قصص حقيقيه

حكاية سمر { 3 }

الحلقه 3

عمرو : الخطوبه تتم بس وانا هعرف أزاي أخليها ترحب وكمان هي اللي تجري ورايا وتغير عليا كمان

محمود : يعني هتعمل ايه ؟

عمرو : لا دي حاجات أنته ملاكش فيها

عزة : ههههههه متنساش أن أخوك متجوز 2 أزاي بقى مالوش فيها ؟

عمرو : ما هو لو ليه فيها ماكنش أتجوز 2

محمود : شكلك فعلا ناقص تربيه

عمرو : خلاص خلاص ، أنا أسف أنا ماشي

أبو عمرو : رايح فين ؟

عمرو : مصلحه كدا ؟

أم عمرو : هتتأخر ؟

عمرو : اه نامو انتم ( ومشي )

سماح : أكيد أكيد رايح الشغل ايه اللي بيروحه

محمود : لازم يجي الشغل غصب عنه عندي في الورشه

أم عمرو : أخوك مابيجيش بالغصب خودو بالمسايسه

أبو عمرو : أستحمله يابنى معلش

**** ( بقلم : هند محمد ) ****

( والساعه 1 بليل )

سمر: الو

عمرو : أيه دا أنتي نايمة ؟

سمر : اه عندي بكرا درس بدري

عمرو : أمته كدا يعني دا حتى بكرا الجمعه

سمر : درس الساعه 9

عمرو : خلاص هاجي أوصلك

سمر : لالا ميفعش

عمرو : ليه بس هتمشي كدا مي غير راجل

سمر : مانا بروح عادي مع صحباتي

عمرو : دا كا قبل ما تتخطبي ، لاكن دلوقتي لازم احرسك من الهوا الطاير

سمر : هههههه

عمرو : تعرفي أنك ضحكتك حلوه أوي

_ وكمان صوتك جميل يدخل القلب على طول

سمر : متشكره

عمرو : طب أسبيك تنامي بقى ماشي

سمر : ماشي تصبح على خير