طلع انس من البيت بقيت ادور شغل اشتغله صارت الساعه بالعشرة كعدت عمتي
ام انس: صباح الخير ولج هاي من شوكت كاعدة ومنظفه البيت كالبته كلب حتى الحيطان منظفتها
وردة: عمه كعدت من الفجر وضوجه واني متعلمه ع الشغل كمت عزلت البيت #rewayat_Lamar_Ali
ام انس: عفيه عليج وردة شكد شاطرة اكلج انس كعد لو بعده
وردة:ياااعمه طلع من ٦ الفجر
ام انس: شعجب ماعنده دوام اليوم ماكلج وين رايح
وردة :كال عندي شغله بس هو صالحني قبل مايروح
ام انس: الحمد لله وانتي يمه اخذي بالسياسه ترى انس حباب وحنين وكلبه طيب والله
وردة: ان شالله عمه #rewayat_Lamar_Ali
ابوانس: صباح الخير
ام انس ووردة : صباح النور
وردة: خل اسويلكم ريوك
ام انس: ابو انس ماكلك انس وين رايح اليوم
ابو انس: راح للعمارة يجيب جدة ومرت عمه
ام انس : هاااا وشوكت يرجعون اليوم لو باجر
ابو انس: لا باجر الصبح
ام انس : همزين حتى الحك اسوك لباجر كوم يله نروح هسه للسوك #rewayat_Lamar_Ali
ابو انس: خل ناخذ وردة ويانه تشتري ملابس
وردة:ياااا عمي لا مااشتري جدي ماخله شي ماجابه اليه بعد روحي
ابو انس: انتي كولشي مااشتريتي بفلوس سياكج (السياك يعني المهر )
وردة: همزين مااشتريت شي راح ارجعهن لانس
ام انس: اي رجعيهن اله حتى يكتلج مثل هذيج الكتله
وردة: لا لا ماارجعهن اصلا راح اضمهن لوكت العوزه
ابو انس: ام انس حضري الغرف الجوة لان ابوية ومرت المرحوم راح يكعدون عدنه بالبيت
ام انس: ايي ان شالله #rewayat_Lamar_Ali ه
وردة: صدك عمي امي وجدي راح يكعدون ويانه
ابو انس: اي عمو وردة
وردة: عمه دليني ياغرف واني انظفهن
ام انس : خلي امج تنام وياج بالغرفه وعمي بالغرفه الثانية البصفها
وردة : ايي خوش راح ارتبها 😁😁😁
في اليوم التالي اجه انس ويا جده ومرت عمه ام وردة
ابو انس: هلا بوية نورت بغداد كلها #rewayat_Lamar_Ali
الجد : منورة بأهلها شلونج بوية وريده ان شالله زينه
وردة: الحمد لله زينه جدي انه بخير اذا انت بخير
ام وردة: ياء يمه ياهو الطاكج هيج بس لا رجلج ليش عمه هيج طاكها مو هاي يتيمه والنبي وصى باليتيم
الجد: ام وردة اسكتي مالج غرض رجال ومرته
ام وردة: صار عمي
انس: عمه اني اعتذر بعد هي صارت وان شالله ماتنعاد #rewayat_Lamar_Ali
ام وردة: ان شاالله عمه
وردة : يمه جا هو انس خوش انس بس انه علت بي واستاهل الطك
الجد لاحظ وردة لابسه حجاب بالبيت وخاصه كدام انس ومبين عليهم ماكو علاقة بينهم
الجد: بوية كوم نروح لبيت اخوك ابو سامر اريد اشوف ياسه #rewayat_Lamar_Ali
ام وردة: بوية اجي وياكم اني
الجد : تعالي بس خطي وجهج لاتنسين انتي بفترة العده
ام وردة: صار بوية
وردة: انه هم اريد اجي وياكم اريد اشوف ياسه طك كلبي عليها
