السلام عليكم
اسمي رانيا عمري 26سنه قصتي حقيقيه وشويه جريئه بس مع ذاك ماراح اكول البنات الاقل من عمر 18 ليقروهه لا بلعكس إني اريد يقرون حتى يتعضون اول شي رح ابدي من عائلتي عندي 3اخوه و3أخوات وبابا وماما بابا جان بلجيش السابق وطلع تقاعد وامي ربه بيت اخوتي واخواتي كولهم مكملين دراسه ماعدا إني جان مالي واهس ادرس بعدين يجيكم الحجي ليش مالي واهس اخوتي سلام وعصام وهشام طبعا صح همه احنان بس جان بس سلام احبه أكثر واحد بيهم لانه جان ثكيل ورزن ويعرف شلون يصرف اما عصام وهشام لا جانو عصبين واي شي يغلطون ولو بيدهم يضربوني بس بابا وماما جانو مبحبون احد يمد ايده عليه أو يضوجني لأنه إني الصغيره والمدلله وجنت دائما اشكي لأمي لصديقاتي عليهم اكلهم ليش احسهم يكرهوني لو ليش هيج يعاملوني جانت ماما تكولي يغارون لانه احنه مدلليج ويخافون عليج ومن هاي السوالف اما اخواتي سهى ومها وتقى جانن حبابات واحبهن ويحبني ومن إني صغيره جانن ينصحني ويعلمني وهذا صح وهذا غلط جنت إني مااعرف ليش هيج يحجون او يخافون عليه شنو السبب جنت صغيره ومو واعيه المهم ارجع اعرفكم ع شخصيتي واحجيلكم عن طفولتي شويه شخصيتي شويه عجيبه جائز البعض يكول شنو من تفكير عدهه وهي صغيره طفله إني من إني بلبتدائيه جنت مدمنه أفلام ومسلسلات واغاني مدمنه تلفزيون يعني قليل ادرس كوه انجح جنت بلدفعات بالي كوله يم المسلسل اليوم شنو أحداث فلان مسلسل اليوم شنو يبدي فلم وهيج كضيت الابتدائيه وجنت اسرح وأحلم ويه الفلم أو المسلسل حتى الاغنيه ودائما جنت بيني وبين روحي اغني وامثل وأعيش الدور وجنت دائما أحلم اعيش قصه حب يعني هذا تفكيري وأني طفله بلبتدائيه جان اكو هاجس جوايه المهم رحت للمتوسطه أول كوه طلعت ثاني رسبت كتلهم لااهلي بطلوني طبعا هاي أكبر واول غلطه سويتهه بحياتي انو بطلت أهلي مقبلو بس اني اصريت وبطلت حتى اشبع من التلغزيون والنوم والأحلام هذا كوله يعني مجرد هاجس عندي مو غير شي راح يوم اجه يوم اخويه سلام الجبير سافر لتركيا وهو جان أكثر وأحد من اخوتي يحبني وجان مدللني كولش يشتريلي يطلعني يونسني هو بعدين اخواتي سهى ومها زوجن وبقيت بس اني وتقى تقى مو هلكد قريبه مني شويه شايفه روحهه 😁المهم عصام اخويه خطب بنيه يحبهه ومشاكل كومه اله صارت اله وتزوج وياريت متزوج لأنه زوجته متنجرع ووكحه وتريد كلامهه يمشي ع الكل بهاي الفتره تزوج إبن عمتي همام تقريبا نفس المده التزوج بيهه عصام اذكر جان عمري 13او14 هيج شي جنت احبه شلون احب سلام اخويه وهو طبعه مثل سلام ومن إني صغيره جنت متعلقه بي وأحب اشاقي وهو نفس الحاله يعني اتذكر مره جنت بصف الرلبع ابتدائي يكرص بخدودي ويكول كون من ازوج انرزق هيج بنيه تشبهج😍هسه تكولون شو طفرت على ابن عمتهه هههه مو بعدين اربط السالفه المهم مرت عصام دمرتنه يوميه مشكله واني لساني طويل جنت اردهه تكلي كلمه اكلهه عشره بصراحه احجي امي جانت