قد وقعنا في بحر الهوى

الحلقة السابعة والعشرون

خرج زين وفتح الباب وجد مي

زين:كنت حاسس وربنا

مي:عاوزك في موضوع يا زين

زين:انا مش اميرة

مي:بخصوصها يعني هاه بقا نتكلم عندك ولا برا

زين اغلق الباب وخرج لها

زين:في ايه انا قلقت

مي:لا مافيش حاجة بس انا تبعانة جدا الفترة ديه ومتلخبطة ومحتاجة اميرة معايا فترة لوسمحت يا زين تسيبها تسافر معايا اسكندرية انا لسه جيالي الفكرة النهاردة هي متعرفش فانت لو قولتلها هتبقا حاجة حلوة منك وفي نفس الوقت تكون ساعدتني

زين:موضوع فادي مش كدا

مي:انا مش عارفة اخد قرار ومحتاجه اريح وافصل فترة وانا مليش غير اميرة وحورية حتى هطلع على مصطفي بس قولت ابدأ بيك لأنك الصعب وخصوصا انكم لسه متجوزين

زين:حاضر يا مي بس تعالي ندخل

مي:انت مش زعلان صح

زين:انتي عبيطة انتي اختي يا مي وعندك معزة عندي خاصة علشان ميرة بتحبك

مي:ميرة اوكي شكرا يا زين

دخلو وجد اميرة جالسة على الأريكة وغاضبة فأشار زين لمي ان تصمت قفز زين وجلس بجانبها

زين:مالك مبوزة ليه

اميرة:مين اللي كان على الباب

زين:واحدة متلخبطة في العنوان

اميرة:والله والواحدة تقف معاها كل دا يعني وسيبني مرمية هنا

زين:انتي قفشة علشان وقفت معاها ولا علشان سيبتك مرمية

اميرة:الاتنين طبعا وبعدين مندهتش عليا انا ليه وكل دا كنتو بتتكلمو في ايه

زين:في ايه يا اميرة يعني

اميرة:خلاص انا اقف اتكلم مع رجالة عادي متقعدش تقولي لأ وبتاع

زين:ابقي اعمليها وساعتها هوريكي هعمل فيكي ايه

اميرة:هتعمل ايه يعني

زين:بلاش وشوفي انا كنت بكلم مين هي وراكي

نظرت اميرة وجدت مي ورفعت مي كتفيها وشعرت اميرة بإحراج وجلست مي

اميرة:سوري

زين:بلا سوري بلا بتاع بقا مي انا رجعت في كلامي

اميرة:رجعت في كلامك في ايه هو في ايه

مي:استأذنته اخدك ونسافر اسكندرية سوا انا وانتي وحورية بس بغبائك بوظتي الدينا

اميرة:زيزو حبيبي سوري بقا

زين:دلوقتي بقيت زيزو

اميرة:خلاص بقا

زين:اسكتي انا هسيبك مع صحبتك