تصفيه حساب

بارت 6

باجر عطله وراها هم عطله  يومين ماشوفها شون شسوي مجرد تفكيري بيها يخليني اشتاق فتحت اللاب توب اباوع للصوره السويتها فديت خدودج اوف ربي الليل صار شطوله عليه لحد يحشش ويكول شطوله مال مي مالي خلك تحشيش هسه نمت وصورتها تناغي مخيلتي بعذاب اتمنى اسمع صوتها بالتلفون احاجيها اضحكها احاجيها ليش ماحاجيها كمزت ليش ماحاجيها اني غير غبي يالكعبه كمزت من فراشي لغرفه رحيق دكيت الباب نايمه طبعا مثلك لعد ساعه وحده طبيت واخذت فونها وطلعت ادور على رقمها --- ملك ملك ملك ملك شنو وينه هاذ هو اوي عيني كاتبته بالانكليزي انتي عربي موه تحجين تم حلك حفضت الرقم ونزلت حفضته بجهازي مو مال ادك هسه زحمه زين بس اسمع صوتها هي ونايمه خاف يم اخوها وتنعلس يابه بس اسمع الالو حموت -- دكيت ---دك دك دك اخر شي ردت --- الو صوتها جان مال وحده مكتوله مو بس نايمه بقيت ساكت الو منو الو
الو رديت بالكوه غمضت عيني بقوه متندم
الو تفضل احمم
الو ملك
حسين
اي عزه بعيني عرفتني
شكو تريد شي
اااا لا بس ردت اسمع صوتج
صدك تحجي بيش ساعه هسه
ب1 وادري مهازي ومااستحي بس متحملت
ليش شردت مني
اا هيج بس ردت اسمع صوتج
وهسه سمعته بعد شنو تريد
هاهي تنهدت تصبحين على خير
وانت من اهله اااحسين
نعم همست غمضت عيني
حتخابر مره لخ
كيفج اذا تردين اخابر دائما
كيفك
اني اريد بس انتي خاف تضوجين
سوي اللي يعجبك
اريد احاجيج هسه باجر مو عدج عطله
اساسا النومه راحت
ههه اسف
لا عادي كعدت عدل عدل شعري
مم شونج
الحمد لله
ليش ردت تحاجيني
والله مااعرف شحجي اني ممحاجي وحده قبل بس عجبني احاجيج ومتحملت لحد ميطلع باجر
ههه
حلو تضحكين
انت هواي تضحك
وانتي هواي تنحبين كلتها وتورطت
-سكتت كلبي دك سريع بقينا ساكتين
ملك همست
نعم
-اني معجب بيج واريد اسولف وياج دائما بس مو هالوكت هاف اخوتج يحسون بس طيني يوميه من وكتج فد ربع ساعه وخليها بيناتنا ماريد حتى رحيق تعرف
-اوك
- يله تصبحين على خير باجر ب2الضهر اخابرج يناسبج
- اي اوك تنهدت تصبح على خير
- وانتي من اهله سديته واكمز مثل الخبل عالجربايه حياتي كلها منفكر ببنيه عمري 25سنه وعقلي مال18كضيتها شغل بالمحل ومجان عدي واهس بدراسه ابد وهسه احس اشتغل ضوه بحياتي حسيتها نورت وكمت اعرف امشي  صح ولو اني ماعدي زايده ناقصه جار عدل حتى جكاير ماادخن  بقه بس الله يوفقني واتزوج اباوع عالغرفه شيرادلها صح جنها كن بس مرتبه ينراد صبغ والفيكات مال ثريات مثريات والشباك اصلحه اشد سبلت بيها بمكان المبرده طارت المليونين بعرضي تبقى غرفه النوم بالقليل 3 اكول لامي تدايني وراها ارجعها شوي شوي بس منين واني دخليتي ميه ميتين من المحل شون يربي صدك لو كال حسن مخبله التقبل بيك نمت شوي محتصر كعدت وي الاذان كمت صليت واندعيت لاول مره اندعي لنفسي يارب توفيقك البنيه رايدها حلالي تصير قدوني ماقصر بشي وتصير قسمتي كمت عالمحل باب رزقي هذا بعد لازم الزمه اكثر فجريه والدنيا توها تجهجر ويطلع ضوه الشمس طبك بالباب واحد طاك للستار طب سللم مااعرف منو مو من المنطقه اساسا ش---هله عيني تفضل
