بعد م رجعتهه المستشفى اتزكرتهه اني نسيت من جيت م اتصلتهه على ماما وطمنتها اكيد حتكون مقلقهه علي 💔رجعتهه البيت تاااني شلتهه بطاقتي السودانيهه ودخلتها في جوالي واتصلتهه عليها طبعا شااااكلتني قالت لي افتكرتك تتصلي علي اول م تصلي وحالتي خبرتك بكدة 😡قولته ليها مام) رووووقي انا بخييير بس من جيت نزلتهه في المستشفى وبطاقتي كانت في الشنطهه الكبيره دي كل القصهه💔قالت لي طمنيني ابووك كيف هو بخير صحتو كويسه اتكلمتي معاه ولا لا💔سكتته مسااافهه وقعدتهه ابكي💔ماما قالت لي عايزة تجنيني انتي احكي قولي لي ابوك مالو؟حاصل عليهو شنوو؟قولته ليهو هو بخير اتعملت ليهو العمليه اليوووم الصباح❤️قالت لي طيب ليه بتبكي انتي بتكزبي علي صح؟قولته ليها ماما والله م بكزب عليك بس كل القصهه انو انا م اتعودتهه اشوفو بالحاله دي وحواليهو كميه من الأجزة قلبي مقبوووض وواجعني بس م ااااكتر💔قالت لي ي عمرري انتي م بتلحقيني من خووفي عليهو م قادره اركز في شي💔بس ابوووك قوي اكيييد حيقوووم بألف خيييير انتي بس بطلي بكى ❤️قولته ليها حااااضر انشاءالله❤️قالت لي امممم في حد ضايقك او كذاا من اهل ابوك؟سكتته مساااافهه قولته ليها لااا اساسا م مركزة مع حد فيهم💔قالت لي متأكدة؟قولته ليها اكيد ❤️قالت لي طيب رسلي لي اسم الفندق النازله فيهو ورقمو الأرضي علشان لو اتصلتهه وم لقيتك اتصل واتطمن عليك بيهم❤️قولته ليها اممم مام انا م لقيت فندق قريب من المستشفى علشان كدة نزلتهه في شقهه ؟قالت لي بي خلعهه شنوو ؟شقهه؟شهد انتي جنيتي؟عرفتي ليه انا م عايزة اخليك تسافري؟تأجري شقهه وانت بت برااك كيف حتضمني تأمني على نفسك افترضي يجي حراميه او ..قاطعتها قولته ليها مام العماره فاتحهه في المستشفى ومأمنهه ماف شي بخووف وحتى الناس المستأجره منهم طيبانين ماف شي بخوف💔قالت لي انتي بت مجنونه💔قولته ليها وانا بحبك يلا باااي انا رااجعهه المستشفى اتطمن على بابا❤️قالت لي طيب خلي بالك من نفسك واتصلي على وطمنيني عليهو ماشي؟قولته ليها حاضر❤️قالت لي وكمان م تنسي تقفلي باب الشقهه عليك كويس فهمتي ي غبيانتي؟قولته ليها حااااااااضر يلااااااا❤️بعد م قفلت قولته اووووووووووووووووووف من معامله الاطفال دي😥💔رجعتهه المستشفى بابا م صحى من تأثيييير المخدر الا بالليل حوالي الساعهه 10مسا كدة انا كنت واقفهه جنب الغرفهه وكان واقف معي عمر اخوي هو بحاول يتكلم معي بس م عارف يقول شنوو 😂فجأة الممرضهه جات طالعهه من الغرفهه قالت ليهو دكتووور عمر الوالد صحى 😍قال ليها بجد وعلى طووول دخل وانا على طووول دخلتهه وراهو❤️بابا كان ي دوووووب بحرك في يديهو وبفتح في عيونو طبعا انا من الفرحهه بقيت ببكي بجد❤️جا دكتور محمود داخل قال لينا صحى؟