قد وقعنا في بحر الهوى

الحلقة الثانية عشر

على:مين دا اللي حلوفة يا خرا

اميرة:بس يا خ.. شيت اسكتي يا على كنت هتخليني اغلط فيك بجد

مي:ايه مصورة الشتايم اللى فتحتوها على بعض ديه خلاص اتهدو

اميرة:انا خارجة

حورية:طب هاجي معاكي

اميرة اكملت سيرها نحو السيارة وكادت حورية ان تذهب امسك مصطفى يدها فسحبت يدها بقوة

حورية:انت عبيط ولا ايه

مصطفى:انا اللي هروح معاها خليكي انتي

ذهب مصطفى وركب السيارة بجانبها فنظرت له باستغراب ونظر لها بأن تتحرك وجرى زين نحو سيارته بسرعة وتحرك خلفهم امسكت مي هاتفها كي تطلب اميرة سحبته منها دارين

مي:أنتي مجنونة يا بت انتي ولا ايه

دارين:مش هتكلميها تقوليلها انه طلع وراهم

حورية:خدي تليفوني كمان لوسمحت بدل ما اتصل

دارين(ابتسمت):ع فكرة انتي عسل اوي يا حورية

مي:هاتي التليفون يا زفتة

دارين:لا

روان:مي فكك

مي كادت ان تسحبه من يدها جرت دارين فجرت خلفها مي

وكان كل من مصطفى واميرة وصلو لأحد الحدائق وبها بعض الالعاب

مصطفى:ايه المكان دا

اميرة:المكان دا شوفته بالصدفة زي اي صدفة بس تقدر تقول ان ديه الصدفة الوحيدة الحلوة اللي عمرها ما وجعتني

ركبت اميرة على الارجوحة وبدأت تتحرك وكان زين نزل من سيارته ووقف خلف شجرة على مقربة منهم

مصطفى:عاوزك تتكلمي وانا سامع

اميرة:عارف اني شوفت زين صدفة في باص المدرسة انا لما دخلت مكنتش واخده بالي منه خالص وكنت حاسه اني تايهه عالم جديد بيئة جديدة بس اول ما عيني جت في عينه حسيت احساس عمرى ما حسيته قبل كدا تمام انا بس عاوزة اوصلك ان بس نظرة في عينه كانت بتخليني مطمنة فاهم لحد ما دارين جت قالتلي انه بيحبني في اللحظة ديه بس عارف انا مكنتش عارفه يعني ايه حب مش عارفه حتى ايه الاحساس اللي بحسه لما ببص في عينه وامي بقا كانت مفهماني ان مينفعش يبقا في تواصل مع الولاد فقولت اي هرتله بمعني الرفض يعني بس واحده واحده لاقتني بتكلم عليه كتير بستناه بحاول اشوفه وبستمتع لما اعرف عنه حاجة ومهتمة بس هو بقا كان بيوجع فيا من بعد ما رفضت كان بيشتمني بيرخم عليا بزيادة تعرف مرة اتهزقت من مدرسة وكنت منهارة من العياط وهو لما شافني قعد يتريق عليا وانا بعيط يومها اتوجعت اوي لما فكرت قولت ازاي بيحبني وقعد يتريق عليا وانا بعيط

عارف يا مصطفى بالرغم من كل دا اكتر حاجة وجعتني لما مشي من المدرسة ومشوفتوش كنت مش ببتسم غير لما اشوف صوره وادقق فيها ادقق في عينه لان عينه واحشتني انت متخيل اقعد سنين محرومة من الامان وبالرغم من دا بردو لما رجع حسيت ان روحي رجعتلي واكتر حاجة مضيقاني دلوقتي اني لما ارجع عارفه اني مش هعرف اشوفه هناك هو دايما يعرف يشوفني ويوصلي لكن انا لا انت عارف اني اتمنيت بجد ان احب اي حد تاني غيره لان حبه بيوجعني سواء من الذكريات السودا زمان ولا من فراقه دلوقتي ولا انه هو اصلا انسان مش مسؤول ومجنون يمكن زين دلوقتي متغير عن زمان بس مش عارفة افهمه انت فاهمني