انت نصيبي

الجزء الثالث/للكاتبة🌸YAQEEN ALOBIDY🌸

سيف:اي كولي
ميار:اممم اكو بنيه معجبه بيك كلش
سيف:شنو منو هالبنيه
ميار:مراح اكدر اكلك بس هيه قريبه عليه كلش ودائما تعلقلي بالانستا وحت انته شايفهة
سيف:ميار احجي منو قصدج
ميار:اممممم
بابا:يلا ميار اتاخرنه
ميار:انت لازم تعرفها وحدك باي حروح
ورحنه طبعا رحنا بالسياره مال بابا والطريق 8ساعات طلعنه بالعشره الصبح ووصلنه بال6ونص وهنا بالطريق اني نفسي تلعب ومااحب اكل وومااكلت شي ووصلنه لبيت جبير حيل وحلو من بره فتنه البيت مااثث يخبل شكله واتلكونه جدي وبيبيتي وحضنتهم وبوستهم وصجك بيبيتي طلعت تشبهني صدك اكول عليمن طالعه صاكه اني 🙈😻وسلمت ع عمي ومرت عمي وعمي الاخ وزوجته وبنته واكو اربع ولد شباب واكفين
ميار:هلاو
الكل:اهلا وكعدنه
عمي:هذوله ولدنه ابني محمد وليث وجهال اخوي زمن وفارس وماسة
ميار:اهلا اتشرفت
وكعدنه شويه
مرت عمي:انتي مخطوبه صح
صفنت بوجيها واستغربت وكلت:لا
مرت عمي:هاا مو المحبس ابيدج عبالي مخطوبه
ميار:لاهذا المحبس هديه من بابا احب البسه
وضلينه نضحك وياهم وقدمولنه اكل وكذا وكمنا للعشا والعيون عليه🙈مدري ليش واكلت اشويه وكمت وصعدتني بنت عمي لغرفتها الي اني وياهة حنام بيها سويه وكعدنه نسولف وهيه حبابه كلش عمرهة 18سنه وكعدت اسالها ع السادس وهيه تكلي وهيه مكمله سادس ومبطله وخابرت بهل اثناء نور
ميار:هلاو كيفك
نور:هلاولج موزينه بدونج اشوكت ترجعين
ميار:اووي ماادري شوكت
نور:اشلونها البصره كوليلي اتونستي لا
ميار:قبل شويه وصلنه والله وهسه كاعده وي بت عمي نسولف
نور:صدك سلميلي عليها يلا باي
ميار:بيباي
وضلينه كاعدين واجه واحد من اخوان بنت عمي زمن ودك الباب كامت هيه واني كاعده ع صفحه واسمعهم
زمن:اكلج تعالي انتي وميار جوه بالهول كاعدين احنه الشباب يعني وحدنه اوك
ماسة(بنت عمها):ماشي هسه اكللهة وفاتت جوه
ماسه:تجين مو
ميار:اي ضوجه هسه بس خل البس وبدلت لبست ثوب طويل مو كلش عريض جنت البسه ابيت جدي اهل امي ووياه شال ونزلت
جنه احنه الولد اربعتنه كاعدين سوه
فارس:بصوت ناصي فدوه لله شهل جمال
ليث:اسكت لتروح اتسمعك
زمن:تعالوا اكعدوا
وكعدنه اني وماسة ع القنفه الي يمها
زمن:ميار سادس مو
ميار:ايي
زمن:تطبيقي احيائي
ميار:لااحيائي
زمن:شكد معدلج بالخامس
ميار:96
زمن:مااشالله عفيه اذا انتي مسيطره بالخامس بسادس هم اسيطرين
ميار:اي يكولولي هيج بس السادس مثل بيه فلم رعب هيج هههه
زمن:ايي
فارس:يبوو باع الغمازات
وضلينه نسولف اني وماسة ونضحك وقرروا يلعبون جرأة وصراحه وكعدنه بالكاع وفارس فره واول مره اجه ع ليث وماسة
ليث:جرأه لو صراحه
ماسة:صراحه
ليث:تحبين تكملين كليه
ماسة:اخذت نفس حسيتها اختنكت وكالت يي
كلش انقهرت عليها خطيه هي معدلها زين 83 ويقبلوها اداب انكليزي وهيه كالتلي انو تحب الانكليزي واني راح اساعدها حت اتكمل
وفره ليث واجه ع فارس وعليه
ميار:جرأة لو صراحه
فارس:جرأه
ميار:اختار واحد من كاعدين يضربك راجدي
فارس:هاي شنو
ميار:انته اختاريت جرأه تتحمل قرارك
فارس:اووك انتي
اني جنت متحلفته لهذا ضربته قوي لان شفته شلون يباوعلي ويحجي
فارس:اخخخخ عود هاي بنيه
ميار:ههههههه ايدي ثكيله سوري محد مكلك تختارني
فارس:لو مختار واحد من الولد هم مو هيج
ميار:المهم خل نكمل وطلعت ع محمد وعليه
محمد:صراحه جرأه
ميار:صراحه
محمد:شخص خذلج
ميار:اي شخص واحد
محمد:منو
ميار:وحده من صديقاتي
محمد:هاا اووك
هنا حسيت انو هو اهدء واحد بيهم لان من بداية اللعبه لاحجه ولاضحك هيج يعني هدوءه حلو
ثاني يوم كعدت من وكت اني وماسه ونزلنا سوه لكيناهم مجهزين الريوك وكلشي
مرت عمي:ماسة كومي صيحي محمد بعده كاعد يلعب رياضه اكيد
ماسة:اي ماما
ميار:نسيت فوني بالغرفه حجي وياج
ماسة:اي امشي ودنمشي بالدرج وانلوت رجلين ماسة بااخر درجه
ماسة:اخخخخ
ميار:ماسة شبيج
ماسة:رجلي انلوت
ميار:ياا تعاي فوتي للغرفه وغرفتنا قريبه فوتتها
ميار:تعاي اكعدي
ماسة:لاخلي اصيح محمد
ميار:ارتاحي اهنا اني اصيحه
ماسة:اوك ورحت طبعا البارحه عرفت غرفته فدا امشي ويطلعي فارس
فارس:صباح الخير وايباوعلي من فوك الي جوه الصراحه خفت من نضراته كلش
ميار:صباح النور ورحت ارمض وخايفه وصلت للغرفه وفتحت الباب بدون ماادكها وجنت خايفه وفتت وشفا محمد يلعب بوكسيات وبس لابس شورت واول مره اشوف عضللاته وواوو عضلاته يخبلن
ميار:احم احم
اندار عليه واتفاجئ محمد:اتوقع اكو باب تندك
ميار:صدك
محمد:ههه شتردين
ميار:صبوا ريوك وجيت اصيحلك وباوعت ع السكف واكول شهل عضلات بصوت ناصي
محمد:شبيج جنج وحده خبله اتباعين ع السكف وتحجين
ميار:لاهيج يلا عود تعال ع الريوك وطلعت ميته خجل محمد:هههههه وبدلت وطلعت
🌸🌸🌸
ليش ماكو تفاعل😭😭 المهم اني حنشر كل يوم بارت بس اذا اكو تفاعل انشر بارتين او اكثر باليوم لاف يو😍😍