عمر قال ليهو ايوة ماشي يفتح شويه شويهه❤️بعد مسااافهه فتح عيونو كانو كلهم واقفين قدامي وانا وراهم❤️بعدها دكتوور محمود مشى عليهو بصلح ليهو في الاجهزة قال لي عمر كل شي تمام❤️وقال ليهو حاج عبدالله حمدلله على السلامهه ياخ❤️طبعا م قادر يتكلم لكن غمض ليهو عيونو ❤️شويه كدة جيت وقفتهه قدام السرير بتاعو طبعا اتخلع وبقى بعاين لي بي لهفهه كدة❤️طبعا عمر اخووي بعااااين لي ساااي عايز يشوووف ردة فعل بابا لما يشوووفني❤️ دكتووور محمود عاااين لي بابا مسااافه ولاحظ لي نظراتو لي بس عرفو م قادر يتكلم ولا قادر يحرك يدو قام قال ليهو عرفتها؟؟بابا غمض ليهو عيونو يعني أيوة❤️على طووول مشيت قعدته جنبو ومسكتهه يدو قولته ليهو حمدلله على سلامتك والحمدلله انك رجعتهه لينا بصحهه وعاافيهه❤️ضغط على يدي شديييد وبقى يحاااول يتكلم معي بطلع الكلام واحدة واحدة قال لي انتي كويسه ودموعو جات جاريه❤️مسحتهه ليهو دموعو قولته ليهو حاليا بقيت بخيييير بعد شوووفتك انت بخييير ❤️قال لي جيتي متين؟دكتوور محمود قاطعو قال ليهو خلينا في المهم اسي انت الحمدلله والعمليه كانت نااجحهه والأهم انو بتك جنبك دي براها نعمهه من السماء عشان كدة اهدأ ورووق اعصابك وم تحااول تتحرك وتجهد نفسك لمن تبلغ الصحهه ولا شنوو ي دكتور عمر؟عمر سرحان بعد مسااافهه قال ليهو ايوة ايوة صح😬❤️دكتور محمود قال لي شهد دي مواعيد راحهه الوالد لأنو محتاج لي راحهه كم يووم كدة ممكن؟قولته ليهو ايوة حااضر❤️بابا قال ليهو خليها❤️دكتور محمود قال ليهو م هو انا لو خليتها حتقضوها ونسه وحتحاول تتحرك عشان كدة افضل اسوقها قدامي😂قولته ليهو طيب تصبح على خير بكره الصباح بدري حتلقاني معاك❤️طلعتهه جا عمر طالع وراي قال لي شهد؟قولته ليهو ايوة❤️قال لي بتنومي وين انتي؟قولته ليهو ههه سبب السؤال شنوو م انا يومي ماشه وجايه قدامك م حصل سألتني السؤال دة ولا يعني خلاص اتأكدته انو انا م بكزب ودة بكون ابوي؟سكت مسااافهه قال لي صراااحهه من ناحيه انو كنت شاكي انك بتكزبي كنت شاااكي جد❤️بس حاليا شكوكي شبه إتمحت الموهم خلينا في الموهم ساكنهه وين انت؟قولته ليهو اممممم مأجره شقهه في الشارع التاني من المستشفى هنا❤️قال لي شقهه😳وبراااك؟قولته ليهو ههه ايوة مالك في شنوو؟قال لي لالا م صح منك كدة معقوله؟قولته ليهو شنو هو الما صح؟😂انا من يووووم م نزلته السودان قاعدة فيها❤️قال لي م كنت عارف افتكرتك عايشهه مع معارفك هنا ولا حاجهه❤️قولته ليهو عااادي ولا يهمك ههه❤️قال لي طيب تعالي معي البيت❤️قولته ليهو شنوو البيت؟😳بيت منو؟