الجد: انس ترضى تجي ويانه مرتك لو لاله
انس: اي اقبل يله وردة حضري نفسج حتى نروح
راحو لبيت ابو سامر #rewayat_Lamar_Ali
ابو سامر: ياااهلا ومرحبا زارتنه البركه بوية شلونك ابو انس ان شالله زين شلونج خوية ام وردة
الجد: لاتسلم عليها ماجاوبك لازمه عده وين ياسه وسامر
ابو سامر : ام سامر صيحيلهم
ام سامر: اي دقيقه ويمك همه
نزلت ياسه تركض حضنت امها وجدها واختها
الجد: ها ياسه شلونه سامر وياج
ياسة ؛ والله ياجدي سامر ماكو منه ذهب
سامر: جدي ليش ماجبرتنه ع الزواج من زمان
الجد: هههههههه والله اتمنالكم السعادة اهم شي مرتاحين واتمنى اشيل ابنكم قبل مااموت
الجميع : طولت العمر لك #rewayat_Lamar_Ali
وردة بهمس: ولج يالماتستحين شنو هذا البوجهج مكحلة ومحمرة ابوج توة ميت
ياسه: جا غير عندي رجال وهو يكلي هيحي سوي
وردة: ياااء امداج اي والله وفرحانه
ام وردة: وريدة مالج غرض بأختج انتي يمه ياسه اهم شي اطيعين رجلح كلمته سيف على ركبتج
ياسه : صار يمه #rewayat_Lamar_Ali
بقو يسولفون لاخر الليل
الجد: يله بوية انس امشينه انه نعست
ابو سامر : بوية بات عدنه
الجد: بوية انه أبيت اخوك عندي غرفه هناك وان شالله هم اجي عدكم جم يوم يله كومو سامر روح صيح النسوان
سامر: صار جدي
ورجعو لبيت ابو انس #rewayat_Lamar_Ali
الجد :وردة حضرتي لامج الغرفه وفرشتيلها فراش
وردة: اي جدي
ام وردة: وردة جا هذا الفراش اليمي المن
وردة : يمه اليه انام يمج
ام وردة: وهي تخرط بخدودها تردين تشهريني ولج والي يم رجلج بعده عريس اليوم كله عايفته ومكابلتنه ماتحسين على روحج شوفي اختج شلون معدله
وردة: اهووو يمه مايحجي هو قابل
الجد: ها شكو شبيها وردة
ام وردة: عمي تعال حاجيها
الجد: امشي ولج شنو يقبل يله كدامي
وردة: بس بس #rewayat_Lamar_Ali
الجد: امشي وبلا تبسبس خل اصيحه هذا رجلج ولك انس اااااانس وينك تعال
انس : ها جدي خير خوماكو شي
الجد: تعال انزل اخذ مرتك هاي صدك تستاهل الطك
انس: شبيج وردة شمسوية
الجد: تريد تبات عند امها اخذها بعد ابوك وصعدو لغرفتكم بعدكم عرسان وانه ماعندي بنات يزعلن لان طكها رجلها
وردة: لا جدي مازعلانه وروح ابوي بس انه اشتاكيت لامي #rewayat_Lamar_Ali
انس: وردة امشي صعدي للغرفه جدي مايقبل يله كدامي اعذرها جدي بعد ماتتكرر هاي الشغلة
وردة: هاا 😯 ايي راح اصعد
الجد: يله يابعد ابوج مايصير تعوفين رجلج
وردة: اي جدي تأمر امر وباسته من راسه
الجد: اريد تفرحوني بحفيد منكم اريد اشيله بيدي قبل مااموت #rewayat_Lamar_Ali
انس: عمرك طويل جدي بس ترى بعد وكت بعدنه صغار ع الاطفال
الجد: خايب شمالك صغاريش وامش يله اخذ مرتك واصعد
انس: ههههههه يله تصبحون على خير
ام وردة: بوية تريدني اوصلك لغرفتك
