وردة : ياهو هنا احجي ولك #rewayat_Lamar_Ali
ام اوس: انتي منو فززتيني شبيج
وردة: ياااخية اعتذر عبالي حرامي اهل الولايه مايكعدون هيج وكت
ام اوس: عندي صالون ولازم اطلع بالتسعه فاكعد من الصبح انظف واغسل هدوم
وردة: الله يساعدج خية
ام اوس: انتي اقارب ابو انس مو
وردة: اي خية عمي ابو انس يصير
ام اوس: انتي عليمن لابسه اسود
وردة: على ابوي الله يرحمن توفى راح يصير شهرين #rewayat_Lamar_Ali
ام اوس: الله يرحمه انتو كاعدين بالعرب بالعمارة مو
وردة: اي بالعمارة عدنه كيعان وحلال واني متعودة اكعد من الفجر وية ابوي للزرع
ام اوس: يله هنا شبعي نوم
وردة: لا يا ماحب النوم جا فاد اهل الكبور خية انه اعوفج وراج شغل واخرتج
ام اوس: لا ماعندي شي خلصت شغلي
وردة: لعد ارتاحي باجر نسولف انه وياج
ام اوس: مع السلامه
وردة : الله يسلمج #rewayat_Lamar_Ali
نزلت وردة وهي تباوع على نفسها بالمراية يمااااي تنكرط كرط بيضه ثلج تلمع لمع صدك ام صالون يع شوف وجهي مكسب واسود
انس: صباح الخير وردة شبيج تحجين وية نفسح
وردة: صباح النور مابيه شي راح تروح لدوام
انس: اي #rewayat_Lamar_Ali
وردة : عندك خفارة اليوم مو
انس : اي والله
وردة : حضرتلك اكلك و الريوك جوة مجهزته لك
انس: يله اني اسبح وابدل وردة طلعيلي ملابسي الداخليه راح افوت للحمام اني
وردة: هاا هاا مو يماي يمه شلون بيه هذا فات للحمام امري لله خل اطلعهن
حضرتهن وردة وضلت واكفه .. هذني هل طلعتهن هسة شلون انطيهن اله خل اصيح عليه
وردة : انس هذني هدومك حضرتهن اني راح انزل جوة #rewayat_Lamar_Ali
انس: ماشي عوفيهن ع الجرباية
وردة: اي الحمد لله
بدل انس وطلع من الحمام ونزل جوة
انس: وردة اكعدي تريكي ويايه
وردة: ان شالله
انس: تدرين اكلج كولش طيب والله اتمنى انتي تسوين الاكل منا وجاي
وردة: يا صدك جذب ادلل من عيوني
انس: يلا تأخرت اني مع السلامه
وردة: الله وياك #rewayat_Lamar_Ali
خل اصعد للغرفه انظفها واعطرها صعدت للغرفه لكيت هدومه شميت بيها عطر طيب بقيت اشم بيهن مادري شصار بيه حضنتهن حيل .. ياء وردة اكعدي واسكتي شبيك تخبلتي خل انظفها واغسل هدومه قبل مايكعد جدي
صارت الساعه بالعشرة كلهم كعدو سويتلهم ريوك وتريكو وانه صافنه افكر بهاي ام اوس شكد حلوة شمالني اني هيج
ام وردة: يمه شبيج صافنه
وردة: ها يمه مابيه شي هيج محتارة باجر سشوي غده #rewayat_Lamar_Ali
ام انس: يمعودة وينج وين باجر
وردة: عمه شفت مرة جارتكم اسمها ام اوس
ام انس: اي حبابة خوش بنية عدها صالون شغلها يخبل
ام وردة: وريدة وين شفتيها
وردة: يمه شفتها الصبح من صعدت للسطح اشر هدوم وهي هم جانت تشر الهدوم
ام انس: انس اليوم خفارة عنده
وردة: اي عمه يبات بالمستشفى
ام انس: هاا #rewayat_Lamar_Ali
في اليوم التالي
صعدت للسطح وشفت ام اوس
وردة: شلونج خية
ام اوس: هلا بالورداية الحلوة
وردة: ها خية شو هسة جاي تشيلين هدومج
ام اوس: البارحه اجيت تعبانه ومالي خلك والنوب هسة لازم اكوي هاي الملابس ومابيه حيل
وردة: يااااصدك جذب جيبيهن خية قابل الناس تكاطعت
ام اوس: لا يمعودة اني اكويهن
وردة: لا وروح ابوي ماارضى وازعل عليج جيبيهن ومن ترجعين انه اجيبهن للبيت
ام اوس: اخاف زحمه عليج #rewayat_Lamar_Ali
وردة: لا والله شنو زحمه خية جا غير صرتي صاحبتي بعد منا وهيج عندج هدوم كوي غسل فراشات بس شمريهن من السطح وخابريني وهذا رقمي وانه اسويهن الج
ام اوس: فدوة لكلبج وردة اكلج وجهج كولش تعبان شنو رأيج اجيبلج كريمات تخليهن لوجهج
وردة: واصير بيضه هيج مثلج لو لا
ام اوس: ايي يصير وجهج يخبل
وردة: جا خوش جيبيلي خية يله انه اروح اكوي لهدوم ومن ترجعين اجيبهن الج
ام اوس: رحمه الله والديج يله اني اروح
وردة: الله وياج #rewayat_Lamar_Ali
وانه جاي اكوي اجه انس من الدوام
