ياسمين بدأت تقلق اكتر واكتر الوقت بيعدي ولسه ميعرفوش حاجة عن صاحبتها
ياسمين راحت تدور علي ريم مع بقيت صحابها بس للأسف الليل جه عليهم وبرضه مفيش حاجة جديدة !! مرضيوش يقولو لإخو ريم علشان ميزعلش على اخته
رجعوا البنات للسكن مرة تانيه وقالو يستكملوا رحلة البحث تاني بكرة وبعد ما رجعوا السكن لقيو في ناس كتيره حوالين الاوضه بتاعتهم استغربوا ايه ده !
جريوا ناحيه الاوضه لقيوا ريم صاحبتهم مرميه وغرقانه في دمها المنظر ده كان زي الصعقه إللي وقعت عليهم خدوها وحضنوها وعيطوا عليها أخوها مشرفه السكن اتصلت بيه وقالتله الخبر اتصدم صدمة حياته خلاص كل شئ رااح أبوه وامه متوفيين في حادثه عربيه وأخته اتقتلت أعز الناس سبوه ومشيوا وللاسف خلاص مش راجعين تاني مهما حصل
أحمد خد عزا اخته وبعدها طلع شقتهم دخل أوضة ريم وفتح دولابها وحضن الهدوم لحد ما الهدوم اتملت دموع ويصرخ بألم شديد ااااه يا أختي فضل علي الحال ده وبعدين راح لسريرها وحضن المخده بتاعتها وهدومها وفضل يعيط غلب عليه التعب والحزن نام