الجد: لا بوية اني اروح باجر ذكريني عندي سالفه وياج
ام وردة: خير بوية شسالفه شصاير #rewayat_Lamar_Ali
الجد: السالفه تخص انس ووريدة اضنهم مامعرسين
ام وردة: ياااا وانه اسئلها عن نيشانها ماجاوبني وتغلس كلت يجوز تستحي اااخ منج ياوريد العنيدة
الجد: انتي صدك ثولة ماتشوفيها مكبعه كدامه عبالك زلمه غريب
ام وردة: ياااء صدك ولانتبهت
الجد: خل اروح انام والله كريم مو تحاجينها خلي السالفه سكته
ام وردة: صار بوية يله تصبح عبى خير
في غرفه انس #rewayat_Lamar_Ali
انس: وردة نامي ع الجرباية اني راح انام بالكاع
وردة: لا خوية شنو تنام بالكاع انت معلم ع الجرباية واخاف ظهرك يوجعك
انس: وردة روحي نامي معليج بيه
وردة: بعد بكيفك تصبح على خير
انس: اجمعين
بقه انس يتكلب منا ومنا ومايعرف ينام بالكاع
وردة: ها بعدك مانمت
انس: اي والله ماجايني نوم #rewayat_Lamar_Ali
وردة: اكلك انس جا انت راح تتحمل يومية تنام بالكاع
انس: ليش يومية
وردة: شمالك عود انت متعلم وطبيب جا غير جدي وامي ظالين عدنه وجدي وين يخليني انام بعد جوة
انس: اهوو فاتتني شلون شغله هاي
وردة: جا خوش كوم نام ع الجرباية
انس: ها بت عمي 😉 صايرة جريئة وطلبين بالسانج(وهو يغمزلها)
وردة: بخجل ..ياء ياء يمه والله مو هيج قصدي اني اقصد انه انام بالكاع لان متعلمه كلت خل نتبادل 😓
انس:ها يعني هيجي قصدج اسف فهمت غلط هههههههههههههاي #rewayat_Lamar_Ali
وردة: اي بس هيج قابل شعندي وياك لايروح بالك بعيد
انس: لاتخافين حتى لو طلبين بالسانج ماتقربلج لان مالي نفس بيج ماحسج بنية عبالك واحد صاحبي اخوية هههههههاي
(طبعا هذا الكلام قهر وردة كولش وجرحها بس ماخلت انس يحس بيها)
وردة: يله كوم خل انه انام بالكاع
انس: لا اني ولا انتي انام بالكاع راح انام يمج ع الجرباية يله خوية ادنه شوية
وردة: لا لا ماكدر #rewayat_Lamar_Ali
انس: ليش
وردة:انه استحي انام يمك
انس: لاتستحين راح ادور وجهي وانام
اول ماخله راسه على المخده نام اني بقيت حتى تكلب اخاف اتكلب اخاف اطخ بي بعدين نمت ماحسيت الا على صوت الاذان الله شكد احب اسمع صوت اذان الفجر كعدت للصلاة ردت اكعد انس حتى يصلي وترددت بعدين هو فز.
انس: ها وردة خيرج شو كاعده
وردة: جا غير اذن الفجر يله انت هم كوم صلي
انس: انتي كل يوم تكعدين لصلاة الفجر
وردة: اي من اني وصغيرة اصلي يله كوم
انس: والله اني مو دائما اصلي الفجر اكثر شي اصليها قضاء #rewayat_Lamar_Ali
وردة: جا بعد كل يوم اكعدك للصلاة
انس: والله ياريت تكسبين بيه اجر
صلينه الفجر وانس رجع نام وانه بقيت كاعده كعدت نظفت البيت غسلت شكو هدوم بالبيت بيدي وصعدت شريتهن بالسطح جان اسمع صوت وططكه
وردة: يمه شنو هذا الصوت
#rewayat_Lamar_Ali
