اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عيد ميلاد المعزة بقلم : هند محمد #isis
كان يا ما كان كا في غابه جميله كلها حيونات وكانت كل الحيونات بتحب بعضها وكلهم بيحترمه بعض ولاكن كان فيه قانون للغابه أي حد يعمل حاجه غلط فاا الحيونات تروح مودياه للأسد ملك الغابه عشان يعقبه ويكله عشان محدش يغلط تاني ابدا عاشو الحيونات كلهم مع بعض اخوات واصحاب لحد ما جه يوم عيد ميلاد المعزه كل الحيونات اتلمه وكانو فرحنين بعيد الميلاد وكلهم جابه هدايه للمعزه الفيل : كل سنه وانتي طيبه يا معزة انا جبتلك شوايت برسيم عشان تاكلي برحتك المعزة : متشكره يا فيل ربنا يخليك ليه القرد : انا كنت هجبلك برسيم بس لقيت الفيل شايل برسيم وداخل فا انا قرارة ارقصلك على الشجر واعملك عرض يفرحك المعزة : ايوه انا بحب رقصك اوي يا قرد البطه : وانا جبتلك درة عشان وانتي فاضيه تقعدى تتسلي وتقزقزي المعزه : انتي أحلى بطه في الغابه الخروف : وانا كمان جبتلك شويت حاجات كدا يا رب تعجبك الغزاله : ( بغرور ) كل الهدايه دي عشان معزه ؟ الفرخه : ومالها بقى المعزه بقى يا ست غزاله مش عجباكي الطاوووس : الله الغزاله عندها حق كل واحد جايب هدايه على أيه دي معزه يعني اخرها تمأمأ المعزه : ربنا يسمحك يا طاووس انته طول عمرك مغرور واحنا صابرين عليك ومش عاوزين نقول للأسد عليك الطاووس : انا مغرور دانا احلى طائر في الغابه كلها الغراب : تقصد ايه بقى ليه دا الفرخه ولا الوزه ولا حتى البط برقبتك الغزاله : مابلاش انته تتكلم يا غراب يا اسود يا ابو صوت وحش الزرافه : يا حيونات عيب كدا احنا اخوات وعيب وحرام لما نتريق على بعض الدبه : مابلاش تتكلمي انتي يا زرافه يا ام رقبه طويله الزرافه : انا رقبتي طويله يا طخين يا تقيل ياالي بتاكل وتنام المعزه : الله هو انتم جايين تبوظولي العيد ميلاد بلاش كدا خلونا اصحاب واخوات العزاله : انا ابقى صحبه واخت لمعزه لا انا غزاله ورشيقه وكلي جمال وكل الناس بتحلم تبقى غزاله زايي الطاووس : او تبقى بجمالي والوان ريشي الجميله الدبه : والله انا شكلي كدا هقوم انتف ريشك يا طاووس يا مغرور انته القرد : والله العظيم لو مسكتوش هروح اقول للأسد (وفاجأه وهما بيتخنفه جه التعلب يجري ) التعلب : الحقه يا حيونات الاسد أمر باعدام النمر القرد : هاااا ايه ليه دا حتى النمر كويس وماشوفناش منه حاجه وحشه التعلب : النمر من شويه راح للأسد وقاله انكم بتتخنقه فا عشان النمر راح وفتن عليكم أمر الاسد ان النمر يتاكل المعزة : لالا احنا لازم نقف جنب النمر يلا يا جماعه كلنا نروح للأسد ونقوله يسامح النمر الغزاله : روحه انتم انا مش هروح معاكم الدبه : احسن برضه مش عاوزين مغرورين ( كل الحيونات راحت للاسد عشان تخليه يسامح النمر الفتان زي ما قال لهم التعلب واول ما وصله لعرين الاسد ) ألاسد : انا اكل النمر ؟ انا أكل ابن عمي طب أزاي ؟ الفيل : التعلب قال لينا كدا وان النمر فتن علينا وقال لحضرتك ان احنا بنتخانق النمر : افتن ايه وبتاع ايه انتم نسيين ان انا اللي مسؤل عن حمايتكم وكل شويه اجي اشوف الامن والامان في الغابه ولو في خطر ولا حاجه باجي اقول للأسد القرد : الله اومال التعلب قال لينا كدا ليه ؟ الاسد : انتم كلكم جيتو هنا ليه ؟ المعزه : عشان نقف جنب النمر ونترجاك ان حضرتك ماتاكوهوش الاسد : اكله ازاي هو الاسد ينفع ياكل حيوان مفترس زيه انتم اغبيه الزرافه : اه صح أزاي نسينا حاجه زي كدا الطاووس : انا فهمت كدا يبقى التعلب ضحك علينا عشان ياكل حد فينا المعزة : هااااا الغزاله ، الغزاله مع التعلب هناك الاسد : التعلب ضحك عليكم واستفرد بالغزاله دا زمانه قرقشها المعزه : الحقها يا اسد الحقها ارجوك الفيل : مش الغزاله دي اللي كانت بتتريق عليكي ليه بقى خايفه عليها كدا ؟ المعزه : الاخوات يا فيل مهما يزعلو من بعض او يتخنقه مع بعض لازم وقت الشده ينسه كل الخلاف ويكونه ايد واحده الاسد : يا ريت كلنا نكون زي المعزه نحب بعض ونسامح بعض من قلبنا النمر : انا هجري بسرعه عشان اشوف الغزاله الحيونات : كلنا هنروح معاك ( كل الحيونات جريو وراحه لمكان الغزاله ولاكن للاسف لقو التعلب كالها ومش باقي منها غير رجلها وراسها والدم مغرق المكان ) الاسد : ازاي التعلب يعمل كدا ازاي تسيبه الغزاله معه لوحدها القرد : تستاهل عشان اتريقة على المعزه الدبه : ادينا خلصنا منها ومن غرورها الزرافه : مش هي لوحدها المغروره انته كمان يا دب مغرور انته مش قولت عليا رقبتي طويله على الفاضي ؟ الدبه : يا سلام طب مانتي قولتي عليا طخين وتقيل الغراب : وكمان الطاووس قال عليا صوتي وحش ولوني اسود ( الاسد بصوت عالي ) الاسد : التعلب المكار استغل الخناق والتريقه بينكم وبين بعض و ضحك عليكم وخلاكم تمشه واكل الغزاله وللاسف متعلمتوش من الدرس ربنا خلق كل واحد فينا له شكل مختلف مش معني ان طائر اسود و طائر ملون ان دا احسن من دا ولاكن ربنا عاوز يميزنا ويكون لكل واحد فينا شكل وميزه معينه والمميزات دي نساعد بيها بعض مش تفضل نتغر وتهزق بعض بيها فهمته ولا لا الحيونات : فهمنا يا أسد الاسد : يا نمر تدوراي على التعلب عشان احكمه واعقبه النمر : حاضر يا أسد الفيل : هتحكم عليه بأيه يا أسد الاسد : الغابه ملهاش مكان للخاين ولا للكذاب وانا هحكم عليه بالاعدام ( النمر دور على التعلب ولقه وقدمه للمحكمه والاسد حكم عليه انه يموت و أن الفهاد والضباع اللي في الغابه تاكله ويرتاحه منه ومن كذبه ومكره وعاشه بعد كدا الحيونات في سلام وامان وتوته توته خلصت الحدوته )
ياريت كل ام تحكي لولدها الحكايه دي وتقولي الولاد قالولها ايه و لو عاجبتهم هعملهم مفجأه كل اسبوع
