اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حكيتنا حكايه حقيقيه لبنت موجوده في الواقع شافت حاجات كتير ومرت بظروف صعبه كتير هنشوفها ونتعرف عليها وأحنا بنقرا ، أحداث الحكايه تبدء من 2012 من يوم ما عمرو راح واتقدم لسمر .
الابطال :
سمر : بنت 18 سنه في ثانويه عامه عندها 3 أخوات اكبر منها ومتجوزين
عمرو : 22 سنه وعندو أخواتو 3 محمود و سماح و عزة وهو الاخ الاصغر
أم سمر : الله أنته هتعمل زي بنتك ، وبعدين أمك اللي جايبه العريس وكمان الحمد لله دول سكنين قريب مننا يعني سمر هتبقى قريبه ، خلينا جوزها ونطمن عليها دي أخر العنقود وهي البنت الوحيده ، وأختها كل واحد في بيته ومع مراته ولو جرالنا حاجه هتكون لوحدها محدش في الزمن دا بيستحمل حد
أبو سمر : طيب لما نشوف العريس الاول
أم سمر : طيب قوم البس
_ وانا هشوف المطبخ
**** ( بقلم : هند محمد ) ****
أبو سمر : اهلا أهلا يا ابو محمود منورنا
أبو محمود : دا نور اهل البيت
_ انا هدخل في الموضوع على طول انا جاي أنهارده أطلب أيد سمر بنتك لعمرو أبني
أبو سمر : والله سمر بنتك ودا شئ يشرفني
أبو محمود : الشقه موجوده بس على الطوب محتاجه توضيب أوضتين وصاله ومطبخ وحمام
جدة سمر : حلوه ربنا يبارك فيها
أبو سمر : والله ربنا يكرم عمرو ويقدر بعد كدا يجيب الاكبر
عمرو : أن شاء الله يا عمي
أم سمر : وهو انته بتشتغل ايه يا عمرو ؟
عمرو : انا كنت بشتغل في شركة بس بعد الثورة الشركه قفلت ومشونا ، بس انا مش ساكت و بشتغل أي حاجه عقبال ما ألاقي شغل وأستقر فيه
جدة سمر : ربنا يرزقه بشغلانه حلوه وبعدين احنا 2012 و البلد وقفه وأالله أعلم البلد راحه بينا لفين
عمرو : للأحسن أن شاء الله
أم عمرو : مش هنشوف العروسه ولا ايه ؟
أم سمر : أه طبعا هقوم أجبها
**** ( بقلم : هند محمد ) ****
دي الحلقه الاولي من حكاية سمر حكايه حقيقيه عاشتها بطالتلها يوم بيوم مين هيتابع حكاية سمر