قال لي حيكون بيت منوو يعني ؟بيتنا طبعا❤️قولته ليهو هههه لا طبعا شكرا بس انا م حأقدر امشي معاك❤️قال لي ليه بس؟قولته ليهو انت عارف ماف داعي للسؤال الغبي دة❤️قال لي طيب لو م حابهه تنزلي مع ناس بيتنا تعالي انزلي في شقتي ❤️قولته ليهو اممم لا بالجد القصه م كدة بس انا هنا مرتاحه وبعدين الشقهه دي قريبهه من المستشفى وانا كل م حسيت نفسي ماله بنزل بجي المستشفى بشوف بابا❤️قال لي قولتي كدة؟قولته ليهو يب يب❤️قال لي متأكدة؟قولته ليهو أكيييد❤️قال لي طيب تعالي اقدمك طلع معاااي وصلني لغاااايهه قداااام العمااارهه ❤️بعد م وصلنا قال لي البيت قريب❤️قولته ليهو ههه اااايوة جابني ليهو بتاع الأممن القدام المستشفى دة ربي يحفظو❤️قال لي عم حسين قصدك؟قولته ليهو والله م بعرف الموهم م قصر معي❤️قال لي طيب محتاااجهه حاجه؟قولته ليهو لا سلامتك❤️قال لي بالجد م تخجلي؟قولته ليهو چااادة والله❤️قال لي طيب تصبحي على خيير❤️قولته ليهو تلاقي الخيير❤️بعد م مشى انا لفيت خشمي وقولتتهه مششششششم دة مالوو😒😼الصباااح بدررري صحيت جهزته ومشيت المستشفى❤️حديقهه المستشفى كان فيها ورووود فظيييعهه وبكل انواعها على مشيت قعدتهه اقطع منها شلته لي منها كم واحدة كدة جا راجل من الأمن قعد يشاااكل فيني قال لي كيف يعني تقطعي من وروود المستشفى؟اسي كان في بيتكم حتقطعيها في زمتك؟طبعا خجلني بقيت اقول ليهو اسفهه ي عمو والله م قصدي💔 وقفته اداني درس في الاخلااااق كداا ❤️قولته ليهو هاااك اتفضلهم طيب شالهم مني بعد قمته ماشهه قال لي تعالي هنا❤️قولته ليهو ايوة😥قال لي هاااك ليهم مدياني ليهم اعمل بيهم شنوو 😒بعدها مشيت😂👊💔مشيت دخلته الغرفه لقيت بابا وعمر قاعدين مع بعض قولته ليهم صباااحو❤️بابا قال لي صباح الخير على اهل الخيييير❤️قولته ليهو احلى بابا في الدنيا كيفك؟قال لي مبسوووط بي طلتك❤️قولته ليهو وانا اااكتر❤️عاينته لي عمر قولته ليهو كيفك؟قال لي الحمدلله وطبعا بعاين لينا سااي❤️قولته ليهو اتفضلةجايبه ليك وورد❤️قال لي ي سلاااام تسلمي ياخ❤️شلته واحدة اديتها لي عمر قولته ليهو وانت كمان اتفضل انت كمان❤️قال لي تسلمي ياخ ليه معذبهه نفسك❤️قولته ليهو ماف عذاب والله سارقاها من حديقهه المستشفى😸😸😂وبتاع الامن شافني واداني درررس في الاخلاق مدتو نص سااااعهه كاملهه😬😸😸😸😸😂قعدو يضحكو عمر قال لي م قصصر معاك وانتي بالغتي😸😂قولته ليهو شديد يلا❤️عمر قال لي تشربي شنوو؟قولته ليهو قهوة سااادة بحبها انا ❤️قال لي طيب طلع مشى❤️بابا قال لي امك خليتها كيف؟قولته ليهو الحمدلله وهي مقلقه وخايفهه عليك كل شويه تتصل تسألني عليك قبل شويه كانت بتتكلم معي❤️قال لي ربنا يخليها وم نتحرم من سؤالها ي رب❤️سكتت مسااافه قال لي حصلت ليك مشاااكل بعد م جيتي هنا؟