تصفيه حساب

بارت 12

مر اسبوع وخابرت بعد كم يوم يعرس حسن يحضر مكيف واني كاعد بضيمي واروح اروح وارجع عال12 مليون مره افكر اشتري بيها سياره مره افكر اسافر بيها  وارجع اكول يابه هاي انكتلت الفلوس راحت لو ادري ماخذها وساكت اووو اصلا اني ممستنضفها احسها بالغش ممقتنع فلوس تجي من البلاش واني كاعد بالهول صرت جدا هادىء مااريد احجي ابد ميعجبني تجي امي تسولف وتسولف كلشي ماجاوب تشاقه وتضحك اني بس صافن عليها احس روحي صرت سم على حاله 
رحيق- حسين حسين
ها رحيق تعاي حاجيتها ببرود ماانسه الكالته ابد مااكدر انسه
حباب اريد اشتري ثوب للعرس
اي وشتردين
اي متجي ويايه
روحي على اخوج ماعدي احاجيها وماباوع عليها
ماعدك همست
اي اني منيلي روحي لحسن عده
ماشي كلتها صافنه عليها احسه متغير وين حسين اللي مرفضلي طلب فد يوم رحت لحسن طاني وزحت اشتريت ابن خالتي اموت عليه يعجبني كلش وهو هم يباوعلي ومبتسم احسه يحبني بس ماعده يتزوج هسه لان بعده ممتخرج يتخرج يله يتقدم اخته كلتلي واني منتضرته   
حسين- تزوج حسن كان عرس كلش حلو وومميز وراقي ملك مجتي للعرس ومخابرت من اخر رساله رجعنا من العرس ونمت اصلا مدانام بس اتكلب وافكر بيها جسمها كمت اتخيله بيدي كمت اتخيل روحي نايم وياها كمت اشتهيها بحضني دك تلفوني --- مااعرف منو الوو
الو ابو علاوي
منو
حسام حسام
هلو حسام شونك كعدت عدل ها بشر
والله خويه صارت 8
ها يله حكيت راسي
ها ارجع ادخلها لو تريدها
ها لا بله شتكول انت
اني والله مخلي عيني على اسهم بيها طكه للستار بس ها مثل مكتلك ماواعدك
اوك اعتبرها فلوسك وتصرف بمصلحتي فدوه
ماشي الله وياك
هلاو خويه ذبيته ووصلت رساله شكو اليوم
شوكت الزفه اريد اخلص متاخره عليه خاف خامل حموت خوف
ضحكت بداخلي وجاوبتها ممم الخميس حجزت البدله مال زفه والحنه كلشي جاهز حتى الصالون  الثلاثاء تجيج امي وتاخذج للصالون واي شي تحتاجين راسلي رحيق تفتهمج وتفتهميها
ماشي رديت وذبيت التلفون غطيت راسي وضليت ابجي احس بثكل بلساني صار واحس الهوا ثكيل من يدخل ويطلع من ريتي تعبانه وبس انام كطعت الاكل وبس مي وكل ميسالوني اكلهم اكلت اجتي امه الثلاثاء سويت وجهي عاتبتني وكالت ليش ضعفانه وليش متجينا ساكته ماارد بس ماما كلتلها مريضه  صار اسبوع تحضرت ورحنا صالون تمكيجت واني مقبوض كلبي حتى حب مبقى بي صدك حرتبط بهالانسان ماما كلش هافت عليه وبابا هم ضللو يحاجوني واخوتي هم ضللو يسولفون كسرت الحو ضحكت وسولفت بس بعدها بصعوبه بابا من شافني احجي بثكل كللي لازم اوديج دكتور بابا مقبلت خفت لا يعرف كلشي جاوبته كتله بابا مال صخونه  رجعت اكل والاربعاء صارت الحنه ولبست بدله حمره كلش حلو اجروها وتسريحه سويت شعري طلعت كلش حلوه بس مو بيدي مقبوض كلبي كارهه كلشي  رحيق اجتي يمي ركصت وهند مرت حسن  طالعه تخبل بس اني شكلي احلى منها ركصو وغنو كومه وامه هم واني ضحكه مااكدر اضحك امي تكوللهم صارلها سبوع مريضه لان حتفاركنا يمه الله يخليج براس الفرع بيتنا انتي وين واني وين  والله تضحك كملت الحفله وسمعنا مزايق وهوسه كالو الولد اجه يحني البنيه باوعت لرحيق --- شو مزايق غير بالزفه
رحيق- صديقه حسام جايبله مزايق كلسا داكين فرحان بي
ههههه
طب حسين جان طالع مرتب وجهه مثل وجهي ماكو فرح ضاعت من وجوهنا الفرحه كرهته مااعرف شون حبيته
حسين- من شفتها تذكرت من عريتها طببوني وجتي امها وامي حنونه واخذت اصبعي حنيتها باوعت بعينها دمعت ونصت مفرحان ولاهي فرحانه كانما اشتريت بزونه وراح احبسها هيج جان احساسي وهالبرونه اكلت طيري واني حاقد عليها حبستها بقفص هيج جنت احس  نضراتها المدمعه ونضراتي الحاقده حسو بيها الموجودين
ام جسين- يمه حسون كوم ركص عروستك باوعها جنها كمر
ملك- تنهدت نزلت عيني صارت علىً مرت حسن شو هاي عاوجه حلكها مهتميت
حسين- صدك طالعه كمر بس كمر حزين مكياجها الها دىء مزيدها نزاكه بس مو هاي الحبيتها ولا اني اني تغيرنا بيوم وليله دمرتني وراح ادمرها  طلعت وثاني يوم  الزفه حسام زين سيارته وكفلي الولد خوش وكفه حتى فندق حجزلي بالحمراء  وزفنا بسيارته صار عدي صديق حسن جان يراقب من بعيد  بس نضراته مااعرف ممزوجه شوي حقد شوي غيره شوي خوف دخلت لبيتهم من شفتها باللبيض رجفت روحي بريئه بعدج احسها مذبوحه وكارهتني وكفت يمها ابوها ضل يتوسل بيه ادير بالي عليه عيونه غركانه دمع انتبهت ابن خالتي علي يباوع لرحيق ورحيق تبتسم خزرها زفه وكلها شباب وكفت وراه زفه وهوسه وانتبهت غار عليها  من عيون الشباب  لزمت ايدها واخذتها تشكرت من عمي حسب الاصول وكعدنا بالسياره
حسام- باوعت لاخته تخبل بس طولها بمره كعدنا بالسياره --- ها ابو علاوي للمصور
حسين- لا ميحتاج همست جرت ايدها بهداوه ودارت وجهه عالشباك باوعتلها ودرت وجهي يباوعني حسام من الجامه ويبتسم ضحكتله
ملك- احساس مستحيل اعيشه تعذبت عذاب مصاير  ومن اخذني واسمع بابا متوسل بي عرفت قرار الاخذته صح شنو ذنب بابا خطيه يتورط بوحده مكطوعه مهر تكععد على كلبه ومنو يقبل بيه وره الصار يجوز وره فتره من زواجي اتطلك منه واخلللص وصلنا الفندق فتنا وراح الولد ابو السياره وفتنا للغرفه باوعلي ودار وجهه
خسين- نزعت البركع وفاتت باوعتلها --- اخذي راحتج كملت التمثيليه
ملك- نصيت راسي وفتت للحمام بدلت وغسلت ونزعت التسريحه وطلعت لبست تراكسود ستن من طلعت شفته كاعد على حافه الجر بايه ونازع قميصه باقي بالشورت
حسين-كعدت عالميز اكل باوعتلها اذا تردين اكل هذا باوعتلها رجعت مثل مجانت بريئه ماكو مكياج شعرها نازل لنهايه ضهرها ومي وستن اللي ببجامتها تخيلت نعومته جوه ايدي تملخ درت عيني طلعت من خيالي

