الممرضهه طلعت قالت لي اتفضلي ادخلي❤️على طوول جيت ماشهه عليها فتحت لي الباب طبعا داخلهه ومتوتره لاني م بعرف زول من اهل بابا لا اولادو لا اي شي💔وصلته دقيت ليهم الباب❤️سمعتهه المره الجوه بتقول من متين اختك ديما بقت تستأزن وتدق الباب كمان😂الممرضهه قالت لي اتفضلي عادي اتحركت لي من جنب الباب دخلتهه❤️طبعا بعد م دخلتهه كانت في لحظهه صمت غريبهه خالص 💔بابا في السرير نايم وفي مره قاعدة جنبو وفي دكتور بصلح في أجهزة بابا المركبنها ليهو❤️كلهم قعدو يعاينو لي بس لا انا قادره اتكلم ولا هم قادرين يتكلمو 💔قولته ليهم السلام عليكم❤️المره كانت كبيره في العمر قالت لي وعليكم السلام ي بتي❤️الدكتور قال لي وعليكم السلام❤️فضلتهه سااكته مسااافهه💔الدكتور قال لي اتفضلي عايزة شنوو؟الممرضهه عاينت ليهو بإستغراب وقالت ليهو معليش ي دكتور هي قالت لينا انو هي بت عم عبدالله علشان كدة دخلناها💔المره الكبيره قالت ليها هه م مشكله ي بتي يمكن ملخبطهه في الاسامي او هي قاصدة عبدالله واحد تاني وانتو جبتوها هنا 💔الدكتور قال ليها يمكن ي حبوبهه زي م قولتي ملخبطهه في الاسامي💔المره الكبيره قالت لي انتي عايزة عبدالله منو ي بتي؟قولته ليها امممممم اللي نايم في السرير دة هو انا قاصداهو ❤️بقو بعاينو لي بإندهاش غريب طبعا😱😳المره الكبيره قالت لي سمح ي بتي انتي اسمك منوو؟قولته ليها انا اسمي شهد عبدالله يحي سوووري نسيت اعرفكم بي ٱسمي ❤️الدكتور قال لي صح في تطابق اسامي بس ي بت الناس شكلك غلطانهه💔قولته ليهو لا انا م غلطانهه انا جايهه وواثقهه كمان❤️المره قالت لي طيب ي بتي انتي جايه من وين؟قولته ليها انا جاااايهه من المغرب واول م عرفتهه بي خبر مرضو نزلته السودان علشان اتطمن عليهو💔المره الكبيره بعد م قولته ليها جايه من المغرب ملامح وشها اتغيرت وبقى في خوف كدة غريب في عيونها وبقت ساااكتهه لمن وشها بقى شاااحب💔الدكتور قال لي دقيقه ياااالسمحهه نحن م فاهمنك جيتي من المغرب وسمعتي بي خبر مرضو هي القصههه شنوو؟حبوبه كدي قولي حاجهه💔من خلال كلامو مع المره دي عرفته انو دي ام بابا💔فجأة باب الغرفهه دق جات داخلهه مره كان بتتكلم بالتلفون وبتضحك بأعلى صوتها يعني بالجد حسيت روحي عايزة اخنقها مزعجهه ياخ 💔بعد تلت ساعهه خلصت مكالمهه 💔قالت ليهم كيفكم؟الدكتور قال ليها الحمدلله❤️قالت ليهو لسسسه م اتحسن والله فترنا زااتو من المشيه والجيه حقت المستشفى دي 💔طبعا م كانت منتبهه لي💔فجأة عاينت لي قالت ليهم دي منو دي كمان؟اتخيلو بهذا الإسلوب😒المره الكبيره قالت ليها تعالي ي إبتسام عايزاك ساقتها وطلعت برره💔شويه كدة اسمع ليك صوتها وهي بتصرخ وبتتكلم بصوت عالي شنوو؟قولتي لي بتو؟هو من متين عندو بت كمان؟جو داخلين الغرفهه طبعا هي منفعلهه💔المره مسكتها قالت ليها ابتسام لأ لأ م هنا النقاش دة 💔جرت منها يدها بصووره غريبهه وقالت ليها فكيني كدة بالله ي عمتي المره الكبيره قربت تقع طبعا انا بقيت واقفهه مصدومهه بعاين ليها بس زاتها شكلها مخيف ومخططه حواجبها وخشمها بالقلم الأسود ومتمكيجهه كأنها م جايه زياره لي زول عيان يعني حااااجهه كدة اووووووفر بجد💔💔جات ماشه علي طبعا انا قلبي عمل شححم خوفهه بس من ردةفعلها القويه خلعتني💔قالت لي اسمعي هنا ي بت الناس هووي شوفتي انا حركات الاجرام والفوضى دي م بتنفع معي فهمتي ؟بتو من وين؟وبتعرفي من وين؟