والله رليد كارت
اي تدلل انت منا
اني اي بس ممتواجد بالمنطقه دائم السفر هنا بيتنا كدامكم
بيت ام اكرم
ها انت اخو اكرم
ها لا ههه امي ابنه الجبير
يا ماشاء الله  عبالي اخو ماشاء الله
اول مره اشوفك مفتح الفجر
اي والله مجاني نوم
ممم خلي اذا متصير زحمه عليك
اي صار بيدي التلفون مالته ودك مكتوب اسهم باوعتله ديدك بس مخلي صامت
ها العفو
رد علمتصل بي --- الوو
ها بشر
خير انشاء الله نسبتك موجوده ماناسيك شكد صعدت اووووو متوقعت والله  الحمد لله طكينا
-------
كلهذا واني صافن عليه شنو الفلم مااعرف طاني التلفون --اليوم صبحت بوجهك وجهك خير عليه
الله يسلمك خويه الله يوفقك شتشتغل انت
بالاسهم اذا تعرفها
شون يعني
يعني اشتري اسهم مثلا بمليون اذا صعدت اربح خمسه او اكثر
لا بربك زين هاي حلال حرام
لا حلال احنا هم نستحرم تره بس تجاره ربح وخساره مره خسرت 5اني
ها هيج
اي اذا عدك مبلغ كول ولو 500شارك بيه واذا زادت انطيك ارباحك
ضليت اتصفن لا يمعود مو كد هالشغل اني موفق انشاء الله
زين هذا رقمي باوعتله بثقه اعرف حيرجع عليه اني حسام اذا ردت شوكت متريد اتصل واني حاضر
ماشي رحمه الله والديك اخذت الوقم ضليت صافن سيارته بي ام x5ومبين طالع يسافر واني اكول بيت ام اكرم شطككهم على غفله السالفه فرت دماغي فر بقيت كاعد كلسا اتذكر الكاله الي شسوه بيه هذا بقيت مفتح لل10دك بيه الجوع طبيت سويت لفه جبن ورجعت طلعت كملت بيع بذاك اليوم ياهو الطب وسالني كللي شبيك اليوم مدلغم وضايج واني اساسا مااعرف شبيه  منا سالفه الولد منا ملك صارت ب11 كمت الوب شيصيرها ب2 كوه صارت ب1 ونص بعد متحملت دكيتلها
الو
هلو شونك
الحمد لله
بيش ساعه موعدنا
الله صار موعد تنهدت تمددت بفراشي ب2
اي بعدها مصايره
اي مو متحملت
ههه ماشي
اروح عمي
لالا هاهي
ممم شونج
الحمد لله انت شونك
اني هم الحمد لله بقينا نسولف واخذنا الوكت يا ربع ساعه يا اخبارها نسيت روحي ونست روحها  لل5صاحت امي حسسين متفتح لعد
ساعه بيش ملك
ب5عزه بعيني احنا مو كلنا ربع ساعه
والله اخذني الوكت ملك محسيت بالوكت وياج
ولا اني
كلش ارتاحيت بالحجي وياج
اني هم والله
ماشي حروح وافتح شوكت اخابر تردين تدكي واني اخابر
ماشي بيباي
هلاو الله وياج سكتت وهي هم سكتت ها متسدي
لازانت سده
هههه يله باي سديته وخليته على كلبي اااااااخ يمه
ام حسن- ها يمه شبيك
حسين- مو يمج مو يمج ههههههه جان حجينا تحشيش مواقف على اهلها على اهلي اخوتها اخويه الشفيه رحيق اكها امي منوع بس كلش لكيت نفسي بين سوالفها حسيتها قريبه
ملك- متوقعت راح امون هلكد عليه شون قريب حسيته متوقعت هيج