وسام قطعت الفاصوليا والجزر والبطاطس
وسام : تسلم ايدك يا حبيبتي
انا هدخل اعمل الاكل في المطبخ واعمل شاي أعملك معايا انا وهند ؟
أم احمد : لا انا عاوزه قهوه
وسام : حاضر
هند : بعد ازنك يا طنط
أم أحمد : اتفضلي يا حبيبتي
( وخارجت انا ووسام من الاوضه وداخلنا المطبخ ،  مطبخها كان صغير وديق لدارجة اني فضلت واقفه على الباب  معرفتش ادخل ولاكن رغم ان المطبخ كان دايق بس كان مرتب ونضيف جدا )
هند : انتي هتعمليلها قهوه بجد ؟
وسام : اه ، اصلها مش بتحب الشاي
هند : بس انا حسه انها مسؤليه عليكي
وسام : عشان انا اللي بخدمها يعني ؟
هند : اه يعني هى ربنا يشفيها شايفا جنبها كرسي اكيد انتي اللي بتخدميها
وسام : وايه المشكله ، مش النبي قال أمك ثم امك ثم أمك
هند : اه امك انتي مش ام جوزك ؟
وسام : مش لو امي مكانها كنت هخدمها ؟
هتفرق ايه امي عن حماتي
بالعكس دا ربنا هيأجرني عليها اكتر من اجري لخدمة امي ، ولا أيه ؟
هند : صح عندك حق ربنا يهديكم لبعض
وسام : يا رب ، خودي الشاي وروحي نشربه في البلكونه عقبال ما ادخل القهوه لماما
هند : ماشي هاتي
( اخات الشاي و داخلت البلكونه ولقيت حاجه غريبه  اوي لقيت قفص العصافير من غير باب وكمان لقيت القفص فيه اكل فا استغربت اوي
حتيط الشاي على التربيزه اللي في البلكونه وبابص على السور لقيت طبق فيه رز  وطبق تاني فيه مايه فا استغربت اكتر ايه دا هي وسام ليه سايبه الرز دا كدا دا ممكن يتملي تراب من الشارع وانا بكلم نفسي داخلت وسام )
وسام : ايه عجبك الشارع بتعنا ؟
هند : اه هادي كدا مفهوش داوشه
بس انتي ليه سايبه الرز كدا يتملي تراب على سور البلكونه ؟
وسام : لا دا أكل للعصافير وقت الفجر ووقت المغرب تلاقي بتاع 10 عصافير بيجي ياكله ويشربه
هند : ما شاء الله ، بس هو مين كسر قفص العصافير دا خلى العصافير تطير كدا ؟ دا حتى مكملوش أكلهم
وسام : لالا دا احمد جوزي هو اللي شايل الباب عشان العصافير تبات في القفص بليل
هند : هههه انتم مهتمين اوي بالعصافير كدا ليه ، وبعدين هتستفيدي أيه من كدا يا بنتي دا مدهولين البلكونه خالص
وسام : استفدت اجر من الله
اه انا ممكن انا واحمد منقدرش نتبرع او نتصدق بفلوس عشان حالتنا المديا مش على ما يورام بس الصدقه مش للبشر بس
لاي مخلوق خلقه الله الله
الصدقه ممكن تكون مسعده لحد ضعيف او مريض
النبي قال الكلمه الطيبه صدقه
هند : صح يا وسام عندك حق
( وبعد ما شربت الشاي انا ووسام نزلت من عندها وانا ناويه اتصدق زي وسام بالظبط  حتى لو بكوب ماء او بكلمه طيبه )
اللهم عز الاسلام وعز المسلمين  اللهم اجعلني من المتصدقين والمتصدقات
أمين ..

#هند