بعنوان : غلطت ف السليب هه..
هسلام البنات أنا سكينة المسيكينة قليلة السعد مزوينا مقبيحا مسيريرا و صافي ههه
عندي سبعة و عشيرن عام و لكن باقيا بلا زواج حيت الزهر والو..
نبدا القصا واحد النهار بحال جميع ليام فقت من النعاس جمعت الدار هزيت شاكوشي و بغيت نمشي لصوق نتقدا و قلت أرا ندير شويا د المكياج عاد نخرح كما علا الله ندبر علا عريس.. طلست المكياج تا مبقاش كيبان ليا وجهي ... خرجت تقديت لي خاصني ( و ماداها فيا تا واحد هه ) رجعت لدار مفقووووصا أنا داخلا ف باب الدار و هوا يبان ليا واحد الشاااب هابط من دروحنا .. شغادي نقول ليكم حسيت بالحزقا بقوت الصدما مي خفت نطلقا و ندخو ب الريحا هههه داز من حدايا و هبط و مقاليا تا سلام .. زدت تفقصة حليت لباب دخلت لقيت الوليدا مسكينا كتعجن سولتها على داك الزين لي شفت قالتلي هاداك زهير ولد جارتنا الجديدا ( أححححح لقيت لعريس منو نخلاق ) المهم مبينت والو ندت جمعت الصابون صبنت واخا ماكان عليا بتصبان و بقيت طالعا هابطا لصطاح بحالا فيا الدودا كنقول نقدر نتلاقاه فدروج ولكن والو...
لغد لييه طيبت المسمن و أنا طيابي بنيين و هزيت شويا د لمسمن و طاعت عند جارتما الجديدا ندوقها و نستغل لفرصا و نشوف حوبي لي عطاني سيدي ربي هههه دقييت و مكيحل ليا لباااب غير هوا .. ( أححح جات عيني ف عينو ) قلتلو سلام كلم ليا لواليدا قالي واخا جات مو قلتلها أنا جارتك و جيت نتعرف عليك و حبت ف يدي المسمن ندوقت .. رحباااات بيا و فرحت بيا .. تعرفنا و خبطت بحالي .. هبطت مرفوعا مكنهدر مكنتكلم عقلي كلو مع زهير ... بقيييت نفكر فشي خطا لي تخليني نلفت نتباهة عيييت نفكر و والو و فتالي قلت نمشي نسحر ليه باش يولي يبغيني ههه و فعلا مشيت عند الفقيه و عاودت ليه قالي شني باغيا منو .. قلتلو بغيتو يبغيني و يتزوج بيا قالي خاصك تجيبيلي سميتو و السميا د مو و تصويرتو و شي حاجاا من حوايجو ... صدمني ... قلتلو واش داروري شي حاجة من الحوايح ق ال ليا أه داروري و من الأفضل تجيبيلي سليب ديالو و يكون ممصبنش ( أهيا ميمتي سلييب و نيين غنجيبو ) مشيت لدار ....
تتبع........
