وردة : بالله هاي منين اجتني خل اخابر ام اوس
اتصلت على ام اوس
ام اوس: هلو وردة شخبارج
وردة: خية مو زينه
ام اوس: ليش ياستار بس لا انس سوالج شي
وردة: لا بس اجونه خطار خالته وبناتها من السويد وخية هاي الجبيرة بعد مااجت حطت عينها عليه
ام اوس: انتي صوجج الف مرة كتلك اهتمي بروحج ياوردة ترى انس شاب مايتعيب والف وحدة تريد ومن كال اريد ازوج جدج ابد ماعارض
وردة: يااااء خية اني ردتج عون طلعتي فرعون شو ذبيتي الصوج كله بيه اني ياهو مالتي
ام اوس: بعد مااحجي احسن ظلي بسوالف وانتظري تاخذه منج بت خالته
وردة: يماي يمه اموت روحي غير
ام اوس: انتي لا انطيك ولا اخلي رحمه الله تنزل عليك لا مهتمه بنفسج ومطية لانس حقة بيج ولا انتي تقبلين يزوج ترى الولد حقة
وردة: اكلج انتي مو عندج شغل يلة روحي
ام اوس: مو صوجج يله والي
انه شلون بيه جا هذا ابوي شمعة كلبي نظر عيني افك حزني عليه علمود انس لا والف لا
انس: السلام عليكم
الجميع: عليكم السلام
ام انس: هلا يابة نورتنه شلونج ام وردة
ام وردة : بخير الحمد لله
سمعت صوت امي وجدي نزلت ركض عليهم
وردة: شتاقيتلكم كومه
الجد: ها ولج هنه يومين
وردة: جدي تدري ماكدر افاركم ساعه انه
الجد : يابعد جدج جا غير انتي بنتي العزيزة بوية تختلفين عن احفادي كلهم
انس: ها جدو ترى هذا تحيز
الجد : جا هي مريتك كون انت ادللها اكثر مني
انس: قابل شمسويلها اني
لينا: انوسي حباب اريدك اليوم اطلعنه نشوف بغداد
انس: ادللو العصر اخذكم افرركم بغداد ونتعشه برى
لينا: شكرا انوسي
وردة بسرها: ايي انوسي ليش لا جا انه من اجيت لبغداد مامرة كلت خل اطلعج
الجد: انس جا غير تكلل لمريتك تروح وياكم
انس: هاا جدي هي ماتحتاج عزومه
ام انس: وردة مااتحب الطلعه حتى هدوم ماعدها تطلع بيهن قابل تطلع بالدشداشة
وردة: لا عمه انه اريد اطلع وهدوم عندي ماروحن بالدشداشة
انس: ايي لعد زين حضري نفسج نطلع
وردة: بسرها يمه شلوون بيه اني هدوم ماعندي ماكو غير ام اوس ولو تعاركت وياها بس يله هي صاحبتي
ام اوس: ها شترديم
وردة: اكلج خية هذا انس يريد يطلع لينا بت خالته ولزكت روحي ويتهم وماعندي ملابس البسهن
ام اوس: ايي عفية عليج كمتي تفتهمين هسة ارجع للبيت اطلعلج ملابس وانطيجياهن من السطح
وردة: مو اجيبلي الوان
ام اوس: ادري قابل ثولة مثلج
اجت ام اوس جايبتلي تنورة وقميص حلوات ومرتبات لبستهن ولبست العباية
انس: ها بنات جاهزات
دنيا : بهمس لينا هاي راح تجي ويانه هشكل بهذا لبسها
لينا: اييي ولج اوووي تخرب منظرنه بس مضطرة اتحملها علمود انس
دنيا: انتي مضطرة اني لا ماراح اجي وياكم
انس: ها بنات كملتو
دنيا : اشو احس نفسي مالي خلك روحو انتو راح انام اني
لينا: وهي تشلبك ايد انس يلة انوسي نطلع
انس: يله امشو خل نطلع
طلعنه كعدت لينا بالصدر واني ورى متت قهر يسولفون وعبالك اني ماموجودة بسمن ايجيب اكل يحسب حسابي
انس: تعالي نفتر بالجادرية شوية شكلتي
لينا: يله
طبعا همه يمشون كدامي وانه وراهم الي يشوفني يكول ابد ماجاية وياهم بعدين اخذنه لمطعم وتعشينه ورجعنه
اول ماوصلنه للبيت فتحت باب السيارة ونزلت ورحت كبل لغرفتي اريد بس ابجي كوة لازمه دموعي بدلت ملابسي ونمت
انس: يله لينا اروح انام تأخر الوقت وراية دوام باجر
لينا: بعد وكت هاي شبيك انس
انس: اسف والله غير مرة لان كولش نعسان
لينا: اوك تصبح على خير
انس: وانتي من اهلو
صعدت فوك لكيت وردة نايمه بدلت ونمت
في اليوم التالي
