وهو على كل شيء قدير}
"اقرأها على قلبك كل يوم ثم تيّقن بأن
جميع أحلامك .. ليست بعسيرة على الله ❤️
#الذاكرة.
👇🏻👇🏻
بقلم #شهـگـةة
البارت الاول
كعدت وعبالك واحد راكعني براسي كلشي ما اسمع غير صريخ وبجي
فتحت عيوني اشوف بس هوسه وناس تتراكض وناس بلكاع تجري دم وهوسه
كلبي انقبض حيييل 😢💔 اني وين شنو هاي
كمت امشي كوةة رجلية متشيلني باوعت ع نفسي ملابسي مشككةةة وايدي مجروحة وتجري دم
طلعت من الغرفة الي اني بيهة كمت امشي واباوع
هاي شنو اني وين شافني واحد
لزمني تعالي اداويج انتي مجروحة ليش كمتي
اخذني بغرفة وكام يداوي بيدي
كتلةة عفية اني شجابني هنا
كلي مصوبة ب انفجار وجابوج وية الجرحة
كتلةة يا انفجار 😳 ما اذكر شي اني
رفع عينه وباوعلي 😕 جان يكولي انفجار ب منطقة الكرادة اليوم ورة الفطور انتي شنو اسمج
هااا ما ادري
شنو متدرين اكو واحد ميعرف شنو اسمة 😳
ماا ادري والله مدا اذكر شي لا انفجار ولا اسمي
ابقي هنا دقيقة واجيج
لك حسام عرف روحك متابعيني كلشي ممفتهمين 😡👌🏻
😅😅ماشي ماشي
هلاوو ✋🏻✋🏻 اني حسام دكتور بمدينة الطب عمري 35 سنة امي وابويه متوفين وعندي اخ اسمه وسام مقيم برا
واختي حنين مزوجة وعدهه طفلة نرجع للقصه☹️☹️👇🏻
حسام / اليوم صار انفجار بلكرادة الله لا يوفقهم فجروا الناس والعوائل قبل العيد ودخلنه انذار لان الحالات الي وصلت هوايه جرحى وشهداء
نخبصنة دا امشي شفت بنية تمشي ومجروحة اخذتهه داويتهه ومتذكر شي عن الانفجار ولا اسمهه حتى
داويتهه وطلعت واني افكر وية نفسي رحت ع صديقي دكتور احمد خريج دفعتي
حسام / دكتور احمد
احمد / هلا بل غالي
حسام / هلا بيك . اكلك اكو حالة عندي بلطوارىء البنيه سليمة من ناحية الجسم بس مدا تذكر شي
احمد / شلون يعني مدا تذكر اسمهه اهلهه سكنهه
حسام / ابد اكلك ما تذكر حتى الانفجار مستغربة شلون اجت هنا وسالتهه ع اسمهه متعرفه
احمد / وينهه خل احجي وياهه خاف اثر الصدمة مدا تذكر امشي بلا
حسام / دخلنه للغرفة لكيتهه كاعده بتل اوادم والله شايلة سمار يموت فدوة 😍
احمد / انتي شنو اسمج
ماادري 😢
احمد / زين متذكرين شلون جيتي هنا
لا
احمد / انتي جنتي بلكرادة حاولي تتذكرين وية منو جنتي بيتكم وين
كلشي مدا اذكر احس راسي راح ينفجر 😭😭😭
بقلم #شهـگـةة
احمد / تمام كومي ويايه اسويلج اشعة وشويه فحوصات
حسام انت روح شوف شغلك اني راح اخذهه واكلك بلنتيجةة
حسام / ماشي ابو علي اترخص لا تخافين عيوني ان شاء الله مابيج شي
ان شاء الله ☹️☹️
رحت وياه الدكتور الثاني واخذي اشعة وفصحوني وكعدوا يختبروني ويسالوني عن شغلات بعضهم جاوبتهة وبعض كتلهم ما اذكر 😢💔
حسام / ها دكتور احمد بشر
احمد / شوفي انتي حاليا تعانين من فقدان ذاكرة
شنو يعني مراح اذكر اهلي ولا اسمي ولا اني منو 😳😳
احمد / حسب نوع الفقدان يجوز اسبوع وترجع يجوز شهر يجوز سنه ويجوز مترجعلج الذاكرة طول عمرج
لاااا انت شدا تحجي مستحيل انت جذاب كلشي متعرف مستحيل مراح اذكر اهلي
حسام/ اهدي شوي خلينه نفتهم يكلج يجوز ترجع
انت شدا تحجي اني ابقة انتظر ع امل يجوز ترجع
لا عفية لازم اكو حل ساعدوني 😭😭😭😭😭
حسام / اتكطع كلبي عليهه خطية هيه زغيرة بلعمر مبين من شكلهه وهسه لا اهل لا اسم لا هوية
احمد / كولي يالله خلي املج بالله جبير يجوز ترجعلج الذاكرة لا اتئيسين هيج دكتور حسام اترخص اني
حسام / مرخوص دكتور اتفضل .. باوعت عليهه كاعده وتبجي كتلهه كافي بجي كومي ترا مراح يرجع شي اذا بجيتي
شلون اني ابقة هيج شلون اني هسه وين اروح 😭😭
حسام / تبقين هنا لحد ميجي احد يسال عليج اكيد اكو ناس راح تجي ادور عليج وساعتهه تعرفين اهلج منو
صدك 😢😢😢 يعني راح يجون
حسام / ي يجون يلا مسحي دموعج وكومي روحي ارتاحي بل غرفة ولا تنسين جرحج خل يضمدونه الج
ماشي 😢💔
حسام / اكلج صفنت شكلهه بلا هسه 😐 لازم انشوفلج اسم شلون تبقين هيج منعرف شنو نصيحلج ههه
لا عفيةة كلشي لا اسموني اني اريد اعرف اسمي الحقيقي
حسام / ماشي اوك روحي هسه
بقيت افكر بيهه 🤔 خطية الله يعينهه شلون اذا مذكرت شي بعدين صفنت اني ليش افكر بيهه شعلية خل اكوم وراية شغل واليوم خفارة اكيد من وره هل انفجار 😪😪
~ بقيت كاعده ابجي ربي دخيلك فدوه خليني اتذكر اسمي اسم ابويه عنوان اهلي يا رب فدوه شلون ابقة هيج 😢😢😢
بقلم #شهـگه
