#احتويني_ولاتخسريني
الجزء الخامس عشر والاخير
بقلمي همسات الليل(ام آيه)
حسام:فاتت نجوان للغرفه سحبتها وحضنتها قوي وقفلت الباب
حسام:اوف شكد منتظر هاي اللحظه ،هي بدت تقاوم وتدفع بيه بس جانت عيونها ذبلانه
نجوان:من حظني حسيت نفسي انتهيت وراح استسلم ،
بس حاولت اوخر ودفعته
ومردت اضعف...
نجوان:وخر عني انت خاين وجرحت كرامتي ومحاسه بذيج اللحظه خارت كل قوتي
لان بذيج اللحظه عقلي وكلبي رايده
هو اول حب بحياتي وحب مراهقتي
تعبت حيل...
حسام:حضنتها وبقت تقام بس حاس عيونها منتهيه وبقت تحجي وامتصيت غضبها بوسه كلها حب و رقه وطلعت اشتياق سنين
وشلتها وكعدتها على الجربايه ...
نجوان:عوفني حسام كافي تاذيني بتصرفاتك والله ماتحمل بعد منك كل اذيه..
حبك تعبني واني هسه كدرت اوكف على حيلي
حسام:اهمس بركبتها لتخسريني ارجعي لملميني ...
اني ضعت بدونج وحياتي مالها طعم وانتي مو بيها
احبج واموت عليج واني اسف على كل جرح سببته الج واحلف بحياة بناتي ماامشي بالحرام....
نجوان:هو يحجي واني ابجي وشكد ماجانت عندي قوه حسيتها اختفت
لان المره بطبيعتها من تحب تضحي وتغفر كل الهفوات وشحال هيج حركات وكلام
انتهيت على الاخير...
وكان حسام احساسه صادق مثل اول مزوجته
حسام:كولي سامحتيني وكافي تعذبيني هجرتيني سنتين ونطيتيني درس ابقى حافظه وما انساه طول عمري
جاوبي لان راح اتهور ومااكدر اسيطر على نفسي
نجوان:حسيت بنفسي اخذت بحيفي منه
والعذاب الي عاشه بعيد عني شفه غليلي وكرامتي...
نجوان:سامحتك
حسام:والله احطج بعيوني ومازعلج العمر كله يابعدكلبي
نجوان:بس بشرط...
حسام:حاضر شتريدين كولي حتى اذا تريدين عرس من جديد اسويلج
نجوان:هههههه لا عاد مو هالدرجه لان احنه طلاكنه منحسب لان جنت حامل وانت تدري...
حسام:ادري يابعد عشيرتي شنو الي تردي لعد
نجوان:اريدك تنولد من جديد وتمسح حياتك الراحت كلها
حسام:يمه يمه صايره تخوفين وكبرانه طفلتي بهالسنتين وتحجين بالالغاز
شلون انولد من جديد
نجوان:ماارجعلك الانروح سوه لبيت الله
تسوي عمره حتى نبدي حياه جديده وكلبي يصفالك
حسام:غاليه والطلب رخيص
اقدم ونروح اني وياج والبنات...
نجوان:زين لعد اني ارجع باجر ويه اهلي وانت قدم على العمره وبين متصير الروحه اني ارتب اموري يم اهلي حتى تجي تاخذني
ومتطخني الا لمن نجي من العمره..
حسام:اوف شيصبرني ..
نجوان:ها حسام ترى ابطل واغير رأيي
حسام :لا لا يمعوده قابل وداعتج...
أنت تقرأ
#احتويني_ولاتخسريني
Lãng mạnالقصه حقيقيه تتكلم عن الزواج التقليدي والزواج المبكر وتدخل الاهل وتأثيرهم على حياة اولادهم بشكل ايجابي وسلبي
