احببت شقاوتك

لقاء

ديالى بالقرب من قرية الشوالي

كانت تمشي في طريق المؤدي الى البيت
وهي تنظر في هاتفها
تراسل احدى صديقاتها
تتذمر لان والدها ارغمها على قضاء العطلة
في قرية جدها
سمر : لج رانية والله راح اموت
يعني بابا حيجيب اخرتي
مدا اتحمل اعيش اسبوع اهنا
انوبة اقضي اشهر العطلة كلها
لان جدو يريد بابة يشرف علة المشروع

رانية تراسل : حبيبتي شبيج تبجين
والله قرية جدج تخبل
شبيها الطبيعة
اتمنى لو بابا يسمحلي اجي وياج
بس يوم واحد لج مو كتلج اخطبيني العمج

سمر: ولج شخطبج لعمي
والله تنتحرين ثاني يوم لج عمامي مينجرعون ...والله مادري شلون بابة اخوهم ...دائما يخزرون بية ...ويكولولي البسي حجاب ..عيب اطلعين هيجي....غيري لبسج ... لا تضحكين .. لا تصيحين ...
يوووو لو اتشوفين محاظراتهم
متخلص ابد
رانية  : لج بابة قابلة...
والله اذا عمج الصغير خطبني 
لج حتىً نقاب البس .....
يبووو والج عمج عششق 😍
سمر :😒 عشق بعينج.. ملكيتي غير عمي الصغير.... يبووو عكرررة

لم تنتبه وهي تصطدم برجل من  ضمن ثلاث رجال كانو يتحدثون وكانهم ضائعين

سمر : العمة العمة ...متشوووفون
شبيكم عميان يابة
لو كوة تحبون تصطدمون بالبنات
اردف احد اشبان
مصطفى : هوووب هووب
شلون السان بابة
انتي التصطدمتي بالرجال
انتبهي وانتي تمشين
مو حاطة راسج بالموبايل
وتدعمين بالعالم انوبة ابدال متعتذر 
وفر بيده بأستهزاء
سمرر : هووو اشو انت اخذتني حاصل فاصل
ويريدني اعتذر همات ... بابة احد كللكم سدو الطريق وخر وخر من عابت هل الوجه غمته بيدها وابتعدت 
ضحك الشاب الاخر واردف
ليث : هههه طارت الجبهة دوكف خل نسألهة بلكي تندل  اما الاخير
: اكتفى با الابتسام وهو ينضر لها

ركض خلفها ليث الذي يناديها وهو يضحك

ليث : يبنية يبنية داوكفي شوي ؟؟

التفتت له سمر : ووجع شبيك تصيح

ليث : ههههه شبيج كابة اسمعي هذا المهندس
والمستثمر براين كونر هو اجنبي واحنة ،،

قاطعتة سمر:  اي وشنو يعني
كل متشوف واحد تعرفة علية
وشنو يعني اجنبي اطكلة تحية
هاا اكلك ليش متخلي علة صدرك
لافتة تكتب بي مواصفتة الشخصية
وخر من يمي وخررر
ليث : لاه لاه طارت الجبهة

مصطفى ضل يصفك بادية : لا اله الا الله هاي البنية

حتجيب اخرتنا لج بابة شبيج هيجي السانج طويل شماكلة من الصبح
ا

ردف الشاب الاخير باابتسامه راقية وادب وهو يتحدث بالانكليزية

براين : Excuse me miss we are lost can you help us (اعذرينا انستي نحن ضائعون هل تستطيعين مساعدتنا )
سمر خجلت من تصرفها وذالك لان الرجل تكلم معها بكل احترام وهي كانت تهينه فهمت انهم ضائعين بلعت ريقها : (sorry for the (mistakes with you (اسفة لخطئي معكم )
وجهت وجهة لمصطفى وليث : مجان كلتو من البداية انتو ضايعين شبيكم تحبون تلغون