الجزء التالت و الأخير.. .. .. بقيت كنتسنا المغرب ههه وجدت راسي و فرحت و بدييت نفكر ف القاعا و النگافا و لاشين .. ضمنت الراجل جات المغرب و مدق عليا تاواحد ( أويلي ياك ما لفقيه ضحك عليا ) مقدرتش نصبر و نضت طلعت عند عندهوم دقيت حل ليا لباب واااااحد الولد خلعني .. مغوووفل و خنونتو كتباان و فيه شي ريحا كتفقد الوعي سديت نيفي قلت ليه بغيت خالتي حليما .. السيد متزعزعش مرمش عينييه بقا غير حال فيا فمو عصبني و هبطت بحالي كنبكي علا زهري لمكوز صافي قطعت ياسي ... لغد ليه كيف صبح الحال منسمع الدقان ف البااب نضت حليت لباب و أنا لقا خالتي حليما ماين زهير فرحت .. سلمت عليا و قالتي ديرو بحسابكم راحنا فلعشيا غنجيو عندكوم صافي أنا ضرباتلي طننن فبالي قلت داق الفقيه الله يعمر ليه الدار .. إيوا شغنقول ليكم فرحت فرحت و بكيت و ضحكت و أخيرٱ غضحك ليا الدنيا قلتها ل ماما و العائله دارت لعشيا جات ماين هشام و باه و داك الغول د ولد لوستها محملتو مقبلتو غير غادي و خنونتو كتسيير مي مجاش زهير ... قلت راه حشم المهم.. جلسو و قالو بلي جاو يطلبو يدي و أنا قلبي غيسكت بالفرحا و قالت ليها ماما و فين هوا ولدكي زهير قالت لينا راه صافر اليوما عند مراتو حيت ولدو الصغير مريض ...( واهيا ميمتي زهير مزوج و والد ) تصدمت الدموع حبستهوم بسييييف بديت نترعد و قلت ليها و لمن حايا تخطبيني قالتي لولد لوستي راه شافكي لبارح بغاكي و قالنا إلا مديتهاش نموت ( الدنيا دارت بيا ) ياك ما السليب لي ديت لفقيه ديالو .... رفضت و نضت لبيتي نبكي أويلي زهير مزوج و أنا وحلت مع داك العروبي أميمتي علا زهر أميمتي و شغاندير .. المهم بردت و نعست و فالصباح نضت كيف حليت الصرجم كيبان ليا المعطي واقف قبالتي ... أويلي شغاندير مع هادا قلتلو مااك نتا صبحنا علا الله قالي منك خلاقيت ... أويلي ميمتي وحلت .. و كل نهار كيدق علينا ب خنونتو و يقول ليا واش باقا مفكرتي... عتقوني البنات قولولي شغاندير شفتو السليب مادار فيا ... النهاية 😉😂
تنتمنا تعجبكم .....
