انت نصيبي

الجزء الثاني/للكاتبة🌸YAQEEN ALOBIDY🌸

(انت نصيبي)
ميار:لاهيج عادي ووصلنه نور لبيتهم ورحت لبيت خالي اهل سيف مشتاقتلهم ودزيت رساله لبابا وماما انو راح اضل هناك شوي واتمشى وي سيف بالرجعه
خالي:هلااا منو اجانه اليوم شعجب عمي
ميار:بسته شلونك خالوو تعذرني والله بس محاضرات ودراسه مال سادس كلما اكول اجي عليكم متصير طبعا خالي عنده بنتين توم صف ثاني متوسط(ساره وسرور) وسيف بس ومرته كلش اتحبني وادللني
خاله:حبيبتي شلونج مشتاقيلج
ميار:اني اكثر وكعدنه شوي وصعدت وي البنات وكعدنه سويه صحيح هنه اصغر مني ب3سنين بس احبهم نفس اطباعي وكعدت اسويلهم صبغ اضافر ومكياج ونضحك ونسولف ومرت خالي كاعده يمنه وتحجي وياي تونست حيل يمهم واتسحرنا ورجعوني طبعا اني كل يوميه اسحر يم واحد من خوالي لان يحبوني خصوصا انو ماعدهم بنت اخت غيري وهذا خالي الجبير وواحد مزوج وعنده طفل مرته صديقتي واللاخ ممزوج عايش وي جدو وبيبي ورجعت
ميار:هلاو
بابا:هلا هلا
ماما:يلا ميمي تعاي اقيسلج سكر
ميار:ماما مااريد اتوجعني الابره
ماما:ميصير اتحملي
ورحت كعدت وجنت كلش اخاف من جكتها وراسن تنزل دمعتي وضلينه شويه اذن وصليت ونمت راسن وثاني يوم هم نفس الشي ضليت ع هل روتين كل رمضان ولو بابا يوصلني لو سيف لو اخو نور مرات وخلص رمضان بصباح العيد
كعدت لكيت الكاهي والكيمر يم يم ونزلت اكل بدون مااعايد افقد من اشوفه بالعيد مااحبه بالايام العاديه بس بالعيد واهلي يضحكون عليه وكملت اكل
ميار:كل عام وانتو بخير يلا يلا كوموا بدلوا نروح يم نني(بيبيتي ام امي)
ماما:ولج ميار بعد وكت انروح العصر
ميار:ما معليه هسه حبدل واروح وحدي
ماما:ههههه لاحنكوم نبدل وكمنا بدلنا جنت مشتريه بنطلون وتيشيرت اكصير وفوكاه ستره للركبه شي بسيط ونازك وخليت ميكااب وتعطرت ونزلت لكيتهم مكملين
ميار:يلا كوموا وكمنا رحنه اول مفتت سلمت الكل وضلينه اني وساره وسرور كاعدات نسولف ونطكط صور وانطونه عيديات
ميار:اكلكم وين سيف اشو مشفته
ساره:البارحه تعارك وياه بابا عمود شعره وطلع من البيت مرجع ليهسه
ميار:ياااا غير دكولولي وكمت عفتهم وخابرت ع سيف مجاوب اول مره خابرت مره لخ
سيف:الو
ميار:الووو سيف وينك ليش مجيت
سيف:مالي خلك ميار احاجيج بعدين
ميار:لتسده بداعتي عليك الله تعال والله اني ادافعلك بداعت امك تعال والله ضوجه شسوي وحدي
سيف:اخاف بابا صاير عصبي هسه
ميار:ولايهمك اني احاجيه وهو اكيد حيقبل مني
سيف:اووك بس لخاطرج ها
ميار:اووك ورحت للصاله ع الرياجيل طبعا ماكو احد غريب بس خوالي وبابا وجدو واخو جدو وولده
ميار:السلام عليكم
الكل:وعليكم السلام
ميار:خالو علي بس شويه
خالي:اي اجيت وطلع...ها ميمو تردين شي
ميار:خالو خابرت سيف وحيجي يعايد جدو
خالي:لاشعنده جاي
ميار:خالو لتحجي هيج ادري بيك اشكد تحبه خل يولي يجي والعبلك بيه طوبه بس تدري ضايجه وحدي بس هو بعمري وهسه يطلعني
خالي:ماشي بس لخاطرج
ميار:فديتكم انته وابنك تكولولي لخاطرج هههه
خالي:يلا حفوت جوه من يجي خلي يفوت يسلم ع الناس عيب
ميار:اووك وشويه ووصل
ميار:هلا هلا بالعريس هاي شطالع العيد بس يمكم
سيف:ههههههه لاعمي دائما الجمال لبت عمتي
ميار:ايي ههههه كل عام وانت بخير
سيف:وانتي بالف خير يوم اشوفج دكتوره
ميار:تسلم اكلك فوت سلم جوه واكعد شويه واطلع عمود انروح للملاعيب ضايجه ناخذ خواتك ونروح حباب
سيف:ماشي حفوت
وفات شويه وطلع ورحنا لمدينه الالعاب الدنيا مكلوبه ازدحام كارثي بحيث اني لازمه ساره وسرور وسيف يمشي ورانه حت يباوعلنه واتونسنه ولعبنه هواي ورجعنه بالليل ولكيناهم ع كعدتهم يسولفون ويشاقون ميار:هلاااو يمه تعبت
ماما:ها اتونستوا
ميار:ايي الونسه بشده خصوصا سيف كلسع متخربط خزاني
سيف:ولج
ميار:هههههه سوري حت متكلي مسودنه مره لخ
سيف:ام الكارتات
ميار:ههههههههههههه ابو خوفه وكمت اركض وهوه يركض وراي وميتين ضحك ورجعنه طبعا لزمني من وره ووداني للصاله
ميار:كافي تعبت اني انسحب
سيف:ههههه فزت عليج
ميار:ههههههه اي هههههه
بابا:احنه باجر انشالله نطلع للبصره
الكل تفاجئ وبالاخص اني
ماما:اي اهل محمد(ابويه)عزمينه ولازم انروح اسبوعين بالزايد ونرجع
ميار:ماما بس محاضراتي
بابا:ابوج اتاكد انو المحاضرات اجلوها وره اسبوعين وهاي الاسبوعين استراحه احنه بس تبدي محاضراتج نرجع
ميار:ماشي اذا هيج وردعنا للبيت نمت وجنت متحمسه لان مشايفه بيت جدي اهل ابويه ابد بابا يروحلهم وحده او هو وماما واني اضل يم خوالي بس هل مره عجبني اروح واشوفهم لان يكولولي اني اشبه بيبيتي كلش ونمنا ثاني يوم رحت الصبح لبيت خوالي ويه ماما وبابا وودعناهم واخذت سيف ع صفحه
ميار:سيف بعد لازم اكلك شغله
🌸🌸🌸🌸🌸
انتضروني بالجزء الجديد ولو ابد ماشفت تفاعل بالجزء الاول اذا ماشفت تفاعل بهذا البارت الغي القصه وشكرا😍😍