احببت شقاوتك

قطة مشاكسة

بغداد .. الكرادة
رانية : يلة عامر راح نتاخر ومنوصل من وكت اني مجهزة من زمان بس انت المتاخر

عامر : لاه لاه انتي رانية الكسولة الي متكعد اله الضهر كاعدة من الصبح لا ومجهزة نفسهة من زمان والله وكت مجنت ادري هيجي  اتحبين سمر ومشتاقتلهة

رانية تحرك حواجبهة : لا احب عمها 😍

عامر : شنوو مسمعت زين

رانية: لا هيجي داكولك علمود التصوير اريد اخلصة من وكت 

عامر : هاا مو دااكول رانية الة عدها مصلحة يلة

رانية : يوووه ابو المصالح اله ازوج هناك وبعد

مااخليك تشوفني ضوجتني كلساع تعيرني بشي

عامر : هههههه تزوج 😂 ولج انتي منو يكلبج
ولج باعي علة شكلج بالمراية جنج عليوي ابن جوارينة بهاي كفشتج
رانية :😒 ووجع عود يحشش هاي مو كفشة
هذا شعر كيرلي يالفهيم

عامر : كيرلي بيرلي هنة عطبتين وحايرة شسوين بيهن يله يله عليوي كدامي ع السيارة ورانة طريق ساعتين

رانية : اهووو عاد حيلزكلي بعليوي

ركبو السيارة وانطلقو نحو قرية الشوالي في ديالى

اما هناك فكانت ديما وسمر نائمتين حتى الساعة
الحادية عشر
على غير العادة فمن عادتهن الاستيقاض عند الثامنة

وذالك معتادات على اوقات الدوام ولكن الليلة الفائتة لم يستطعن الاثنان النوم

في اليلة السابقة
ديما كانت تفكر بكلام ليث وان عليها حقا ان تفرغ مابداخلهة فبدأت دموعها تجري
: اي لازم احجي لاحد والا احس روحي راح تخنكني بس شون اخاف اذا حجيت راح ترجع تنفتح جروحاتيً واني مصدكت خيطتهة

ما اعتقد اكو احد يكدر يداوي جرح مينشاف
بس هذا الولد هم عدة قصة حزينة اكيد
نامت هي دمعته بعينهة

سمر ضلت تفكر بتلك القبلة المفاجأة تاره تضحك وتتلمس شفتيها وتاره تغضب وتلعنه
: اووف يابة شلوون قبلة الة ذبت جوة ايدة فدووة ... لا شنو فدوة هل الادبسز الطايح الحظ المنحرف بس لا يعيدهة والله اذبحة شايفني من ذني الدايحات الي ابلدة لا والله الا اوكفة عند حدة(صفنت ).. شوكفة عند حدة اصلا بعد مااكدر ارفع راسي الة من الخجل
يبووو شبية اني
خلي انام احسلي ،،،،نامت وهي تحلم بالذي حدث

وفي ناحية اخرى من القصر
مصطفى كان ممدا على ظهرة فوق السرير واضع
احدى يديه على رأسه
يفكر بتلك الفتاه ذات العيون الزرقاء:
ياربي ليش هاي البنيه هيجي شاغلة بالي اني يامة ويامة شايف بنات حلوت واحلى منها بعد بس يجوز لان خرسة طبعت ابالي او يجوز لان اني عاملتهة بعصبية ونرفزة حسيت غلطت بحقهة
بس هية الي بدت يله اذا باجر شفتهة احاول اصلح الموقف وياها