«وصل مهند لسيارة لونهة اسود»
احمد : هاي السيارة انت تروح بيهة ؟
مهند : اي ..
احمد : واو حلوة يعني راح اركب بيهة وياك ..
مهندة : « بستهزاء » لا انت راح تلحكني مشي . طبعا راح تركب وياي بيهة ...
« فتح مهند الباب الوراني للسيارة »
مهند : اركب احمد ..
احمد : يعني هاي صدك مو جذب « ركب احمد و جان فرحان لان هو يحب السيارات و جانت مو اي سيارة جانت كلش حلوة و جامهة مضلل ، ركب مهند للسيارة و كعدوا بالخانة الورانية »
مهند : احمد وين تريد تاكل بالبيت لو بالمطعم ؟
احمد : هاا شنو شكلت ؟
مهند : وين تحب تاكل و شتحب تاكل اكل البيت لو اكل المطاعم ..
احمد : ههههه دتشاقة مو ؟ شنو مطعم خلي نروح للبيت و منهة اندل بيتكم و اتعرف علة اهلك ..
مهند : ماشي ، سليم « السواق » اخذنة للبيت ..
سليم : حاضر ..
« وصلوا لبيت مهند « جان بيت مهند جبير وفخم و كئنوا قصر و بي حديقة كلش حلوة و جبيرة مليانة ورد جوري من كل الالوان » دخلو للبيت و بقة احمد يمشي و يتلفت حولي ومن الصدمة و جمال البيت »
احمد : مهند هذة بيتكم ؟
مهند : اي هذة بيتنة ..
احمد : بس ليش طولنة لما وصلنة لهنا ؟
مهند : الان بيتي بغير منطقة و بعيد عن المدرسة و متكدر تجي وتروح للمدرسة مشي الة بالسيارة ..
احمد : لعد شلون راح ارجع للبيت ؟
مهند : هههههه لتخاف سليم راح يذبك باب بيتكم ..
احمد : اكدر اسئلك سؤال ؟
مهند : طبعا اسئل الي تريدة ...
احمد : اليوم من رجعت من الادارة جنت ضايج ليش ؟
مهند : قصتي طويلة خلي نتغدة و بعدين احجيلك كلشي..
...... تفضل هاي ملابس اذا ما مرتاح بلبسك ..
احمد : « تفاجئ » ااااااه انتي منو ؟
مهند : هههههههه هاي خولة هي الي تهتم بالبيت ..
احمد : لا شكرا اني مرتاح بس وين المغاسل ؟
خولة : تفضل وياي اني راح اخذك الهة ..
مهند : ميحتاج اني راح ادلي بس جهزي الغدة لان ورانة سوالف ..
خولة : حاضر خمس دقائق و يكون الاكل جاهز ...
« اخذ مهند احمد للمغاسل ، ودخل احمد »
مهند : اني راح انتضرك بالصالة ..
احمد : اي ماشي « غسل و باوع علة نفسة بالمرى » معقولة مهند هيج اهلة زناكين بس هو ليش ميتفاخر كدامنة عل الي عندة ؟ ياا شكد متهني بحياتة الله يديملة هاي الحياة و الراحة ويبعد عنة الشر و الحزن ..« طلع احمد من الحمام و راح للصالة لكة مهند كاعد علة القنفة و مبدل ملابسة و جان كلش مغتلف عن المدرسة »
مهند : احمد اذا ما مرتاح كلي ..
احمد : لا شكرا اني مرتاح ...
خولة : الكل جهزة تعالوا تغدوا ..
مهند : يلة احمد خلي نروح نتغدة ورانة قصة طويلة لازم تاكل زين ....
« انتهى اليوم و رجع احمد للبيت و جان يفكر بمهند »
احمد : « بغرفتة » والله قصة مهند غريبة اخ لو يدرون الشباب جان لزكو بينة ، هههههههه والله الاكل كلش طيب ...
« ههههه والله تذكرت العلان مال معجون الطماطة التونسا عل شرقية 😂 عرفتوا : خلي نرجع للقصة هسة »
« يم مروة »
مروة : مامي جوعانة ..
الام : ثواني و يصير الغدة جاهز ..
سالم : لتدللين وكومي ساعدي امي بالمطبخ ..
مروة : ميحتاج تكلي شسوي اني اعرف شسوي ..
"طبعا مروة راح ساعدة امهة وجانت تفكر بسلوى و تسائل ليش سوت بية هيج وبعدين شستفادت ، مر اليوم مثل اي يوم "
(ثاني يوم الصبح بالمدرسة )
مروة : صباح الخير ....
الكل : صباح النور ..
مروة : اشو كلكم مجتمعين بالصف ؟
وليد : صارلنة ساعة نتوسل بأحمد يحجيلنة شصار ويا بيت مهند بس مديقبل حتى يدلينة وين موجود ..
مروة : ليش احمد شمدري وين بيت مهند ؟
حلا : البارحة مهند عزم احمد عل غدة ..
رنا : قصدج عزم نفسة ..
