محافظة ميسان/القرية
مساء الخير اني وردة بنية قروية عمري ٢٠ سنه كملت اعدادية وكعدت بالبيت نولدت بالقرية وتربيت بيها راح تتعرفون على الشخصيات من خلال احداث القصة
وردة : بوية اكعد ساعة ٣ الفجر امشينه نروح نسكي الزرعات
ابو وردة : اي بوية كعدت يله امشينه.
طلعنه للزرع اني وابوي مثل كل يوم نسكي ونحرث الزرعات ونظف الكاع من الدغل
#rewayat_Lamar_Ali
وردة : بوية اذن الفجر امشينه نرد للبيت نصلي صلاة الفجر
ابو وردة: يابعد ابوج يابوية الحمد لله عوضني الله بيج والله لو جايني ولد مايشيلني مثلج
وردة : بوية صكد تحجي جا انه شعندي غيرك اشيلك بعيوني الله وصى بالوالدين
#rewayat_Lamar_Ali
رجعنه للبيت صليت وطلعت حلبت الهوايش ورديت سويتلهم ريوك
وردة : يمه تعالو تريكو يله وهذا هم حليب من الهايشه فورته يله اشربو
ام وردة : ايي يمه عاشت ايدج وينج يمه ياسه تعالي تريكي
ياسة : يمه راح اتاخر على المدرسة الطريج بعيد
وردة: خية هاج هاي لفتج اكليها بالدرب لو بالفرصة لاتضلين جوعانه
ابو وردة : بوية انتبهي لروحج اذا واحد حاجاج طكي براسه وطلعي دمه لابو ولابو خلفه #rewayat_Lamar_Ali
ياسة: هههههههه اي بوية صار يلة مع السلامه
الجميع: الله وياج
طبعا احنه اربع بنات ماعدنه اخو الجبيرة زهرة والاصغر منها جوري واني وياسمين وتعلوكتها(ندلعها) ياسه. خواتي الكبار زهرة وجوري مزوجات بغير ولاية وبقينه اني وياسه
ام وردة : يمه انتي تعبتي عوفي شغل البيت اني اكمله
وردة: يمه اني موجودة وانتي تشتغلين لا لا ابد يمه خليني اريك جدي واكوم لشغل البيت. #rewayat_Lamar_Ali
الجد: تعالي يابعد ابوج والله ماكو وحدة وبسباعيتج
وردة: طالعه على جدي😁
الجد: اي وعلي طالعه علية اكلج ابوج وينه
وردة: ابوي طلع للحلال يشوفه
الجد: خوش بوية شيلي الصينية شبعت
كمت على شغل البيت فريته فر انه احب الشغل ومااتعاجز مثل باقي البنات.
ام وردة: خايبه وريدة راح ياذن الظهر وابوج مارد #rewayat_Lamar_Ali
وردة: يمه تلكينه شافلة زلمة من صحبانه وكعد يسولف ويا راح اروح اشوفه
ام وردة: اي يابعد امج ظل بالي عليه
رحت للبستان والمكان البي الحلال
وردة: بوية بوية وينك يااااء شو ماكو ابوي ...رجعت تصيح..بووية بوية تعثرت برجلين ابوها ووكعت #rewayat_Lamar_Ali
وردة:بووووية ياااا شمالك بوية رد عليه يبوووووووووووو هااااااالولاد هااا ها يالسلف هاااا ابوية طايح ومابي نفس يبوووووووو
التمت القرية على صريخ وردة
رجل ١: امشونه ناخذه للمستوصف بلكي نلحك عليه
رجل٢: الزلمه فاطس مابي روح يلة خل نشيله #rewayat_Lamar_Ali
وردة: اجي وياكم
في المستوصف
الطبيب: البقية بحياتكم الرجل جبتو متوفي
وردة : يبووووووووووو
توفى ابو وردة واجوي اخوته وخواته وبناته وبعد انتهاء الفاتحه
الحد: ولدي انتو كل واحد انطيته من خيري الا وليدي ابو زهرة عاش ومات وهو تحت جناحي ماكسرلي كلمه وموته كسرتني بس نكول الحمد لله والشكر على عطاءه اخوكم الله مارزقه بولد الي يحمي خواته بعد موته لذلك اني راح اسجل كل املاكي بأسم البنات
ابوسامر: يابه فلوسك ومالك وحلالك تنطي للغريب باجر يزوجن زلم غربه تروح فلوسنه الهم. #rewayat_Lamar_Ali
الجد: اي بوية كلامك صحيح بس انتو عدكم ولد وردة وياسه ياخذوهن ولدكم وتصير الاملاك الهم
ابو انس: يابه قابل نجبرهم اني ابني طبيب شلون ازوجه وحدة عربيه ماعدها شهادة
الجد: انجب ولك تاج راسك هاي العربية ليش انت منين لو رحت لبغداد وصرت افندي ونسيت اصلك وفصلك #rewayat_Lamar_Ali
ابو انس: لابوية اصلي وفصلي على راسي بس قصدي البنية جاهلة ومامتعلمة
الجد: البنية متعلمة مخلصة سادس اعدادي
ابو انس: افاتح العائلة والله كريم
الجد:وانت ابو سامر شتكول