تتجنبهه الخاطر عصام وجان عصام ميكدر يحاجيني يخاف من بابا بهاي الفتره تعرفون فتره مراهقة وكذا بس اني ابد منعجبت بأحد بس بلممثلين والمطربين يعني من جنت اطلع هواي انصجم ويرقموني بس جنت مطخ راس لااحد تدرون ليش 😁هسه اكولكم جنت اتمنى الاحبه والاتزوجه يكون اسمراني رغم إني بيضه ثلج وأحبه كون ضخم وعضلات رغم إني جني فاره ناعمه كلش😂بس جنت هيج أحلم وأحب كون صاحب شخصيه وكلامه مسموع وكون بي شي من العصبيه 😊هاي جانت اوصاف فارس أحلامي رغم جان عمري ميتجاوز15 بس هيج ابالي ومكايله لااحد بس بيني وبين روحي المهم راح يوم اجه يوم تزوجت أختي تقى حبت واحد بنفس المنطقه واجه خطبهه طبعا إني مجنت أعرف عدهه علاقه وتحب وهاي السوالف لانه عود إني صغيره
ومتسولف كدامي رغم هي جانت منتبهه عليه من اطلع متعوفني بحدي تنصح بيه جانت تراقبني خاف اتقشمر أو اسوي شي غلط من هذآ القبيل تزوجت تقى وهنا رح تبدي قصتي ومراهقتي مااعرف شسميهه معاناتي لو عذابي مااعرف ماكو إسم اكدر اسمي هاي الفتره المريت بيهه بهيج عمر تقى تزوجت وعيالهه وزوجهه خوش ناس ومدليلهه واني جنت دائما اروح عليهه لانه هي قريبه وزوجهه عسكري جان يروح 10ايام ويجي 7 فجانت لو هي تجي لو إني اروح عليهه رغم اني وياهه مو ذيج العلاقه القويه بس جانت تحتاج أشياء أو ملابس يم خياطه وهي حبلت راسن فجنت إني اروح لانه ماما متكدر تمشي مفاصلهه فد مره دا اروح عليهه ماخذه الهه كيكه وصلني هشام اخويه قريب الباب وراح دكيت بابهم طلع فتح الباب ولد أول مرة اشوفه بطرك البرموده إني خجلت من المنضر دنكت وهو أخذني حاصل فاصل الحلو المن رايد معقوله بيت خالتي هيج حمامه دك بابهم إني لسان بس مااكدر اباوع عليه مصلخ والعياذ بالله 😂جان اكوله انت مخبل شارب شي شبيك وعفته وطبيت وادردم صعدت لغرفه أختي سمعتي ادردم كالت شبيج يولي زهكانه كتلهه أم حلك مو خابرتج ماما وكلتلج دزيتلح الكيكه كالت أي كتلهه وجعي غير تنزلين جوه وتفتحين الباب شنو طلع واحد مصلخ والله يالله
شلون ناس متستحي وفوكاهه يتغزل وتقى تضحك تكولي شبيج جنج عجيز كتلهه هاي إني كتلهه ماطول هيج اليوم ماابات يمج كالت لا دخيلج باتي عفيه مالج شغل هذا ارشد ابن خالتهم هسه ارزله إني شوفي شسويلج بي بس ابقي يمي عاد سوي عشه امسحي بمكاني ولج بطني كبرت بعد مااكدر اشتغل اتعب كتلهه أي مبقيتني ع الكراب شلون اخت مصلحه 😑المهم بقيت بغرفه اختي تقريب ساعه ونزلنه حتى اساعدهه خطيه عيالهه محد عدهم بس بنيه وطالبه كليه قسم داخلي متجي كل اسبوعين وآلله نزلنه نشتفل وعزلت ويه اختي فتنه للمطبخ دا امسح الكاونتر خطيه متكدر دنك تقى كالت امسحي الفوك والجوه اني مو هلكد طويله وسط جبت كرسي وصعدت لابسه تراكسود بنفسجي لاطش عليه واني جسمي مقسم راعيه عربانه😁وصدر وشعري لونه بني مسويته ضفيره مااحس اله ورايه إبن خالتهم أرشد وماادراك ما ارشد فاتح عيونه وصافن وصاير دم إني شفته عصبت