حلا : المهم ، ميقبل يحجي شصار وياهم ، لو بس اعرف شنو هذة السر الي صار ومتكدر تكولة ؟
احمد : كافي لتضلون تلحون كلتلكم كلشي ما صار طبيت لبيت مهند كعدنة ورة شوية تغدينة و رجعت للبيت كلشي ما صار .« هو ويهز برجلة »
وليد : لجذب كل ما جذب تهز برجلك وكلنة نعرف من تهز يعني دتجذب ..
احمد : « عصبي » لتلحون يلة مهند كلي سر واني ما اريد اكول بعد شتردون وهسة لو شو شسون ما راح اكول ..
« دخل مهند للصف ومن شافوا مهند دخل الكل رجعوا لرحلاتهم »
حلا : صباح الخير مهند ...
مهند : ......... صباح النور .
احمد : مهند اريد احجي وياك ..
مهند : لحظة احط غراضي واجي ..
احمد : منتضرك ..
« طلع احمد من الصف وراح وكف ورة الباب ، دخل مهند وحط غراضة او بالاحرى الجنطة مالتة بالرحلة وطلع علة احمد مشوا سوة وهمة يحجون »
حلا : والله غير صاير شي بين هذولة الثنين ..
مروة : يلة عاد لتكبرين الموضوع ..
رنا : مروة ولا كلمة اذا انتي مو فضولية فهذة يرجعلج ما اني راح اموت اذا ما اعرف شكو ...
ضحى : بنات سمعت سلوى واح داوم اليوم ...
حلا : شنو مو لعساس اسبوع الاخ داوم ..
رنا : بعد عمهة المدير ..
«دخلت سلوى وفاتت من صف مروة و ضربت كتفهة بكتف مروة »
حلا : عمة متشوفين ..
سلوى : شنو شكلتي ؟
حلا : يا خطية الفصل مو بس خلاهة عمية خلاهة طرشة هم ههههههههه..
رنا وضحى : ههههههههههههههه
مروة : كافي بنات منريد مشاكل ..
سلوى : واخيرا اكو وحدة منجن فكرت وانصحجن تسمعن كلامهة ...
سلمى : ههههه ليش تحجين وية عالم متفتهم ...
سلوى : « بضحكة خبيثة » طبعا اليتامة ميحسون الان ما متربايين ..
مروة : « بعصبية » سلوى اسكتي احسلج لتجاوزين حدودج ..
سلوى : ياا صدك صرتي عصبية ! ضحكتيني ليش انتي من شوكت عندج گلب يحس ؟
مروة : « بعصبية وحزن » سلوى كافي ليش هيج تتصرفين وياي ترة اني ما مسويتلج شي علمود تتصرفين وياي بقبح ..
سلوى : اني اكرهج و فوك ما اكرهج انتي يتيمة و مو يتيمة لان ابوج ستشهد لو مات الان جان مريض لان انتحر و امثالج .. « قاطعتهة حلا »
حلا : احسلج تسكتين او نسيتي الكف الي انطيتجيا ذاك اليوم ؟
« دخل مهند واحمد »
احمد : هاا بنات اكو شي ..
مروة : « بعبرة و خنكة » لا ماكو شي بس شوية حجينة سوة واعتقد اني و سلوى تصافينة ..
سلوى : لا ما تصافينة و ما راح نتصافة ابد ...
« دخلوا الطلاب بعد ما جان الصف فارغ مالبي غير البنات يعني مروة وحلا و رنا و سلوى و ضحى و سلمى ، دخلت ست انغام »
ست انغام : السلام عليكم ..
الكل : وعليكم السلام ..
ست انغام : يلة خلي نشرح الدرس علمود اوزع لاوراق..
« انشرح الدرس و خلصوا وزعت ست انغام الاوراق »
« بالفرصة »
سلوى : كلة من وراهم اخذت تسعين لو ادري جان اخذت مية ..
سلمى : يلة عل اقل اخذتي بالتسعين مو نفسي ماخذة خمسين ..
************* حلا : مروة شكد درجتج ؟
مروة : ثمانية وتسعين وانتي ؟
حلا : «بفرحة» واخيرا اخذت درجة عالية خمسة و ثمانين ..
رنا : ههه اني ستة وثمانين اعلة منج ..
حلا : هية درجة وحدة ..
رنا : منو اعلة اني فأسكتي احسلج لو عسة نص درجة اني اعلة منج ..
***************** احمد : مهند شكد درجنك ؟
مهند : مية وانت ؟
احمد : « بصدمة » مية ؟ اني سبعين ..
مهند : ههههههه مو لعساس جنت حافض اني جنت متوقع تاخذ مية ...
احمد : لتضحك انت شلون اخذت مية وانت اصلا جنت متدري بالامتحان ؟
مهند : احمد ميحتاج السؤال اني جنت حافظ هاي المادة...
احمد : اي صحيح تذكرت ..
يتبع .....«9»
أنت تقرأ
واقع اليتيمة
Novela Juvenilقصة تتحدث عن واقع يتيمة تعيش وية اخوهة الجبير الي يبلغ من العمر 25 يشتغل بتكسي و امهة الي تبلغ من العمر 48 و هي البنية بعمر 16 اسمهة مروة حالتهم علة كد حالهم عدهة صديقتين او بالاحرى خوات ثنين هم حلا و رنا هم النص الثاني لمروة و اصدقاء تلاثة وياهن بن...
