كملت اكل ورحت للمحل دااغسل الباب والشارع كالعاده طلع حسن لحد الان ممبرد كلبه ومسممني بحجايه
من طلع طبيت للمحل لحكني حضي المصخم
ها حسين
ها خويه
عدك رشاش منضف مال دشبوك داامشح دشبول السياره
لا والله ماعدي
لعد شعدك متكولي لو تعزل وتبيع جكاير بالتقاطع هم احسن
رفعت راسي باوعتله كام يهز بايده مستهزا كلشي محجيت بس اختنكت طلع منا اجتي ملك منا
ملك- سمعت الولد من كله هيج اكيد هذا حسن الحجتلي عنه رحيق دائما مستصغره انقهرت عليه طبيت من راح اشتري وبدربه يصبح رحيق من طبيت جان صافن على اخو من شافني دار وجهه تحسر ورجع باوعلي حسيت لبس غير قناع
حسين- ها ملك كلتها وبعد العصره بكلبي صباح الخير
ملك- هلو اريد شسمه نستله وعصير
حسين- بعيني تفضلي اختاري تنهدت
ملك- على ذوقك ردت اغير مزاجه شويه
حسين- ابتسمت مباوعتلها اخذت النستله والعصير ونطيتهيا هاي كلش طيب
ملك- بيش
خليها عليه هالمره
لا ماريد لعد
لا جيبي 750
هاك بس عفيه تصيح رجيق
اي هسه --- يله رحيق
جيت جتي ملك
اي اي يله تاخرتي البنيه تنتضر
ملك- عوفها براحتها
حسين- باوعتلها ابتسمت بقيت اباوع عليها مبتسم مااعرف شون احفظ بملامحها هي ترفع راسها تباوع بعيني وتنصي بقيت اباوع عليها انتبهت دكمه قميصها مفتوحه درت وجهي مااعرف ليش ماريد اباوع عليها بحرام احس حرامات ادنس براءتها جتي رحيق
رحيق- حسون اريد نستلتي
- هاج هيانها باعي شاورتها -- هاي دكمتها مفتوحه صدرها مبين
- عزه بعيني همست اوك يله باي
ملك- شفتها شاورها طلعت ضجت شون سوالف
رحيق- يله ملوكه تقربت منها سديت دكمتها ابتسم
ملك- خليت ايدي على وجهي علمود هالشي شاورج اخوج
رحيق- يس بيبي
ملك- عزه بعيني هسه ليش تنفتح هالدكمه
رحيق- صدرج جبير هههه
ملك- انجبي لج ضربتها انداريت شفت حسين يضحك
نصيت ورحت فشله والنبي
حسين- يمه صدكه لمحمد هي لمحه بس ضوه مو بياض باوعتلها من الحام خانه تسولف وي اختي وتضحك ضحكت رفعت راسها صارت عيني بعينها ابتسمت ونصت درت وجهي خجلت نستني مغثه حسن اخ كلبي راحو وكعدت ابيع ---
ها حسين شونك عدك بيض
اي عدي كمت عالطبقه دااخليله كم وحده تريد
لا هيج بس دااسال
ها والله يابه
زين عدك تايت
والله اخاف اكولك عدي
دنطيني جلافه هسه وبعدين اريد تايت وبيض
عمي داخذ على حسابي
صددك
لا بالعباس اتشاقه
ههههه لتشاقه هيج شقه تره تتورط
التوبه
شونك يمه حسين هاي هريسه مال ثواب
يا الله انشاء الله واصل خاله هسه غير يجيبون هاشوكه ويا فتت جبت هاشوكه وطلعت كعدت اكل شو بيها دبس اييع استغفر الله واني شون جان عاجبني هاج يوم هاي شون هريسه تخبل
ولك هاي شنو جاب قوطيه الدبس بيها
لا يمعوده همه جايبيها هيج مدري شونها
كلمن وطبخه بعد
طلعت عالمحل رجعت طلعت الصونده وكعدت اغسل الشارع وانضف المحل
عمو طيني جبس
اخذ عمو
اريد من هذا
لا هذا غالي يمعود وهذا ربعك اني راح اصرف عليه لاسص ب500
لا اريد من هذا ابو القوطيه
ولك عزه كام يبجي كلبها للدنيا كلب صياح وبجي وارييييد من هذا
باوع باوع شوف ذاك المحل يبيع من هذا الجبس واكبر منه بربع
وليش متبيع انت هيج لعد
