البارت الخامس
#الذاكرة
👇🏻
بقلم # شـهـگةة
طلع حسام للشغل بقيت كاعدة ابجي وادعي ربي
اتخيلوو بيوم تكعدون متذكرون شي ع اهلكم ولا ماضيكم ولا نفسكم احلامكم مستقبلكم
كل شوي اكول معقوله اهلي ماتو بل انفجار معقولة اني بيتي بل كرادة
ربي دخيلك 😭😭😭 والله تعبت ارحمني والله ما اريد اذكر شي بس خل احد يتعرف علية يعرف اهلي 😭✋🏻
سكتت و شفت البيت وصخ 😕 كلت خل التهي بي وين اروح كمت عزلته كلة رجعت كل شغلة لمكان هيج بكيفي 😬 ماعرف مكانهم وين رتبتهم
والملابس بل كاع شلتهم وخليتهم بلغسالة وشغلتهة وغسلت البيت ذبيت بي مي وزاهي وبل فرجة وراهه مي وغسلته كله للحمام فوته ورجعت مسحتة بل وصلة ونظفت المطبخ والبلكونة اجنن ناقصهه ورد 😍
الملابس خلصوا شريتهن ودخلت
فتحت الثلاجة بيهه اشكال اكل 😕😕 شسوي اني كلشي ما اعرف وجعتت 😭
بقيت افتر. شفت تليفون مربوط بل بلازمة اخذته وفتحته بي بس برنامج مال افلام ومسلسلات بقيت اكلب بي شفت قناة طبخ يييي خل اشوف ربطته وكعدت
طلع دا يسوي مقلوبه والمواد
وكفته وكمت شفت المواد جبت من كلشي اثنين بيتنجان بتيتة فلفل اخضر طماطة دجاج تمن معجون كلشي متوفر
بقيت اباوع طريقة شلون 😭😭 قابل اخذ التلفزيون وياية للمطبخ 😂✋🏻
شفت ورقة وقلم اخذته وكام يحجي واكتب واكتب
بعدين صفنت 😳 اني اعرف اكتب يعني دارسة بس بيا صف 😢💔
المهم كمت وسويت المقلوبة وهدرتهه ع طباخ وسويت زلاطة وطلعت روبة وحضرت الميز
كلت من يجي حسام ناكلهه 😋😋 خل افوت اسبح
فتت سبحت واني اسمع باب الشقة راح يتفلش من دك 😳😰
طلعت اركض لبست كوة صحت منوو 😰
حسام / اني حسام عيني
فتحت الباب هلاو اسفةة جنت بلحمام 😢
حسام / شفتهه مبللة وشعرهه ينكط مي انتيهت عليه صفنت كتله يمعودة صار ساعه ادك 😂 وين صايره ادك باب بيتي وافوت
هههه اسفة والله حقك
حسام / بقيت صافن ع نظافة والريحة مال عطر وريحة اكل. اكلج متاكدة هذا بيتي 😯
يييي جنت كاعدة كلت التهي شويه
حسام / والله عاشت ايدج ولا عبالك بيتي هههه وبعدين شنو هاي الريحة انتي طابخة
يي طبخت مقلوبة😋😋😋
حسام / بشرفج عااا صار قرن مماكلهة 😕 وبعدين شلون عرفتي
😁😁✋🏻 شفت تليفون ع بلازمة بي برامج كلبت طلع طبخ وجان دا يسوي مقلوبة وشفت عدنة المواد كلهه وسويتهه
حسام / والله عاشت ايدج معدلة خل اسبح واجي
اوك 😋😋 راح احضر بين متجي
صبيت المقلوبة بصينيه وحضرت مواعين ولبن ومي وزلاطه وخضرة شوية
حسام / اويلي يمة 😍😍 شهل منظر
هههه يلا تفضل
حسام / بقيت اباوع عليهه شلون تتحرك وتصبلي وكل شويه توخر خصله من شعرهه توكع ع وجهه ضوجتهه وشلون كاعده تاكل مثل الطفلة (اووووف ربي شسوي بيهه هسه )
حسام / عاشت ايدج والله كولش طيبة صار هوايه مماكل هيج اكلة طيبة يبست بطني من الاكل الجاهز
الف عافية 😋 اني هم حبيت طبخي عاشت ايدي 😂
حسام / 😂😂😂 خرب راح تنغر علينة
هههه يجوز 😝😝 صدك تدري. اني اعرف اكتب
حسام / شلون عرفتي
من ردت اسوي مقلوبة جان لازم اكتب الطريقة ف اخذت ورقة وقلم وكتبت
حسام / يالله ي زين بلكت شويه شويه تذكرين
ان شاء الله يصير اطلب منك شي 😁😁
حسام / اي تفضلي
اريد كم سندانه بيهه ورد اخليهه بل بالكونة 🌹🌷
حسام / اي تدللين حاضر
شكرا الك 😍
حسام / هسه شلون تبقين هيج بلا اسم
😢😢 مااعرف
حسام / خل اسميج ب اسم ع الاقل اصيحلج بي
شنو اتسميني
حسام / وردة 🌹😋
ههههه هاي شنو صدك عود
حسام / اي والله شبيج ههههه
ماشي يلا اسمي وردة 🤝
حسام / اتشرفت اسمي حسام 🤝
وردة / 😂😂😂😂
حسام / يلا اني راح اناملي ساعة تعبان شويه
وردة / اخذ راحتك.
كمت عدلت البيت وكعدت هففف ملل 😞
اكوم انام احسن
حسام / فزيت ع صوت المنبة ساعة ب5 العصر
كمت البيت هدوء ونظيف وين راحت وردةةة وردةةة بقيت اصيح ماكو 😕😕
وردة / سمعتة يصيح اني بين الغافية وبين الكاعدة كمت
مديت راسي من الغرفة 🙋🏻 اتصيح علية
حسام / هههه ي تعالي عبالي طلعتي
وردة / لا وين اطلع هو اني اندل شي 😢
حسام / هم صح هههه اعذريني بعدني منعس تعالي كعدي
وردة / حسام اني هسه شلون 😞 اريد اعرف اهلي
حسام / والله ما ادري شكلج بس والله ليوم سألت كومه ناس ودكيت اعلان اباب المستشفى وخليت علم يم الاستعلامات اذا احد يسال ع بنية بل انفجار يخابرني
وردة / 😭😭 والله تعبت اني هيج كلشي مااعرف عن حياتي اريد اعرف اهلي بس والله كلشي ما اريد
حسام / كافي فدوة لا تبجين والله مااتحمل اشوف دموع احد
وردة / حسام مو بيدي تعبت والله تعبت
حسام / ( ما تحملت دموعهه جريتهه وحضنتهه وهيه طكت بجي ) كافي فدوة والله اوديج لاهلج بس خل الكاهم
وردة / 😭 ي ي اا انشاء الله
حسام / يلا كافي كومي نطلع
وردة 😢 (رفعت وجهي من حظنة حسيت بفشلة ) هاا وين نروح
حسام / كومي بدلي ومعليج😎😎
وردة / هههه ماشي يلا (كمت ابدل لبست بنطلون كابوي وبدي وباتة يعني سبورت ورفعت شعري عالي فديتني طلعت حاته🤣😍)
حسام / يلا وردة صارلج ساعة
وردة / جيت جيت
حسام / 😳😳😳
