احببت شقاوتك

صداقة

دخلت تركض في منزلها فوجدت فاطمة في منزلها ارتمت باحضانها وبدأت بالبكاء

فاطمة : حبيبتي شبيج عيون خالتج انتي
ليش هالعيون الحلوة تبجي والله حرام

لم تجبها ولكنها استمرت في البكاء وهي تحتضن خالتها فاطمة فهي دوما كانت الناصحه لها رفعتها فاطمة من حضنها ومسحت عينيها بيدها

: يلة  خبريني شبيج منو وياج منو مبجي هاي العيون الحلوة حبيبتي

اشارت لها بلاشيء فهي لاتستطيع الكلام وايضا لن تستطيع الشرح لهم مهما حاولت
فتكلمت والدتها بالنيابه عنها
: عيني ام ديما هي لابد ومشتاقتلج تدرين بيها شكد تعزج هالبنيه والله انتي الوحيدة الي دائما تشتاقهلة ،،،

سكتت فاطمة وهي تنضر بعينان فاتن والتفت الى والده فاتن
: والله تعرفين اني شكد احبهة لفتونة معزته من معزت بناتي ديما وسمر لذالك  حبيت اخذهة وياية للبيت من ارجع البغداد
احاول اعرضهة على طبيب مختص بلكي نكدر نعالجهة هناك احسن
والدة فاتن : والله يا ام ديما اني ماعدي اشكال تاخذيهة بس تدرين هية الوحيدة الي تساعدني وخواته اصغيرات مو كد الحمل يعني اذا تاخذية منو يساعدني بعد

فاطمة : شلون يعني نعوف هيجي البنية ضايعة لاهي تحجي ولاهي خرسة يا ام فاتن البنية ترة مو خرسة انتي تدرين كبل شلون جانت أطرشنة بحجيهة وشلون ام السان مثل بتي سمر بس هي مرت بصدمة ولازم تتعالج يعني الى متى اتضل هيجي متكدر تعبر عني البنفسهة ،،،

سكتت والدة فاتن وصفنت بوجه ابنتها البريء فتنهدت تنهيده عميقة واحست بالذنب لانها لم تعالجها من البداية فقد تركتها بالزمن بحجة انها تتاقلم ثم تنسى ولكن ما الفائدة وقد مرت عشر سنين وهي على حالها للان

: الي تشوفينة ام ديما سوية كافي مابية حيل اشيل ذنبهة للبنية الي صار قضاء وقدر والحي اولى من الميت الي تريدي سوي

فاطمة : ولا يهمج بس نرجع البغداد اخذهة ويانا واعرضة على افضل اطباء مختصين احنا شعدنة غير فتونة لتخافين عليهة اني وعبدالله نحطهة بعيونة

ام فاتن : لا ليش اخاف  وين الكة مثلكم انتي وابو ديما كافي انتو اهل ومن عائلة السيد رامز الي لليوم كرمة مغرقنة

فاطمة : ان شاء الله

في داخل منزل الجد
دخلت رانية للبيت محمرة الوجنتين صعدت مباشرة الى غرفة سمر وجلست على السرير تقلب بالصور التي التقطتهم له وهي تبتسم
فدخلت كالعاصفة تهرول اليها فوقفت امامها ووضعت يدها على خاصرتها وتهز احدى قدميها رفعت حواجبها

: اي ست رانية ممكن اعرف انتي ليش رجعتي للبيت وتركتيني وحدي بالمزرعة هااا ولج اني مو علمودج رحت

رفعت نضرها رانيه لمستوى سمر فضحكت

: اي ست سمر اني رجعت لان شفتج ممعتازه رفقتي