القلب والحياة

الاشتياق

الاشتياق هو :

لما تتعود دائما انك تتكلم مع شخص وفجأه تلاقيه اتغير بتشتاق انك تتكلم معاه زى الاول بتشتاق لشخصيته

لما تتعود انك تشوف شخص وفى لحظه بين شمس وضحاها يختفى من حياتك وتشتاق انك تشوفه لو مره واحده

لما تشتاق لمكالمة صديق قديم او ضحكة اخت او بسمة صاحب او روية جار اى شى اى تفصيله صغيره فى انسان بتحبه واختفى من حياتك الشعور اللى بتحس بيه وقتها هو الاشتياق

حقيقى احساس ممكن يكسر الروح تحس وقتها انك مش ليك نفس تعمل اى حاجه وممكن كمان تقلب معاك بحزن وهم

نفس الانسان غريبه دائما تربط اشياء كتير بالحزن

كل واحد فينا فقد حد غالى على قلبه واحيانا كتير بيفتكره باستمرار لكن المشكله انك مش هتقدر ترجع الشخص ده تانى لانه ببساطه شديده اختفى من حياتك

عشان كدا لازم كل انسان يوقف نفسه من جديد ويكسر اى شعور جواه هيخليه يضعف او يوصل لطريق مقفول لان الانسان الرائع هو اللى يتحكم فى كل مشاعره ويستخدمها صح وده مش معناه انك تقضى على مشاعرك او تظهر انك مبتهتمش بحد لا مش كدا بس اتصرف صح

اسئل الله العظيم رب العرش العظيم ان يداوى كل قلب قد ذاق المر والحزن فى هذه الحياه وان يسعد كل انسان على وجه الارض وان يرحم اموات المسلمين والمسلمات وان يهدينا ويرضى عنا ...

فى امان الله