ابو سامر: بوية انت شتفصل اني البس وكام باس ايده
الجد: راح انطي ياسه لسامر ووريدة لانس وبلغوهم هذا امر جدهم
الاخوان :صار بوية التأمر بي
راحو الاخوان كل واحد لبيته
#rewayat_Lamar_Ali
ابو سامر : سامر عرفت بقرار جدك ورى الاربعين تزوج ياسه بنت عمك المرحوم
سامر: يابه اني بعدني طالب كليه شلون ازوجها شلون اعيشها
ابو سامر:معليك اني اتكفل بكلشي وقرار جدك مابي نقاش
في بيت ابو انس
ابو انس:انس جدك طلب تتزوج وردة بنت عمك #rewayat_Lamar_Ali
انس: هههههههه لا لا تشاقه اكيد اني ازوج وردة ههههههههه
ابو انس: جدك كتب نص املاكه باسمها
انس: وشنو يعني احنه عدنه خير من الله
ام انس: شعدنه عيني كيعان وبيوت شو احنه بطرك البيت والسيارات شعدنه املاك قابل
انس: اني مازوج وردة مستحيل
ام انس: ابني اسمع كلامي ازوجها بس ع الورق وازوجك اي وحدة تريدها لاتخلي جدك يزعل منك
ابو انس: شنو هالحجي ترى هاي بنت اخوية مااسمحلج #rewayat_Lamar_Ali
ام انس: اسكت انت بنت اخو والله يالله شحالها والله لو ما املاك ابوك فلا ادخلها بيتي
ابو انس:ترى حجيج مامقبول وانت انس لازم تنفذ حجي جدك ماريد ابوية يغضب عليه
بعد الاربعين
الجد: ام وردة صيحلي وردة وياسه خل احاجيهن
ام وردة: اي بوية وينجن تعالن جدكم يريدجن
وردة وياسه:اي يمه اجينه
الجد: تعالن يالحبيبات يم جدجن عندي سالفة اريد احجيها وياجن
وردة: كول جدي #rewayat_Lamar_Ali
الجد: بوية اعرف بيكم حزينات على ابوجن الله يرحمه ابوكم مات وعينه مفتوحه عليجن خايف عليجن ومامرتاح
وردة: سودة عليه بوية جا هو ليش يخاف علينه احنه ماينخاف علينه وانت موجود
الجد: لا جدي الوكت مو خوش وكت واني مادايم الكم واريد منجن تسمعني ماتعارضن حجايتي
ياسة : جدي احنه مافد يوم عارضناك وكلمتك سيف #rewayat_Lamar_Ali
وردة: كول بوية شعندك
الحد: ولد عمكم خطبوكم وانه قبلت وان شالله هاي الايام تعقدون سيد ومحكمة وياخذونكم بلا عرس وزفه
وردة: وهي توكف .. يااء جدي انا اعرس وحلكي متروس دم بعده تراب ابوي مانشف
الجد: وريدة خل ابوج ينام مرتاح وهذا قراري وماريد اعتراض #rewayat_Lamar_Ali
طلعت وردة وراحت لغرفتها تبجي وتلطم
وردة: ااااخ بوية 😭😭😭
ام وردة:ها وريدة شمالج تبجين
وردة: يمه جدي يريد يزوجنه لولد عمنه 😭
ام وردة: ادري يمه وهو جدكم ويعرف مصلحجن سودة عليه ابوجن هسة مامرتاح بكبره وجدكم مادايملكم على ساعه تغمض عيونه #rewayat_Lamar_Ali
ياسه : عمره طويل ان شالله وردة عود هاي انتي الزينه والعاقلة هيج تحجين من وراج ابوي مايرتاح بكبره وامي بجيتيها وتردين تعصين امر جدي
وردة: ياااا كلهن هذني اني سويتهن على كيفج اكلتيني وشربتيني لاتصيرين خيرة براسي يمه اني قابله اخذ ابن عمي
ام وردة: عفية بيج بنيتي ريحتيني خل اروح افرح جدج سودة علية مقهور
وردة: لا يمه اني اروحله زعلته مني
ام وردة: روحي يمه راضي حتى الله يرضى عليج #rewayat_Lamar_Ali
وردة :اي يمه صار
راحت وردة لجدها
الجد: ها وردة شعندج جايتني
وردة: ياااا جدي ليش تحجي وياي من ورى خشمك جا موش انه وريدتك حبيبت كلبك
الجد: جا غير وريدتي حبيبت كلبي تريد تعصى امري #rewayat_Lamar_Ali
وردة: ماعاش اليعصى امرك وشتكول اني قابله عليه
الجد: تعالي يابعد ابوج خل احبنج ادري بيج ماترديلي كلمتي
وردة: انه حجيت لان مابيه حيل فراكم
الجظ: لا بوية لاتخافين الكاع راح ابيعها واحي اسكن يم عمامج بغداد وانتن هم تصيرن قريبات على امجن #rewayat_Lamar_Ali
وردة: ياااء جدي شلون تبيع الكاع انت ماتكدر تعيش بلياها
الجد: يابعد ابوج الكاع راح راعيها الجان يرعاها ابيعها احسن ماتصير بور ويبس زرعها
وردة: الله يرحم ابوي شكد جان يحب الكاع
الجد : الله يرحمه
#rewayat_Lamar_Ali
