"Mamimiss kita Tres... Lagi kang tatawag sa akin ha?"
"Oo naman Ace! Syempre mamimiss din naman kita," sabi ni Tres
Niyakap ko na lang ng mahigpit si Tres. Mag-aaral na kasi siya sa Manila.
"Sige na... Bye na Ace. I should go. Dumaan lang talaga ako dito para magpaalam sa'yo."
"Hmmm... Pwede bang..." Nahihiya 'kong sabi.
Tumingin siya sa akin. Hindi ko matapos ang sasabihin ko. Nahihiya kasi ako.
Maya-maya ay ngumiti na si Tres. Ang gwapo talaga niya. Akala ko ay imposible na magkagusto siya sa katulad ko.
"Do you want me to kiss you?"
Tumango na lang ako sa tanong niya. Nahihiya kasi akong magsabi. Mahiyain talaga ako.
Ngumiti siya at nilapat niya ang mga labi niya sa noo ko. Sayang... Dapat sa lips eh. Ok lang kiss pa rin 'yun hahahah.
"Salamat Tres... Mag-iingat ka palagi. Kakain ka dapat sa tamang oras. Alagaan mo ang sarili mo. Wala ako sa tabi mo para alagaan ka. Unahin mo ang pag-aaral mo." Sabi ko.
"Opo! Para kang nanay ko kung magpa-alala," natatawa niyang sabi.
Ngumiti na lang ako. Tumalikod na siya at nagsimula na siyang maglakad palayo sa akin.
Namumuo na ang luha sa mga mata ko. Masakit sa akin na malayo si Tres. Lagi kasi akong mag-isa kapag wala siya.
"Sandali!" Sigaw ko.
Lumingon siya sa akin at halatang nagtataka siya.
"Babalik ka pa ba? Babalikan mo pa ba ako Tres?" Tanong ko.
Huminga siya ng malalim. Kinakabahan ako sa sasabihin niya sa akin.
"Kung talagang tayo, gagawa ng paraan ang tadhana para sa ating dalawa," sabi niya.
Ang layo ng sinabi niya sa tanong ko. Kilala ko si Tres. Natatakot ako na baka mamaya ay makahanap siya ng iba sa Manila.
"Basta kung sakaling magkagusto ka sa iba o kung sakali na ipagpapalit mo ako, dapat sa babae. Maiintindihan ko kung may mga bagay na hindi ko kayang ibigay sa'yo na hinahanap mo sa isang babae. 'Wag na 'wag mo akong ipagpapalit sa lalake rin. Hindi ko 'yun matatanggap kasi sisisihin ko ang sarili ko kung ano pa ang wala sa akin para ipagpalit mo rin ako sa lalake dahil binibigay ko naman ang lahat ng kaya ko." Mahina 'kong sabi.
"Ang bait mo talaga Ace. 'Wag kang mag-alala... Hindi naman ako madaling magkagusto kaagad sa iba."
"Kung ganun hihintayin kita. Lagi mong isipin na merong Ace na nag-aantay sa'yo na bumalik," naluluha 'kong sabi.
Ngumiti lang siya sa akin. Napakaganda ng ngiti ni Tres. Kahit sino siguro ay mamumula kapag nginitian niya.
"Mahal kita Tres..." Sabi ko.
"Mahal din kita Ace."
Naglakad na siya palayo. Binibilang ko ang bawat hakbang niya palayo sa akin hanggang sa hindi ko na siya nakita.
Sandaling katahimikan ang bumalot sa paligid ko. Napatulo na ang mga namumuong luha sa mga mata ko.
Hindi ako dapat malungkot. Mahal ko si Tres. Alam ko na babalik siya. Hihintayin ko na lang siya. Nagsimula na akong mapangiti.
Masiyahin akong tao. Ako nga pala si Ace. Inaamin ko na hindi ako gwapo. Moreno ako at hindi makinis ang mukha ko hahahaha.
Hindi ako gustuhin kaya swerte ako dahil pinatulan pa ako ni Tres. Sobrang gwapo niya kasi. Isa lang siguro ang maipagmamalaki ko... Mabait ako.
