انا بنت ذلك الفقير

الــبــارت الــاول

الاحداث في زمن الحزب و الطبقات الراقية حيث العنصرية المادية و اولاد الذوات و الاغنياء .. سنة 1999

هيام ( 18 سنة حنطاوية بشعر اسود و عيون بنية .. متوسطة الطول معتدلة الجسم)

: عائلتنا ع كد حالها ابوية رجل فقير يشتغل كاسب بمحل تصليح ثلاجات
و امي ربت بيت .. عندي 2 خوان و 3 خوات اني الجبيره
نعيش في بيت متكون من غرفتين فقط .. وحده سقفها شلمان و الثانية جذوع نخل
كملت امتحانات الوزاريه التاهيلة للدخول للجامعة

ام هيام : هيام تعالي عينج ع اخوانج اني رايحه للسوك اشوي و ارجع يمة ديري بالج ع البيت

علاوي عمره 4 سنوات يبجي و يسحب بعباية امه

هيام: جاية جاية

طلعت ركض ليم الباب علاوي خابص الدنيا بالبجي

تمام يمة اطمني بس اخذي علاوي وياج ترا خبصنا

ام هيام : لا ما اتاخر و هذا اذا اخذه يعطلني لهي باي شي بين ماجي حبيبتي ..

تطلع الام و علاوي وراها يسحل بروحه و هيام تجرجر بي
نور (اخت هيام 16 سنة طالبة مدرسه )

: هاي شكو العياط ترا نخبصنا حتى نوم واحد ميكدر ينام بهذا البيت اي هن غرفتين وين اولي يالله ؟؟

هيام : صح النوم عيوني صار الظهر ..

نور تكعد بالگاع يم الحديقة

: يمعوده اكعد من الصبح شسوي اشو ملل يوميا نفس الروتين نفس الاكل انام احسن

هيام : كولي الحمدلله احسن من حال هواي ناس

نور : الحمدلله

هيام : هاج شيلي علاوي فدوة بس انظف الحديقة

نور : اخذته منها و اركص بي

اي و اخيرا سكت الدبدوب يما فديته دبدوبي هسه ماما اتجيلك بطوطه باق باق باق و هممم تاكل خديداتك

هيام : لتاملي انوب يخبص امي ع البطة

نور : صدوك هيو شنو شعورج و راح تدخلين للجامعه؟

هيام : عفت المكناسة و باوعت عليها

تدرين من خلصت الامتحانات و اني احلم بيها كولش متحمسه يعني عالم جديد بس اشوي خايفه

نور : هنيالج يوم الي ... بس اكيد بالكلية كلها ناس طاكه للستار احنا ناس فقره شنسوي بنصهم

زين اشلون راح تتكيفين ؟

هيام : باوعي العزيمة و الشهاده معليها اذا بجيبج فلوس لو لا و بعدين مو عيب الفقر يعني قابل يذبحوني

نور : دخلي اشوف عزيمتج وين توديج
بس ها كولشي تسولفيلي متضمين شي منا منا

هيام بابتسامة : ان شاء الله

رحت طبخت التمن وكعدنا انسولف اني و نور ورا نص ساعة اجتي امي

هيام .. نور : الله يساعج يمة

ام هيام : و يساعدجن عيوني ..

هيوم ماماتي طبختي التمن؟

هيام : اي يمة كولشي كملت

ام هيام : ديلله خلي نصب الغدا ابوج و اخوج ع جيا و تعبانين سوده علية