وردة: الله يساعدك
انس: هلو وردة شنو هاي الملابس مالتمن
وردة : هاي ملابس ام اوس خطية مالها خلك وانه كتلها جيبيهن اكويهن
انس: دومج خدومه وكلبج ابيض
وردة : شكرا .. هاا ياء ياء شمالك
انس: لج شبيج شوكت تتعودين عليه ابدل كدامج
وردة : منو كالك اريد اتعود عيب عليك استحي خل الم الهدوم هذني واكويهن بالهول وانت بدل هديماتك ونام #rewayat_Lamar_Ali
انس: ههههههه لسانج يطول من تخجلين
وردة : 😏
نزلت جوة كويت الملابس وعلاكتهن بكنتور امي بغرفتها حتى من تجي ام اوس اوديهن الها ومر اليوم عادي #rewayat_Lamar_Ali
كعدو كلهم وجدي كعد سويتله ريوك
الجد: ها جدي زلمتج اجه من الدوام
وردة: اي جدي اجه من الصبح
الجد: اكلج بعد بوج انتي ليش تلبسين حجاب كدام رجلج ها #rewayat_Lamar_Ali
وردة: ها ها بوية مو اني متعودة وماكدر انزعه استحي
الجد: شنو متعودة ولج جا بالغرفه من تتعرينين يمه ويلزم بيج
وردة: يااااء جدي شمالك شني هالحجي خل اكوم اشتغل احسن من هذا الحجي الماصخ يمه الصخام الصخمج وردة #rewayat_Lamar_Ali
الجد: تعاي ولج مواحاجيج
وردة: ها جدي شعندك
الجد: تعاي ولج اخاف مامعرس عليج
وردة: شمالج يااء بوية شلك لهذا الحجي لو بس تريد تعاركني رايحه لغرفتي حتى شغل بطلت مااشتغل
ام وردة: ولج شمالج تتصايحين انتي وجدج
وردة: مابيه شي انه صاعدة بغرفتي احسنلي
الجد: تعالي بوية انه احجيلج السالفه
ام وردة: اي بوية شصاير #rewayat_Lamar_Ali
الجد: انتي مااسئلتي بنتج عن نيشان عرسها
ام وردة: اي سئلتها بس مادري ماتنطيني جواب يمه كلبي وجعني بوية شصاير
الجد: ماصاير شي انس مامعرس عليها
ام وردة: عود صدك لا مامعقولة
الجد: ماتشوفيها مكبعه كدامه تذب شيلتها ومن يجي تلبسها #rewayat_Lamar_Ali
ام وردة : وانه اكول ليش كامت تتهرب من اجيب طاري نيشانها انه اعلمها
الجد: لا عوفي السالفه هي يمه بالغرفه لابد تدني نفسه عليها
#rewayat_Lamar_Ali
في الغرفه:
انس: هاي انتي شعجب صعدتي بالغرفه
وردة: خلصت شغلي كلت اكعد هنا شوية
انس: شكو مو عوايدج انتي من اطلعين منها مادخليلها الا من تجين تنامين احد مضوجج جوة
وردة : لا 😣
انس: احجي منو
وردة: جدي
انس: شبي جدو وياج
وردة: هاااا هيج شغلة بيني وبينه
انس: شنو بيناتكم اسرار واني ماادري هسة انزل واسئلة لان جدي مايضم عليه مثلج
وردة: لا لا بروح عمك لاتحاجي
انس: لعد احجي #rewayat_Lamar_Ali
وردة: اوووو .. يكلي مامعرس عليج انس وتعارك وياية
انس: شمدري هو
وردة: لان البس حجابي كدامك
انس: وانتي ليش تلبسينه كدامي
وردة: يمه شلون حرام #rewayat_Lamar_Ali
انس: لج حرام شنو انتي زوجتي ترى شرعا وقانونا حتى لو تصلخين يمي مو حرام صدك تحجين وردة
وردة: مامتعودة عليك شسوي
كام انس وكعد يم وردة
انس: وهو يجر الشال من راسها لازم تتعودين بعد مااقبل تلبسينه كدامي
وردة: 😨 ياا واضل هيج #rewayat_Lamar_Ali
انس: ايي ابقي هيج طالعه حلوة 😉
وردة : ياااا شمالك 😄
انس: يله راح انزل جوة كملتي الغده لو بعدج
وردة: يبووو نسيت الجدورة ع النار ... شالت شالها رادت تخلي على راسها
انس: وهو يسحبه مو كلنه ماكو بعد ممنوع
وردة: ايي ان شالله
#rewayat_Lamar_Ali
نزلت جوة جدي وامي يباوعولي صفح عبالك مسوية جريمه
وردة: ها شمالكم هيج تباوعون
الجد: ها شو نزعتي شيلتج
وردة: والله ياجدي احتاريت وياك البسها تحجي انزعها تحجي جا شسويلك حتى ترضى
ام وردة: صاير لسانج طويل ولج لاتراددين جدج
انس: وردة شو جاوبين جدو شنو انتي شو صايرة ماتحترمين احد #rewayat_Lamar_Ali
الجد: خل توالي انه اعرف دواها هي مايطلع السانها الا من تدري بروحها غلطانه وماتعرف ترد فتهجم
وردة: جدي كافي لاتصل زعلان مني وهاي راسك احبنها بس انت هم بسك عني خل اكوم اكمل الغده
#rewayat_Lamar_Ali