كعدنه ونفس الروتين اليومي كلت خل اتصل بام اوس واحجيلها
وردة: هلة خية شلونج
ام اوس: ها وردة شو كوة تحجين شصار البارحه تونستي اكيد
وردة: لاء ابد ولاعبالك انه موجودة وياهم حتى حجي ماحجه وياية
ام اوس: شفتي ولج كتلج راح يطير منج شلون اني بعنادج
وردة: شسوي خية والله تعبت كلش
ام اوس: اسمعي كلامي وماتكوليلي لا
وردة: خية امري لله شسوي لعد
ام اوس: لازم تنزعين الاسود باجر اني وياج نروح نشتري ملابس واصبغ شعرج واحفج واطلعج مو انتي
وردة: اكلج اخاف ابوية يزعل عليه
ام اوس: اصلا ابوج راح يزعل عليج اذا ماحافظتي على زوجج
وردة: راح اكله لانس باجر نطلع انه وياج واسترخص من امي وجدي
ام اوس: يله لعد روحي وباجر موعدنه
نزلت جوة لكيتهم كاعدين وانس جاي من الدوام
وردة: جدي اريدك بشغلة انت وامي
الجد : كولي بوية محتاجه شي
وردة: جدي اني اريد اذبن الاسود وردت استرخص منكم
انس: من رخصتكم اصعد ابدل
الجد: اييي يابعد جدك نزعي هو مو زين ع الميت بالعافية بوية
ام وردة: اي يمه نزعي
وردة: ان شالله يمه ... بسرها يصير انس ماسمعني يجوز يله من ينزل اكله
لينا: خالة وين انس
ام انس: بغرفته
لينا: اها اوكي لعد راح اصعدله
شفتها صعدت وصعدت وراها
وردة: وين رايحه
لينا: وخري من طريقي دا اريد اروح لانس
وردة: انس وحدة بالغرفه
لينا : وشنو يعني وخري
انس: شكو شبيكم
لينا: مادري شبيها وردة ماتخليني اصعدلك
وردة: طبعا ماخليج رجلي وحدة بغرفه النوم مايصير تروحيلة تردين منه شي تنتظري ينزل
انس: لينا كولي محتاجه شي
لينا: ايي اريد باجر تاخذني ماندل واريد فساتين تدري اسبوع الجاي عرس محمد
انس: اوك من اخلص دوام اجي اخذج
وردة: انس
انس: ها وردة
وردة: راح اذبن الاسود
انس: زين
وردة: انس
انس: ها
وردة : باجر اروح ازور الكاظم انه وام اوس واشتري هدوم مناك ماعندي ملونات
انس: اوك
الجد: شمالك مغسول ولك غير تسئل مريتك عدها فلوس غير تكللها اني اخذج
انس: ها جدي هو كلت من نصعد بالغرفه اكوللها وثاتي شي هي متواعده ويه ام اوس راح تروح وياها
وردة : اي صدك جدي واني مامحتاجه شي الحمد لله
الجد: انه منتبه من ازوجتي لهسة ماسئلج شمحتاجه
انس: جدو ترى هي المفروض تكلي اني محتاجه فلان شغلة
وردة: جدي جا انه غير عندي هدوم هواي وعمي وامي ومرت عمي مامقصرين وياي كلشي يجيبولي
الجد: ورجلج
وردة:جدي رجلي الله يساعده يجي من الدوام تعبان يريد يرتاح وانه اهم شي عندي راحته
انس: وردة عشاج شصار منه ماخلصتي
وردة: ايي دقايق واصب العشة
صبيت العشة وتعشينه وجدي جنه ماراضي على انس بس انه ماريد يزعل على انس صعدنه انام
انس: وردة ليش من تحتاجين شي ماتكوليلي
وردة: انه ماكول لاحد اني محتاجه شي همه يجيبولي تعلمو على طبعي
انس: بس اني مااعرف احتياجات البنات
وردة: انت موفي ومكفي مامحتاجه شي
انس: زين بس اذا احتاجيتي شي لازم تكوليلي
وردة: ان شالله
انس: وردة تعالي نامي ع الجرباية مو كافي
وردة:لا خليني هنانه مرتاحه
انس: تعالي كافي عناد ترى انزل لجدي 😂 ترى تعودت عليج يمي مجاي اعرف انام وانتي هم مجاي تنامين
وردة: ارجع بس
انس: لا بس ولا كلشي مااسويلج شي غلطه وصارت وكتلج اني فكرت ازوج
وردة: تريد تزوج لينا مو
انس: 😒
وردة: شبيك تباوعلي صفح
انس: منو كالج
وردة : مبين من نظراتك واهتمامك الها
انس: اها جيد يله تصبحين على خير
وردة: اجمعين
ثاني يوم رحنه للكاظم اشتريت هدوم الوان وفتت زرت وذبيت الاسود هناك وطلعنه نكمل مسواكنه