ملك- هزيت واسي لا
حسين- نصيت عالاكل خطيه حسام حاير شجايب مشويات اكلت ولفيته وخليته بالثلاجه وكمت غسلت وسبحت كتلني العرك جيت لكيتها نايمه عالحافه طبيت جوه الفراش جامده بمكانها مااعرف شصار بيه من نمت يمها ضهرها عليه شعرها لزمت طرفه ولعبت بي متحس عليه شميت شعرها  تقربت منها مديت راسي على ركبتها بهداوه فزت ابتعدت ركض وكفت اشرت باصبعها 
ملك- دددير بباال--لك تلزز-- مني
حسين- شبيج تحجين هيج كعدت عدل عكدت حاجبي ابتعدت خطوه وكفت يم الجربايه صافن عليها ملك شبي حسج ليش كوه تحجين تقربت اكثر
ملك- لتت-- ق- رب مني
حسين- غمضت عيني رفعت راسي ليفوك رجعت باوعتلها ليش دتكطعين همست ملك شبيج احجي
ملك- م-- اعرف لزمت التلفون مدااكدر احجي وخصوصا من انفعلت راح فد مره دزيتله رساله اذا اقترب اكتل روحي
حسين- شفتها اخذت الفون ودزت رسلله دك فوني عرفت الي رحت قريتها صافن مدااستوعب -- جاوبتها ماشي بس ليش هيج تحجين
مااعرف
شنو مااعرف من شوكت اكتب واباوعلها راسي افتر
من اذيتني صخنت وثكل لساني
كعدت باوعتلها فركت وجهي بايدي عضيت اصبعي منصي رفعت تضري كعدت بالزويه وهلت راسها بحضنها
----تعاي نامي ماتقرب منج
كك--ذاب
وداعت الحان بيناتنا باوعتلها ونصيت رحت نمت بصفحتي وهي جتي بصفحتها كعدنا ثاني يوم ب11 رجعنا لبيت اهلي وحسام اجه رمى بالشارع وذبح خروف محد وكف ويايه هالوكفه اشياء بسيطه بس ماعدي تكلفتها
حسام- ذهب حسون وميدور ويايه الشتغلت بفلوسهم هبلوني حسيوني اني حرامي ومتفهمو الشغله الولد ماعده بس نفسه شبعانه مشايف عيج شي يعني لو اني منه اخذ الفلوس اسوي احسن عرس بيها بس هو مااعرف شنومنعه نفسه كلش شبعانه حبيته حيل وردت اقترب منه رغم ماعده بس احترمته كلش