ليس حبيبي بل ابي

❤️البارت الاول❤️

صحت ليلي من الصباح الليله اول يوم ليها في الجامعه ..مبسوطه وخايفه في نفس الوقت.. حتقابل ناس جديده وعالم جديد ❤️

(ليلي بت طيوبه وقلبها ابيض... ساكنه في شقه مع امها وخالتها ابوها منفصل من امها من قبل م تتولد ومن مااتولدت ماعندها غير امها❤️ بتحبها اكتر من نفسها بالنسبه ليها اول حاجه في حياتها امها وبعدين صحباتها واصحابها المعاها من الاساس ...ليلي حاولت كتير تتقرب من ابوها وتمشي ليهو بس كان راجل قاسي ومفتري وعذبها واكتشفت انو عذب امها زمان برضو وامها ما حكت ليها بس عشان ماتكره ابوها بس في الاخر ليلي كرهتو وبقت حياتها محصوره بين البيت وامها وصحباتها واصحابها ده عالمها الصغير امتحنت شهاده وشالوها طب الخرطوم وكانت طايره من الفرحه هي وامها ...ليلي لونها اسمر فاتح وصحتها حلوه وسط يعني وطولها وسط ) ليلي اخدت دش وصلت الصبح ولبست فستان وهاف جاكيت ..لفت الطرحه وعملت ماسكارا وقلوس خفيف واتريحت وطلعت لقت امها وخالتها بشربو في الشاي سلمت عليهم ...ياسمين ((ام ليلي مره عسل بس بتحب بتها شديد ودايما بتحاول تعوضها عن حنان ابوها بس برضو مادلعتها ولم تعمل غلط بتشاكلها وبتوجهها .. وطواالي هم في حاله مناقره وشكل 😂 زي الاخوات ❤️انفصلت من ابو ليلي لانو راجل متعجرف وقاسي ومابهمو ولاشي في الدنيا حاحكي عنو بعدين ... 😉 ياسمين شغاله في بنك ووضعهم تمام والحمدلله ❤️))

ليلي :ماما عايزه القروش طالعه انا

ياسمين : البت النقناقه دي دقيقه بس ودخلت جوه وجات شايله القروش ومفتاح العربيه ❤️

ليلي : ياامي مابقدر استناك تلبسي وتوديني انا مستعجله

ياسمين : صبر كلوو كلو مافي البت المجنونه دي ...هاك الليله اول يوم والموصلات حتكوت صعبه امشي بالعربيه الليله ❤️

ليلي : ماما 😍ياخ انتي عسل بس وباست امها في خددها 😘

ياسمين : بقيت عسل هسي يختي 😏 بت بتاعت مصالح خلاص 😂👊

ليلي : تربيتك يااخ 😂 هسي انتي حتمشي بشنو ياحجه ؟؟😕

ياسمين : حاضرب لي ناس الترحيل يغشوني وبمشي معاهم❤️

ليلي : طيب يلا حبيبتي 😘سلمت علي امها ونزلت مستوي خالتها سلمت عليها 😘

سلوي (خالتها) : امشي يابرلومه 😂👊 خلي بالك من نفسك م تفضحينا 😂

ليلي : حاضر يلا مع السلامه😘وطلعت ...

سلوي (مره ظريفه ودمها خفيف بس مرات بتكون صعبه ...متزوجه وزوجها مسافر وبجيها لم ينزل السودان ...ماولدت بس معتبره ليلي بتها وليلي كمان ❤️صاح بتحب ياسمين وبتها بس مرات بتكون بعيده منهم هم براعو ليها وبخلوها براحتها ❤️))

ياسمين : والله خايفه عليها ياسلوي الله يحفظها يارب وتجيني سالمه قالو الجامعه دي فيها صعاليق وناس عاملين كيف كده م بعرف 😂