اوووعى شوفتي تتسلبطي فاهمهه؟واتفضلي اطلعي من هنا وارجعي المحل الجيتي منو فهمتي؟بتتكلم معي وهي رافعهه ومؤشره صباعها في وشي اتخيلو قربت تدخلو لي في عيني💔جا الدكتور مسكها قال ليها ي امي رووقي م كدة خلونا نفهم منها الحاصل💔قالت ليهوحاصل شنوو؟ماف اي شي حاااصل دي واحدة لافهه وحراميهه سااي فهمتهه💔مع صوت الجوطهه الممرضهه قالت ليهو دكتور عمر معليش بس عم عبدالله دة محتاج راحه والازعاج م في صالحو💔الدكتور مسكها قال ليها امي كدة اطلعو بره لو سمحتو اتفضلو💔مسكها طلعها بره جا راجع قال لي لو سمحتي ممكن تطلعي بره انتي كمان؟قولته ليهو طيب☺️طلعتهه تااني المره انفعلت قالت لي ابووك بتعرفيهو من وين؟ولدها مسكها قالت ليهو كدة فكني بالله م تمسكني ي عمر قولته ليك كدة خليني اشوووف حضره سيادتها الجايه تتسلبط في ابهات الناس دي الواحدة تكون مقطوعهه من شجره وتجي تتبلى على الناس💔الولد قال للمره الكبيره ي حبوبهه م تقولي حاجهه ؟قالت ليهو اها عاد اقول شنو ي ولدي امك وبعرفها لو فكت لسانها دة تاني م بتبلعو💔😊ولدها قال ليها ي امي نحن في مستشفى النقاش دة خليهو بعد ابوي يتحسن لأنو ماف أهم من صحهه ابوي وبعدين لاحظي اسي المستشفى كلها بتعاين لينا💔قالت ليهو اسمع هنا ي ولد هووي انت م بتسكتني فهمته وبعدين انا مالي ومال الناس خليهم يعاينو عيونهم بالقد انشاءالله انا بتكلم مع العاملهه بكماء وم دايره تتكلم دي💔قولته ليها شوفي انا م جايه علشان اتناقش واخلق مشاكل اوك؟السبب الوحيد الجابني هنا هو بابا انا جايه اتطمن على صحتو بس م اكتر❤️قالت لي ي بت هاا ببو اليخنقك بالله انقلعي من هنا💔👊رجعتهه لي ورا وسكتهه منها💔الولد قال لي طيب ي بت الناس بناء على كلامك انو انتي بتكوني بت الراجل دة عندك م يثبت؟قولته ليهو اكيد م بكزب في موضوع زي دة وماف سبب يخليني انزل من المغرب علشان كزبهه تافهه طلعته ليهو بطاقه الهويه حقتي قولته ليهو اتفضل اقرا الاسم بالكامل ❤️المره جات مسكت منو البطاقهه وجدعتها قالت لي اكيد مزوراها يختي شايفانا شنو عشان نصدقك؟متخلفين ولا هبل💔طبعا المستشفى كلها بقت تعاين لينا انا م حبيت اكتر معاها شلته بطاقتي ومشيت وانا ماشهه قالت لي مشيه بلا رجعهه 💔طبعا زعلتهه واتحمقتته شديد من تصرفها وردة فعلهامع اني كنت مجهزة شعوري للإسلوب دة بس تصرفها استفزاني💔طلعتهه بره المستشفى وقفتهه احس ليك بي زول ينده لي ي بت ي بت بي صووت عالي رفعتهه راسي لقيتو دة عمو سواق التكسي النسيت شنطتي عندو طبعا م صدقتهه اني شوفتو مشيت عليهو❤️قال لي نسيتي شنطتك عندي ي بتي ومن قبيل منتظرك دخلته سألتهع منك جوة المستشفى بس زووول اشتغل بي ماف💔قولته ليهو عموو تسسسلم كتيير ياخ ربنا يديك الصحهه والعافيه❤️قال لي اها اتطمنتي على ابوووك؟سكتته مساافهه قولته ليهو أيوة اتطمنته عليهو الحمدلله❤️قال لي الحمدلله طيب عن ازنك ي بتي انا ماشي اشوف شغلي بعد كدة❤️قولته ليهو طيب ربنا يفتحها عليك انشاءالله ي رب❤️اداني شنطتي ومشى طبعا انا مخنوقهه والعبره خانقاني بس اصلي قولته م ببكي لاني براي جيت وماف زول جبرني 💔بس م كنت عارفهه امشي وين عايزة لي فندق اقعد فيهو فتره مؤقتهه وم كنت عايزة يكون بعيد من المستشفى 💔اتلفته لقيت السكيورتي بتاع المستشفى واقف مشيت عليهو طبعا هو بعاين لي ساااي💔قولته ليهو السلام عليكم❤️قال لي وعليكم السلام❤️قولته ليهو اممممم بس لو سمحتهه عايزة اسألك إذا في فندق قريب من هنا ؟