قولته ليهو خااالص والله بالعكس احلى ناس بالزات عمر دة وعمتو كمان ااااااحلى زوله في الدنيا❤️عايزة اغير الموضوع قولته ليهو ثواني طلعتهه جوالي واتصلته على ماما مكااالمهه فيديو قولته ليها pooonjoor😍قالت لي بووونچووور حبي كيفك؟قولته ليها عندي ليك مفااااجأة❤️😍قالت لي احكي؟قولته ليها تدفعي كم😸😬قالت لي بطلي غلاسهه👊💔😼قولته ليها طيب طيب واتجهته التلفون على بابا قولته ليها هاااا🙈✋️بابا قال ليها سوسن❤️قالت لت ليهو عبدالله بلهفهه كدة كيفك وكيف صحتك طمني عليك وحمدلله على سلماااتك جد خوووفتنا عليك❤️قال ليها الله يسلمك يااخ م اتحرم منكم انشاءالله ي رب وقدر الله ماشاءالله فعل❤️جيت قولته ليها مام كدة اتطمنتي خلاص؟قالت لي مجنونه الحمدلله❤️قولته ليها طيب نظرات الشوووق الطالعهه منك دي لي بابا ولا لي انا😚😝قعدت تضحك قالت لي بطلي حركات😂قولته ليهو بابا شوووف خدودها إحمررت كيف يختي ي قمييييييله وانتي خچلاااانهه😚😚😚😚😚😸👊💔بابا قعد يضحك قالت لي بطلي سخف وبعدين الضحك للكتيير م كويس مع صحهه ابوووك❤️بنتكلم كدة بس عمر جا داخل وشاااايل القهوووة❤️ قولته ليهو اتفضل❤️امي قالت لينا طيب اقفل انا واخليكم شكلوو معاكم ضيوووف❤️قولته ليها لااا م تقفلي عايزة أعرفك على حد😍قالت لي مين؟قولته ليها انتظري شلته الجوال ومشيت على عمر❤️قولته ليهو عمرر اعرفك دي ماما❤️ماما اعرفك عمر اخووي الكبيير😸قالت ليهو هاااي عمرر كيفك؟قال ليها بسم الله ماشاءالله عليك ي خالتو اهلين انا بخير الحمدلله وانتي😍قالت ليهو الحمدلله في نعمهه❤️قال ليها انتي اختها ولا امها 😬قعدت تضحك قالت ليهو تخيل امها❤️قال ليها خجلان اقول ليك خالتو صرااحه شييينهه في حقي😂😬😸عاينته لي بابا قولته ليهو شااااايف ولدك بستظرف😼قال لي كيف م استظرف وانا شاااايف الزوووق والرقي والجمااال دة كلووو😆😰قولته ليهو لا دة غزل عديل ي منحرف😂😂قال لي حاجهه بالشكل دة😂بابا قال ليهو يااااولد😒😂👊💔قعد يضحك قال ليها حقيقه اتشرفت بمعرفتك وبتمنى تزورينا انشاءالله ❤️قالت ليهو تسسلم ي إبني الله يخليك بعد م قفلت قال لي امك اصغر منك😝قولته ليهو ي شييخ😒قال لي وكمان احلى منك😸😝😂قولته ليهو ي حاج شووووف شغلتك مع ولدك دة😂👊💔جاا قرب على وهمس لي برااحه وقال لي صرااااحهه لقد انبرررشت واتدردقت😸😬قولته ليها باااااباااا😸قال لي خلاص خلاص ي فضييحهه وضربني في راسي😂بابا قال لي خييير قال ليك شنوو الولد دة؟قولته ليهو ولا حاااجهه وقعدنا نضحك فجأة. دكتور محمود جا داخل قال لينا ي سلام ي سلام عساها إبتسااامهه دايمهه❤️قولته ليهو جمعا كدة❤️دكتور محمود قال لي جيتي بدري شكلك؟