بقلم Reem
سافر عمي وزوجته للاردن بالبدايه يتصل گـ❈ٍـْلٍ اسبوع بعدين صارت كل شهر بعدين كل سنه وشويه شويه ابتعد بس بقى والدي يحبه ويتمنى يشوفه وفديوم بيبيتي اتمرضت وحاول ابويه يوصل لعمي حتى بَس يبلغة بمرض امه لان جانت دائما تتمنى تشوفه قبل ميموت وكدر يحصل رقم عمي واتصل جانت بذاك الوقت تلفونات ارضيه وبطلعان الروح حصله وجاوبت امل زوجة عمي
حسن :شلونج مرت اخويه شخبارج يارب بخير
امل:منًو حضرتك
حسن:اني حسن اخو زوجج
امل :اهلا حسن خير شرايد
حسن :هاي شبيها صدك جذب والله رايد اخويه مصطفى
امل : والله مصطفى مشغول ميكدر يجاوب عنده شغل خابر غير وقت
حسن:والله ياريت تصيحيه عندي شغله ضروريه وٍٍُُيـٍٍـاه
امل :ياحسن موكتلك مشغول قابل ديلعب
حسن: زين بس يكمل شغل خلي يخابر وكليله امك مريضة وتريد بس تسمع صوتك
امل :إٱللـِْﷻـِْﮭﮧ كريم عود اكله
حسن: رحمه لاهلج موتنسين الوالده كلش مريضة بس تسمع صوته
امل :شنو هاي الملحة موكلنا إٱللـِْﷻـِْﮭﮧ كريم
حسن:رحمه إٱللـِْﷻـِْﮭﮧ والديج مع السلامه
مرت يوم ويومين وعمي ماكو أيٌـ.YESـہ خبر عنه لحد مابعد 10 ايام ماتت بيبي ومات قهر عليها والدي ولان مكدر يحققلها طلبها بان تسمع صوت عمي وبعد شهر م̷ـــِْن وفاه بيبي خابر عمي (بقلم Reem)
مصطفى:الو هلو حبيبي اخويه الغالي شلونك حسون وشلونها امي
حسن :بعد وكت هسه يله اتذكرت عندك ام
مصطفى :هاي شبيك حسن شجاك شلون تحجي هيج ويايه نسيت اني اخوك الجبير
حسن: لامنسيت يمكن انت الي نسيت اخوك وامك (Reem)
وبهاي الاثناء طبت الدكتوره امل وسألت عمي مــنو على التلفون كلها اخويه حسن
امل : شيريد عيني بس لافلوس كله ماعدنا احنا مونتعب ونسهر ويريد على الحاظر ندزله تعبنا مكافي اخوك ممكمل دراسة وكل ميسألوني صديقاتي عن اهلك مااعرف شكول استحي اكلهم ممكمل وهو بعد مو م̷ـــِْن مستوانا
حسن :اسمع كلام امل واتكطع ومر شريط حياتي كله كدامي وتعب السنين والضيم والعوز والدين كله لخاطر اخويه وفوكاها ميجاوبها بس يكلها اش واش بعده حسن على الخط اني الي خابرته شبيج
مصطفى :وٌلًـج يمعوده امل شجاج هو هذا حجي حبيبي حسن لتزعل امل مثل اختك وموقصدها تجرحك اعذرني سلملي على امي واخابرها ان شاء إٱللـِْﷻـِْﮭﮧ غير وقت
حسن :اسمع واتكطع ولاكأن هو السبب بضياع مستقبلي بس شسوي الي إٱللـِْﷻـِْﮭﮧ ومهما كان اخوي الجبير بس م̷ـــِْن كال اخابر امي غير وقت انعصر قلبي وكمت اعيط بلا وعي امك ماتت تعرف شنو ماتت ضلت بحصرة صوتك وحضرتك مكلفت نفسك ولو تلفون واحد تسمع صوتك بيه خابرتك قبل شهر وبلغت زوجتك وانت هسه جاي تكلي سلملي على امي واخابرها غير وقت عود روح لامك بالنجف وبلغها هذا كلامك وسديت التلفون بوجهه مصطفى
مصطفى:سمعت كلام حسن ومتت قهر اسمعه واشهك وابجي واصيح امي وشفت حسن انهار وظل يصيح حقة وماألومه ومتت قهر وسدالتلفون بوجهي ورأسا التفتت على امل وضربتها راشدي لان مبلغتني بلاتصال حسن وبيومها بس ابجي واحس بتأنيب الضمير وعرفت امي ماتت ومراضيه عليه (بقلم Reem)
حسن :بعد وفاة والدتي بحوالي 6اشهر قررت التفت لروحي وخاصة البيت بقى فارغ واني وحدي وماعندي احد لهذا كلت لازم اجمع فلوس واشتغل واتزوج وبعد مرور كم شهر وبيوم احنا كاعدين إني وصديقي علاوي الي جنت اشتغل عنده بالمطعم ويدري بكل ضروفي وشلون تعبت وجان دائما ينصحني ويكولي انتبه لنفسك موكلشي لاخوك واني اكله اخويه سندي اهم شى هو ينجح واني نجاحه اعتبره نجاحي وكاعدين نشتغل
عَلي:ها حسون شوصافن شبيك
حسن :والله ياعلاوي صراحة اريد اتزوج تدري بيه إني بقيت عايش وحدي بعد امي إٱللـِْﷻـِْﮭﮧ يرحمها وماعندي احد خاصة اخويه مصطفى حتى تلفون كام ميشيل ويسأل عليه
علي : يوم عيد وتتزوج حبيبي حسون شنو المشكله عندك
يتبع ....