عاين لي مسااافهه قال لي فندق ماف هنا والله 💔قولته ليهو طيب شكرا اتحركتهه من جنبو مشيت وقفتهه مسااافهه جااني تاني بتاع الأمن قال لي انتي عايزة مكان تأجريهو يعني؟قولته ليهو ايوة عايزة لي فندق أنزل فيهو❤️قال لي والله فندق هنا قريب ماف لكن في شقق للإيجار في باليوم وبالإسبووع❤️قولته ليهو امممممم لأ انا م معي حد عايزة غرفهه بس م شقهه💔قال لي خلاص طيب كدة انتي شوفي بتاع الشقهه لو بإجر ليك غرفهه ولالأ💔اترددتهه بس قولته كدة اجرب قولته ليهو طيب وين الشقق دي ولازم تكون كويسه ومضمونه وفي الواجهه يعني علشان الضمان وكذاا❤️ضحك قال لي م تخافي مضمونهه ديك ليها قطع الزلط دة بس وأشر لي بي اصبعو العماره كانت مقاااصدة المستشفى❤️قولته ليهو طيب وين ممكن اللقى صاحبها وأستفسر منو؟قال لي دقيقهه طلع تلفونو وإتصل على رقم اتكلم معاهو قال ليهو طيب طيب بجيبها ليك أسي ❤️قال لي ارح اوديك لي سيدها اسي هو قال في العماره❤️طبعا خوفتتتتتتتتهه وإترددددتهه انا اضمنهم كيف💔الزول عرفني خايفهع قال لي م تخافي والله انا عايز اساعدك بس لأني شايفك واقفهه من قبيييل وكدة دي كل القصهه💔قولته ليهو كمان انا حاليا م معي قروش انا ي دووب نازلهه من المغرب وقروشي كلها بالعملهه المغربيهه يعني لازم امشي البنك علشان اغير القروش دي💔سكتت مساافهه قال دي عوجهه كمان دي لكن..تعالي انا بتكلم ليك معاهو وانشاءالله خير❤️مشيت معاهو شال لي شنطتي والله م قصر ياخ وصلنا دخلنا العماره وصلنا جنب شقهه دقه الجرس طبعا انا في البدايه خوفته اتلفت علي قال سيد العماره زاتو ساكن هنا مع اولادو❤️اااخ ي دووب قولته الحمدلله ❤️جا فتح لينا الباب شافع صغنوني قال لينا اتفضلو دخلنا الراجل اتكلم مع سيد الشقهه ❤️سيد الشقهه قال لي وانا اضمن كيف انو انتي حتجيبي لي القروش والله م بقدر ي بت الناس معليش بس كلام زي دة م عندي انا💔قولته ليهو أنا حأخلي شنطتي وحجاتي معاكم هنا حأمشي البنك أغير العمله بتاعتي وبالمره عندي حساب في البنك هنا انا مجمداهو حأفك التجميد وحأرجع ادفع ليك حسابك❤️الراجل قال ليهو قول خير وم تحكها مع البت ياخ البت جديدة في البلد وين الشهااامهه ي ابو السيد❤️سيد العماره قال لي وانتي م عندك أهل هنا؟قولته ليهو انا جيت السودان علشان أبوي صحتو تعبانهه شويه وحاليا مرقد في المستشفى دي واول م يطيب انا حأرجع ممكن اسبوع او اسبوعين م اكتر ❤️سكتت مسااافهه قال لي طيب تعالو طلعنا مشينا قال لي والله الشقهه دي بس انا مجبور أأجرها على اساس انها غرفهه لانك محتاجهه ليها ❤️دخلني الشقهه طبعا ظريفه وبسيطهه❤️قال لي نضيييفهه م محتاجه نضافهه انا اسبوعيا بنضفها❤️اداني المفتاح ❤️قولته ليهو تسلم❤️قال لي انا اديتك ليها على ضمانهه الزوله دة بس ❤️الحرص قال ليهو تسسسلم ي ابو السيد م بتقصر❤️طلع مشى ❤️قولته للحرص بتاع المستشفى تسلم ي عمو ياخ❤️قال لي العفو ي بتي❤️بعد م طلع مشى دخلته الحمام غسلته وغيرته ملابسي ارتحته شويهه كدة وطلعتهه وقفته لي بتاع عربيه قولته ليهو وصلني اقرب فرع لي بنك فيصل الاسلامي ساقني وصلني بعد م وصلني قولته ليهو انتظرني نص ساعهه وارجع تمام؟قال لي تمام❤️دخلته غيرتهه قروشي وفكيت التجميد بتاع حسابي ورجعته البيت مشيت سلمته سيد العماره قروشو ودخلته شقتي نمته شويه كدة...