اني حقير كام من الكع نفض هدومه وغمني وراح عمي رحمه الله والديك خرب حضي صرت ملطشه ضليت انتضر لل 11ونص رحت تسوكت كالعاده ورجعت للمحل رابت الغراض وكلبي يدك سريع وكت رجعتهم من المدرسه كملت ركض ركض حتى يا هو اليجي يشتري ركض انطي واشحته حتى يبرد المحل وتطب بي ولو بس لشوفها سديت الباب وكفت كدام المرايه عدلت شعري باه هذا هم لبس ركضت لبست البرموده والتيشرت ورجعت وكفت كدام المرايه تعطرت كتفت ايدي ضليت واكف واخيرا فاتو للفرع توهم فاتو مشت من يمهم سياره شفتها صعدت بالسياره كلبي وكف منو هذا رحيق نصت وسرعت مشيتها وصلتلي السياره قبل رحيق وكف يمي اني حتى النفس انكطع كلت انعلست نزل جامه السياره --- السلام
عليكم هلوو مرحبا باوعتلها كاعده بالصدر باوعتلي ونصت
خويه عدك صاص وببسي رحمه لوالديك مستعجل
اي بعيني بقه كاعد بالسياره ورحت اني جبتهن اله ونطيته حاسبني مدرت بال للقيمه وللاخلاق وعيب اني اجيبها الع وهو يبقى كاعد علمودها من تقربت من وجه الولد شفته نفس عيونها ودورت وجهه وبياضها اخوها برد كلبي طيته الببسي والصاص حاسبني وكتله خليها
لا تسلم
طلع ضليت اباوع عالسياره افيو اخر موديل وصلت رحيق
ها لج هذا منو
اخوها صخونه شكد حقنه
ليش
يمعود شايف روحه هو ولا غيره وهو سطله مال زبل اللي نخليها بالحمام ماكو هي هاي
لا بربج هالحد
يمعود شراب وهو الوحيد من اخوتها اللي يضربها
جوووذب يشررب لا تنكسر ايده بلله هاي تنضرب صرت اعصاب
خويه هدي روحك عيونك فضحتك ابتسمت
انجبي لج امشي فوتي بعد عليه رحيق فاتت واباوع على روحي هالكشخه المن بله يله لحسن حتى من يرزل يرزل بواحد مكشخ هه طبيت للبيت تغديت والعصر طلعت كملت شغل كلش عادي فات اليوم وباليل اويلاه عالليل وسوالفه ضل شكلها ببالي اني خبره بالحاسبه طلعت اللاب توب وكعدت ارسمها من خلال اختيار ملامح الوجه اي عاي مثل عيونها وهاي مثل خشمها وهاي فدوه لشفافها تشبهه حاجبها نوعا ما هذا ممم بعد كالت رحيق شعري جوزي وطويل نكول مثل هذا وهالبياض اوك شو الله بس هي احلى خليت اللاب توب بصفي تمددت صفح صافن شكلها
ملك- حرامات محجيت ويا يله باجر كملت دراسه ونمت الصبح طلعت رحتلهم وكفت يم محلله جان ديرش الشارع ريحته واصله لراس الفرع من وصلت سوه نفسه مداير بال بس ضام الضحكه --- السلام عليكم
عليكم السلام هلو ملك تنهدت باوعتلها شو اليوم لابسه اسود خيرج
مو وفاه الامام
اي والله صح بهالمناسبه متشترين شي نشتريلج شي ابتسمت غمزتلها
نصت راسها ايداريد مثل النستله والعصير مال البارحه
اي صار فاتت للمحل ورايه نطيتها من دتاخذها تلامست اصابعنا بالغلط هديتها وهي هم هدتها وكعت بالكع جسمي كله رجف درت وجهي تنهدت رجعت درت وجهي علبها شفتها منصيه اخذت الغراض من الكع خليتها بجيس وخليتها عالميز ضجت من نفسي طلعت رحيق وراحو للمدرسه وبوكت الرجعه كالهاده ضليت انتضر وكلبي يدك سريع اجتي رحيق وهي طلعت كبل مطبت اصلا ركضت قفلت الباب ومشيت وراها ضلت تلتفت اخر شي لمحتني ضحكت ونصيت عضيت شفتي خجلت
ملك- والاه عرفت انت ليش هيج تسوي مو عيب
حسبن- يبت الناس جيت يمج حجيت وياج كل ماهنالك الشارع يصفر مشيت وراج خاف احد يتعرضلج
ملك/ باوعت بعينه صافنه همست شكرا وانداريت وصلت للبيت باوعتله وفتحت الباب وفتت كلبي حيوكفف يمه يخاف عليه جريت نفس مرتاحه مااعرف شنو بي جذبني صدقه سوالفه التضحك
أنت تقرأ
تصفيه حساب
Romanceقصه للكاتبه المتألقه مريم السعدي ميحتاج احجي عن لروايه اكيد حلوووه كل رواياته
