ريم (صاحبة ياسمين) كانت صحيت متأخرة علي المحاضرة الأولى قالت خلاص مش مشكلة تروح وتكمل بقيت المحاضرات علشان اليوم ده كان فيه محاضرات مهمه كتير
في الوقت ده كانت ياسمين لاحظت هي واصحابها غياب ريم قلقوا عليها وبعد المحاضرة ما خلصت كان فيه وقت استراحه بين المحاضرة الأولى والتانيه
ياسمين: فين ريم هي ليه مجتش دي ونت عليا امبارح قبل ما أنام علشان تفكرني اني اصحي بدري النهارده علشان اروح الجامعة معقول تكون راحت عليها نومة !
مروة (صاحبة ياسمين) : طب رني عليها يا ياسمين نطمن
مريم :آه يلا رني نطمن عليها
نور : آسفة يا جماعة كنت بجيب أكل من الكافتريا كنت هموت من الجوع انتو كنتوا بتتكلموا في إيه ! وفين ريم صح !
مروة : إحنا كنا لسه بنقول لياسمين ترن عليها علشان نطمن
نور : طب رني يا ياسمين
ياسمين بترن علي ريم كزه مرة مش راضيه ترد فكرت كده وقالت حصلها ايه يعني !
اصحابها في نفس الصوت : هاه ردت
ياسمين : لأ أنا قلقت بصراحة
نور : طب رني تاني
ياسمين : حاضر
رنت ياسمين لقيت حد فتح الخط
ياسمين : الو
أحمد (اخو ريم) : الو سلام عليكم
ياسمين : هو مش ده رقم ريم !
أحمد : أيوة هو بس هي نزلت الجامعة ونسيت التليفون في البيت
ياسمين : اه ماشي شكرا
أحمد : العفو بس هي ريم لسه موصلتوش !!
ياسمين :آه
احمد : ازاي ده !!!
ياسمين : مش عارفة هي نزلت من بدري يعني !
أحمد : أيوة نزلت من ساعة كده
ياسمين : ساعه !!!!
أحمد : ممكن لو عرفتي حاجه تطمنيني وأنا لو عرفت حاجة هقولك انتى في الجامعة صح !
ياسمين :آه أنا في الجامعة ياريت تطمنا وانا لو عرفت حاجة هقولك
ياسمين : معلش سلام علشان عندي محاضرة دلوقتي
أحمد : سلام
أحمد قلق جامد علي اخته دي اخرت وفكر قال يعمل إيه معرفش يتصرف
ياسمين بسرعة وهي ماشيه في طريقها للقاعه بتاعة المحاضرة حكت لأصحابها علي إللي أحمد قاله اصحابها استغربوا وقلقوا عليها وكانوا وصلوا القاعه دخلوا وقعدوا وكلهم مشغولين بريم وسبب تأخيرها
الدكتور : ياسمين ياسمين يااااسمين !! ايه مالك مش مركزة ليه معايا وأنا بشرح
ياسمين : آسفة والله يا دكتور معلش هاخد بالي حاضر
الدكتور : فين ريم !!
ياسمين : منعرفش راحت فين واخوها قال خرجت من بدري !
الدكتور : متقلقيش هتيجي إن شاء الله
ياسمين : يارب
خلصت المحاضرة التانية وكانت مدتها ساعتين ونص وريم لسه مجتش !!
واخوها أحمد بيرن على ياسمين بس هي مش سامعه التليفون علشان كانت في المحاضرة
نور : هاه هنعمل إيه ريم بئالها 4 ساعات خارجة من البيت ولسه مجتش هيكون حصل ايه يعني !!! 😨
ياسمين : مش عارفة هنعمل ايه 😔
مروة : طيب شوفي تليفونك يمكن عرف أخوها أخبار عنها
ياسمين : ياااه ده رن 20 مرة وأنا مسمعتش !! إيه اللي حصل استر يارب
