ليس حبيبي بل ابي

❤️البارت السادس ❤️

صلت المغرب وفتحت فيلم وقعدت تحضر فيهو هي وخالتها وكانت مبسوطه وحاسه بأمان امها جات من بره سلمت عليها ودخلت تاخد دش عشان يتغدو ..

.......

عمر رجع البيت مبسووط وقعد يتونس مع اختو ولاحظت ليهو الليله مبسوط ما زي يوم الجمعه 💔اتونسو وطلع عشان يرتاح فوق غير ملابسو ورقد وبقي يفكر في ليلي ونهايتو معاها ...وماعارف هو صحي بحبها ولا ده مجرد اعجاب بس حتي لو بحبها مستحيل ترضي ومستحيل يكلمها اصلا ...حسي نفسو مشتاق ليها شال التلفون عشان يضرب ليها بس اتذكر انو ماعندو رقمها ..اتنهد بضيق وختاهو 💔بس فكر وقال احتمال يكون عند مريم وطوالي شال التلفون واتصل عليها ...❤️

مريم : مالك ياخ داير شنو 😤

عمر : اتأدبي 😒

مريم : عمر قول داير شنو طايره اتخمد يافقر 😤

عمر : عايز رقم ليلي😁

مريم : اهااا طيب ماتقول كده من قبيل 😏

عمر : مريم عليك الله ماتشغليها لي 😒

مريم : طيب طيب حارسلو ليك في رساله 😘

مريم رسلت ليهو الرقم ..اتردد انو يضرب في الاول بس في الاخر ضرب ❤️

ليلي : الوو

عمر : ليلي كيفك ؟

ليلي : بخير والله مين معاي ؟

عمر : اممم انا عمر

ليلي : ي اهلين عمر كيفك 😍

عمر : بخير انتي كيف ❤️

ليلي : تمام والله ..

عمر : كيف بقيتي ؟

ليلي : احسن من اول بكتير والله❤️

عمر : وعلاجك بتاخديهو اول باول ؟

ليلي : اي الحمدلله ❤️

عمر وليلي اتكلمو كتير ازيد من 3 ساعات ...اتكلمو عن اي شي عن الجامعه عن حياتهم وعن مشاكلهم واي شي ماعدا موضوع ابوها ماكان عارف عنو حاجه 💔مرررت الايام والشهور وليلي وعمر بقو اعززز اصحاب والجامعه كلها عارفه ...دايما بكونو مع بعض طبعا هي معتبراهو صديق بس ماعارفه بي حبو ليها ❤️وماعارفه انو كل ماتكون قريبه منو هو بكون في عالم تاني 💔حباها حتي اكتر من نفسو وحياتو كللها اتغيرت وبقي زول تاني خالص بس عشان ليلي حبيبتو ❤️وحتي هي لاحظت التغيير ده وبقت متعلقه بيهو شديد بس كصديق 💔رشا وعلي ارتبطو وبقا طوالي بجيها في الجامعه وبلاقي ليلي واتعرف علي عمر كمان ...رشا وليلي وعمر وروان ومريم بقو اعز اصحاب وطوالي بكونو مع بعض ❤️مريم طبعا عارفه مشاعر صاحبها تجاه ليلي بس كل ماتواجهو بينكر الحاجه دي لانو خايف انو الموضوع يصلها ويخسرها 💔وهو ادمنها ومابقدر انو يخسرها 💔