اني نجوان وعمري 15 سنه جنت صغيره وضعيفه وسمره لان العب بالشموس ومن بلغت كمت استحي اطلع للشارع لان بده جسمي يتغير وصار بي انوثه وشويه مربربه وتغيرت ملامحي وشكلي وابيضيت وياهو الي يشوفني يتعجب بيه.
ابويه كالنا عمي خطبني لحسام وجان موافق وامي مأيدته تكول حلو وعسكري ومابي عيب..
بس اخوتي جانوا معارضين يكولون حسام مستهتر وابو سوالف مكسره..
بس ابويه كلمته هيه التمشي..
نجوان:اني جان بنفسي اكمل دراستي بس ابويه حكم ومااكدر اعارض،،وكلبي لعبني من حسام لان جان وهو صغير شالع كلب عمتي ام منتظر بسوالفه(ام آيه) ويوميه لابسه عباتها وتركض ورا ..وتمنيت لو احمد خاطبني لان عاقل وارزن منه بهوايه
مرت الايام
ابو غسان: تمرضت ام غسان وقررت اخذها لبغداد..ورحنا واخذت نجوان تداري امهاا
وصلنا لبيت ابو خالد وجان عدهم علم بجيتنا
حسام:اني بالدوام وشايل هم من ارجع للبيت ..
يبو اليوم راح تجي هالقرده بنت عمي ..بس عيب راح تصير مرت احمد لازم اصير حباب وياها..
حسام:رجعت للبيت وجانوا الكل بالهول متغدين وديشربون جاي فتت سلمت وجانت الصدمه
بقيت صافن على نجوان سلمت وكعدت
حسام:خرب اصلج اشتعل عمي شنو هاللشه وهالطول ..صايره تخبل..نعل علا يومي بس لا كاللهم ابويه نريدها لا احمد..
خل اتلاحك لروحي...
يابه رايدك بسالفه
ابوخالد:ها حسام شتريد
يابه خو ماكتلهم غيرنا راينا وراح ناخذ نجوان لااحمد.
لا بعدني ناوي افتح ويا عمك الحجي وانت صحتني
حسام:الحمدلله ،
زين والحجيه حجت شي
ابو خالد:لا بعدها،ليش شكو شبيك
حسام :يابه اني اريد نجوان وكملوا الترتيبات
ابو خالد:لك انت شكد زعطوط مو هيه لعب جهال وانت صدك متستحي
حسام:يابه على كيفك شكو هالغلط،جنت مشايفها وهسه شفتها وعجبتني
ابو خالد:واخوك شتكله
حسام :معليك بااخويه بالعكس راح يكيف لان راح يخلص، هو وافق على نجوان بس حتى لتنحرج ويه عمي.. خلي عليه ومعليك يا يابه
حسام :راح ابويه ورحت على الحجيه للمطبخ..
حسام:يمه اني عجبتني نجوان وموافق ازوجها وكتله للحجي..
حجيه طيبه: بيها الخير وليدي
حسام: اباوع على نجوان شلون حلوه وعاقله وعبالك وحده ثانيه وخجوله..
خوش هيه هاي الي اريدها..هلكد ملعبت على البنات بعد ماعندي ثقه باي بنيه..
هاي بت عمي وبعدها خام وماعدها(ام ايه) سوالف البنات مالت هالوكت
تعشينه واتعللنا ورحنا دنام اني واحمد كلمن عنده غرفه..
مجاني نوم رحت على احمد ،
ها شيخ شو منايم
احمد:والله ماكو نوم طاير من عيني
حسام:بيش تفكر
احمد:مافكر بشي لحالي.. احساسي الي بداخلي (جنت فرحان بنجوان)
حسام:اكلك لك هاي نجوان شلون صايره غير وحده انصدمت والنبي محمد متوقعتها هيج خلقه صدقه لله
احمد:حسام يحجي ويتغزل واني اغلي ..وجتني الصدمه ترس براسي
حسام:اني راح ازوجها كتله للحجي وجان بعده ماكيللهم ...
غيرت رأيي من شفتها،خو مضجت حمودي وبضحك ..
احمد:لا عليش اضوج بس لتضل زعطوط واستقر ..
ترى البنيه صغيره وحبابه ومتستاهل تأذيها..ويله روح لان نعسان ودايخ
حسام:اي رايح ،اروح افكر بزوجة المستقبل
احمد:طلع حسام وحسيت كلبي مقبوض وضاعت فرحتي ..
بس مادام نفسه بيها بعد مااكدر اسوي شي ..
ضميت قهرتي بكلبي وقنعت نفسي هيه مو نصيبي وقررت اباوعلها بنظره الاخت...
مو انانيه مني بس حسام ميستاهلها لان ملعب..
نجوان :من رحت لبيت عمي جنت متردده وخايفه من حسام ورده فعله،
لان جنت اذكره من يجينا يباوعلي بااستهزاء لان هو حلو وكل بنات كرايبنه يتخبلون عليه..وهو شايف نفسه شوفه
بس من رحتلهم وشافني بقه يباوع ويبتسملي وبده يحاول يتقرب مني..
حسام:بقوا اسبوع يمنه واني احتركت حرك من وراها وشلون تتمايل كدامي جنها غزاله
حسام :نمت الظهر وكعدت ونزلت جوه لكيت البيت سنطه ماكو احد..
طلعت للحديقه لكيت نجوان كاعده وحدها ورحتلها
حسام:ها نجوان شو وحدج وين البقيه
نجوان:كاعده بالحديقه وسارحه وماشوف غير حسام فوك راسي ويسالني عن الباقين
نجوان:ابويه وعمي راحوا للجامع وامي والحجيه راحوا للسوك..واحمد نايم بغرفته
حسام:وانتي ليش مرحتي وياهم للسوك
نجوان:شلون اروح وماكايلتلك
حسام:بربج مرحتي علمود مكتيلي..صدقه لربج شكد حبابه انتي
نجوان:خجلني حسام وصدقه هو شلون حلو يخبل
حسام:نجوان اذا ارتب وضعي ونزوج خلال هالفتره خو ماعندج اعتراض
نجوان:بخجل الي تشوفه صح سوي وتبقى يمك ويم ابويه..
حسام :كلش عجبتني نجوان وعاقله ومابيها شيطنه البنات ومبين عليها ماعدها علاقات وسوالف المراهقات..
راحوا بيت عمي وحجيت ويه ابويه ورتبت وضعي
وخلال شهر ونص رتبت اموري
ورحنا جبناها قبل العرس بيومين لان الطريق طويل مو مال نجي زفه من تكريت لبغداد
وكعدتها بيت اخويه خالد
وجتي امها واختها واخوهم الصغير وياها..
اخذتلي غرفه نوم صاج ورتبتها للغرفه وصارت حلوه
وسويت حنه بالحديقه مالت البيت بيناتنه بس اصدقائي والولد جوارينا
ونجوان راحتلها الحجيه طيبه ومحنيتها ومسويلها حنه بسيطه بيت خالد بيناتهم..
🌸🌸🌸🌸🌸
الكاتبه
همسات الليل(ام آيه)
أنت تقرأ
#احتويني_ولاتخسريني
Romansaالقصه حقيقيه تتكلم عن الزواج التقليدي والزواج المبكر وتدخل الاهل وتأثيرهم على حياة اولادهم بشكل ايجابي وسلبي