في المستشفى كانت مره ابوووي لسسه هااايجهه وشغاله تقول لي عمر ولدها طردتها طردة كلب المعفنه تاني والله م تجي💔ولدها قال ليها اسي ي امي العملتيهو دة كلوو ماف ليهو داعي نحن في المستشفى وابوي بكره عمليتو اسي في اهم من صحتو؟قالت ليهو انت كمان م تكرهنا ابوي ابوي يأبي ليك مدفع ابوك دة لو جاهو الموت دة بس خليهو يموت هو كمان التاني💔ولدها قال ليها ي امي البتعملي فيهو دة عيب وكلامك دة عيب وانا كلمتك لو بتجي تعملي حركاتك دي م تجي وتضايقي خليك في البيت💔
انا في الشقهه هناك صحيت بعد سااعهه كدة بجد كنت مرهقهه نزلته لقيت ولد سيد الشقهه سلمته عليهو قولته ليهو في بقاله هنا قريبه؟قال لي عايزة شنو في ايوة❤️قولته ليهو امسك ي عسل جيب لي فرشه ومعجون و...وشيل الباقي ماشي؟قال لي حاضر جرى جابهم لي وجا راجع على طول جهزتهه نفسي وطلعتهه مشيت على المستشفى❤️دخلتهه الساعهه كانت 5مساء كدة اثناء م انا داخله كانو في بتين قدامي اتصادمته مع واحدة فيهم في الباب قالت لي بي نهره انتي م بتشوفي😡قولته ليها اسفه اسفه م قصدي والله نزلته رفعته ليها محفظتها الوقعت منها💔اختها جات قالت ليها دينا اتكلمي براحه وبي إسلوب البت م قصدها شي💔قال لي معليش ي بت❤️قولته ليها عادي م حصل شي ي الغلا..بعدها هم مشو وانا مشيت بس لاقاني الحرص وقفني اتكلم معي قال لي انشاءالله امووورك ظبطت؟قولته ليهو ايوة الحمدلله تسلم❤️مشيت طلعتهه فوووق اثناء م انا ماشهه قربته على الغرفه لقيت دكتور طالع من غرفه بابا وجاي بإتجاهي على طول وقفتو سلمته عليهو قولته ليهو حابه اسألك عن صحه المريض الانت طالع من غرفتو دة كيف؟قال لي انتي بتعرفيهو؟قولته ليهو ايوة انا بتو ❤️طبعا عاين لي مسااافه وبإستغرااااااب قال لي انتي بت حاج عبدالله؟قولته ليهو ايوة❤️قال لي والله هو كويس حاليا بس بكره انشاءالله حندخلو عمليه قلب ❤️طبعا قلبي وجعني م كنت متخيله صحتو متدهورهه للدرجهه دي💔قولته ليهو كيف يعني😰😰😱 وهو حيكون بخير بعدها ودموعي جات جاريه💔قال لي ماف شي بخوووف انشاءالله العمليه حتنجح وصحتو حترجع ااااافضل من الأول انت بس ادعو ليهو لأنو البكى م بفيد طلع لي مناديل اداني ليها💔قولته ليهو انت متأكد؟قال لي بنسبه 90%انشاءالله❤️اثناء م انا بتكلم معاهو كدة اسمع ليك تاني صوووت مره ابووي وهي بتقول لي تااااني جيتي الجااابك شنوو هنا؟انتي م بتفهي؟اتلفته عليها وانا مخلوعه💔والدكتور بقى يعاين ليها بإستغراب ومتفاجأ من إسلوبها💔كانو معاها بتين لابسين عبايات واحدة مسكتها قالت ليها في شنو ي أمي؟قالت ليها في العواليق دي جايه تقول انها اختكم بت ابوكم👊❤️😡الدكتور قال ليها لو سمحتي يااااستاذة دي مستشفى اول شي يعني الازعاج ممنوع بالزات في القسم دة نحن عندنا حالات خاااصهه💔قالت ليهو انا مالي ومال الحالات الخاصهه 💔قال ليها اتأكدي لو م وطيتي صوتك وحسنتي إسلوبك انا حأتضطر اطلب من الأمن يطلعوك من هنا💔وعلى طوووول طلع تلفونو واتصل وقال:يااادكتور عمر تعال لي عليك الله ضروري في الطابق الطابق السادس ايوة منتظرك...
#نتلاقى