قولته ليهو من اذان الصبح😸قال لي كزبتي في دي أذان الصبح انا كنت موجود هنا وقعد يضحك ❤️بعد شويه كدة باب الغرفهه دق عمر فتح جو داخلين حبوبه ومرت ابوووي وبناتها الاتنين ومعاها ولدين كدة واحد كبير والتاني تقريبا عمر 17سنه❤️سلمو طبعا سلمو علي حبوبه ومعاها واحدة من اخواتي وبس حتى الأولاد م سلمو علي💔الغرفه بقت مزدحمهه💔عمر قال ليهم تشربو حاجهه ي جماعهه؟حبوبه قالت ليهو ولا شي ي ولدي والله❤️مرت ابووي قالت ليهو انا دي دايره عصييير بس ومويه❤️نفسها مفتووحهه البقرهه😒قال ليها طيب سألهم كلكم كدة؟قالو ليهو لا نحن م عايزين شي،💔قولته ليهو عمرر انتظر انا طالعهه معاك ❤️علشان اغيييظها وافررس كبدتها وانا طالعهه قولته ليهو بابا اناطالعه عايز شي من بره؟طبعا لما قولته بابا كووولهم قعدو يعاينو لي للحظهه حسيتهم حياكلوني بسنااانهم😂👊💔قال لي لا سلامتك ي بتي❤️طلعتهه وقفلته الباب مشينا الكفتريا❤️بعد م جينا طالعين قولته ليهو عمر انت واصل انا طالعه وجايه راجعهه❤️قال لي وين ماشهه تعالي تعالي❤️قولته ليهو راجعهه شويه كدة ❤️هو مشى وانا نزلته تحت جنب المستشفى كان في سوبرماركت مشيت اخدته لي منوو ستته علب شوكلاتهه جلكسي وجيت طالعهه❤️في المدخل اديت عمو الفي الأمن علبه قولته ليهو شيل وادي كل المعاك😍قال لي حمدلله على سلامهه ابوك ي بتي❤️👋قولته ليهو تسسلم ي رب❤️دخلته الاستقبال اديتهم علبه❤️وطلعتهه فوق بالباقي❤️جيت داخله بالعلب كلهم بقو يعاينو لي بس شوفتو لما يشوفوني بتخلعو زي الخلع البعملها المخرج بتاع مسلسل ومن الحب م قتل 😂دكتور محمود بعاين لي وبتبسم ساااي عارفني عايزة اغيظهم بس💔عمر قال لي ي سجم ليه عزبتي روحك 💔قولته ليهوو ماف عزاب طالما بابا رجع لينا بالسلامهع😆😆دكتور محمود قال لي عااااقلهه😸👌❤️فتحته العلب وقعدته افضلهم بديت بالبنات واحدة شالت والتانيه قالت لي شكر😼حبوبه شالت امهم مديت ليها حمرت لي وصرت بي وشها😒😒مشيت منها اديت الاولاد الاتنين واحد شااال والتاني حمرر لي وشوو وصره لي نفس حركهه امو شكلو دة ود امو فلان دة😒مشيت لي عمر قال لي اشيل كم😸قولته ليهو اساسا ماف ليك واتحركتهه منو مشيت لي دكتور محمود قال لي انا حأشيل حقتي وحقت ابووك😂اديتو العلبه كلها قولته ليهو وحقت الدكاتره الدخلو معاك العمليه كمان😂😸قعد يضحك قال ليهم طييب ي جماعهه استأذن انا❤️قولته ليهو وانا كمان طالعه😸قولته ليهو بابا انا طالعهه وانشاءالله بعدين حأجي تاني❤️قال لي طيب الله يرضى عليك ❤️قولته ليهو عمر يلا م اوصيك خلي بالك منوو😚قال لي وانتي خلي بالك من الفي بالي وقعد يضحك😉😂....
#نتلاقى®
