قد وقعنا في بحر الهوى

الحلقة السادسة والعشرون

حورية(ابتعدت عنه بخوف كطفلة خائفة من الذهاب للمدرسة):لا لا انا مش ينفع اجيب اطفال الفترة ديه

مصطفى(بعصبية):لا لا طب ليه

حورية:مش مهم تعرف

مصطفى(امسكها بشدة من ذراعيها وحركها):ليه هو الخلفة مش قرارنا احنا الاتنين سوا وانا صبرت كتير وانتي مش عاوزة تضحي بأي حاجة انا ضحيت بحاجات كتير اوي

مرت على حورية كل ذكرياتها السيئة الموجعة حتى انفجرت في وجهه وقالت

حورية:انت عاوز تعرف ليه علشان انا مش حاسه بالامان سبني

اتصدم مصطفى وتركها ورجع خطوتين للخلف

مصطفى:انتي مش حاسة بالامان معايا يا حورية

حورية(بانهيار):انت مش فاهم حاجة مش فاهم حاجة

مصطفى:انا فعلا مش فاهم حاجة انا كنت فاكرك بتحبيني وحاسة بالامان معايا

تركها مصطفى وخرج وهي تبكي بشدة ومر اسبوع على هذا الحال وعادت حورية مرة اخرى للتدخين بعد ان انقطعت عنه لمدة 4 سنوات ذهبت كل من اميرة ومي لزيارة حورية فتحت لهم الباب وتركتهم وذهبت تجلس على الاريكة وكانت في حالة يرثى بها فكانت قد فقدت وزنها واصبح وجهها ذابل وتحت عينيها اسود وجلسو بجانبها

اميرة:حورية مالك

حورية:مالي يعني ما انا كويسة اهو

اميرة لاحظت في المطفئة كمية سجائر كبيرة

اميرة:انتي رجعتي تدخني تاني

حورية(بعصبية خفيفه):هو انا قولتلك اني بطلت

مي:في ايه يا حورية اميرة بتطمن عليكي

حورية(بصوت مهزوز):خلاص انا كويسة ملكوش دعوة انتو بيا

اميرة(نظرت بحده):انتي اتخنقتي مع مصطفى

حورية(بعصبية):اه يا اميرة اه انا اتخنقت مع مصطفى تعرفي ليه كل دا بسبب ابويا علشان هو اللى كسرني بدل ما يكون ضهر ليا انا مش عاوزة اعيش نفس التجربة بتاعت ابويا وامي لما اتجوزو وهما بيحبو بعض واول ما انا جيت اكتشفو انهم مبيحبوش بعض واني اكبر غلطة في حياتهم ويحسسوني اني الزنب في اي حاجة وحشة تحصل اناا مش عاوزة احيب عيلة تيجي تسألني خلفتيني ليه طالما انتي مش عاوزاني انا مش عاوزة اخلف بنت تبقا زيي هيبقا حلو اوي يعني لما اجيب بنت وابوها يعتدي عليها بالضرب وتبعد عن اللي بيحبها وتغلط في اختيارتها

اميرة نظرت لمي ثم اقتربو منها وضموها لهم وهي تبكي بشدة وحرقة وبعد ان هدأت قليلا تركوها وذهبو وعندما كانت اميرة في الطريق اتصلت بمصطفى وعندما رأى مصطفى اسم اميرة على شاشة هاتفه اجاب بسرعة

مصطفى:الو يا اميرة هو حورية حصلها حاجة

اميرة:طالما انت عارف ان ممكن يحصلها حاجة ليه سيبتها وكمان مقولتش لحد انها لوحدها