تزوجت جاري العنيد

٢٨

مر يومان وفي يوم خرج ادهم من الحمام وهو يجفف شعره وجد نور تقف في الشباك اقترب منها واحتضنها من الخلف
ادهم...بتعملي اية
نور...ابعد عني يا ادهم
ادهم...لية مالك
نور...ريحتك وحشة ومش طيقاك الصراحة
ادهم...ريحتي وحشة ازاي وانا خارج من الحمام
نور...مش عارفة يمكن البارفان بتاعك بس بردو وحش
ادهم...الله يرحم مش كنتي انتي اللي بتحبية
لف ادهم نور لتصبح مقابلة
ادهم....موعدك بعد بكرة مع الدكتورة صح وهنعرف نوع البيبي
نور...ماشي بس ابعد بقى
ادهم...نور انتي سخنة يا حبيبتي مالك
نور...ابعد بقى يا ادهم
وقبل ان يرد ادهم ركضت نور الي الحمام وبدات في افراغ جميع ما في بطنها استغرب ادهم ردة فعلها كثيرا ارتدى التي شيرت الخاص به وغادر من الغرفة خرجت نور وهي تستند على الباب جلست على الفراش وهي تنشف وجهها
نور...اومال ادهم راح فين اه يخربيت كدة
تمددت على الفراش الي ان ذهبت في نوم عميق دخل ادهم متاخر وجدها نائمة بطريقة غير مريحة اعدلها في نومها ودثرها جيدا وذهب على الكنبة للنوم في اليوم الثاني استيقظت نور وجدت ادهم نائم على الكنبة نزلت من الفراش وتوجهت له
نور...ادهم حبيبي اية اللي منيمك هنا
ادهم...خفت ريحتي تدايقك ولا حاجة
نور... هههههههه معلش يا حبيبي دي...
ادهم...مش عايز اسمع حاجة
ولف وجهه للجانب الاخر واكمل نومة زعلت نور منه لانة لا يقدر كمية الالم التي تشعر به والتعب اخذت حماما دافئا  خرجت وجدت ادهم قد نزل الي الاسفل ارتدت ملابس ملائمة ونزلت خلفة وجدت الجميع مجتمع على الطاولة
زهره...على مهلك يا حبيبتي
نور...هههه يا ماما خلاص واللهي فهمت كل حاجة
زهره...طب يا حيوانة اقعدي يلا علشان تفطري
نور...يا ريت انا جعانة جدا
رؤي...على فكرة بقيتي تاكلي الطاق طاقين وتلاتة هتبقى تخينة
نور وهي تجلس....خليكي في نفسك بكرة نشوفك ياختي
عمار...هههههههه يا رب
ادهم بهمس لنور...ايه اللي قعدك جنبي مش خايفة رحتي تدايقك وترجعي
نور...يا اد...
ادهم...خلاص مش عايز اسمع حاجة قولت
نظرت له نور والدموع عالقة بعينها انتبهت لهم رؤي والي الدموع التي تكاد ان تهبط من عيون نور
رؤي..مالك يا نور
نور... مفيش حاجة عم اذنكم
خديجة.... رايحة فين
زهره...انتي مش قولتي يا بنتي انك جعانة اووي ولا مقصوفة الرقبة دية حسدتك
نور...لا يا ماما نفسي اتسدت مش عايزة اكول حاجة
على...طب نجيبلك حاجة تانية
نور وهي تنهض والدموع تكاد ان تهبط...لا يا بابا شكرا
وغادرت سريعة دون ان تستمع الي شخص
رؤي...ادهم عملت اية معاها
ادهم....هو انا جيت جمبها
رؤي...انا شيفاك كنت بتكلمها وبعدين لقيتها شوية وهتعيط واقطع ايدي دلوقتي اذا هي مش بتعيط دلوقتي
ادهم....خليكي في حالك يا رؤي متدخليش
زهره...اوعى تكون زعلتها
ادهم...ايوة زعلتها خلاص
علي...لية بس كدة
ادهم...لو سمحتو محدش يتدخل
زهره... انت مجنون انت مش عارف ان الزعل خطر عليها
على...طب اية اللي حصل
حكي لهم ادهم ماحدث اطلق الجميع العنان لضحكتهم
زهره...انت متخلف دية حاجة طبيعية جدا بتحصل للستات الحوامل بيبقو ايام كدة مش طايقين الرجالة ولا ريحتها حتى انا كنت بعمل كدة في ابوك بس انت غبي ابوك كان بيسمع مش زي حضرتك
علي...اطلع صالح مراتك ومتنزلش الا وهي معاك ومسمحاك كمان
ادهم...حاضر
صعد ادهم وهو يشعر بتانيب ضمير شديد من فعلته دخل الغرفة وجدها فارغة سمع صوت بكاء من الشباك توجه اليه وجدها تبكي بشدة اقترب منها ولف وجهها له نظرت له نور ثم لفت وجهها كرر ادهم محاولته ولكن نور لفت وجهها
ادهم....خلاص بقى يا ستي انا اسف
نور لم ترد
ادهم...انا ملاحظ انك من اول ما حملتي كل شوية تزعلي مني دية حتي عيبة في حقي طب هتفضلي ساكتة كدة كتير
دخلت نور وجلست على السرير دخل ادهم خلفها
ادهم....خلاص بقى يا حبي مكنتش اعرف
نور ببكاء...انا كنت هقولك بس انت مرضتش تسمعني
احتضنها ادهم بقوة
ادهم...خلاص يا عمري متعيطيش
((احم السناجل اللي بتقرا الرواية حبيت اطمن على مرارتكو 😂))
ظل ادهم يهداها الي هدات تمام رفع وجهها الية
ادهم...بس كفاية دموع اية كل دة علشان زعلت ما اولع
نور...بعد الشر
ادهم...طب ما تيجي اقولك كلمة سر
نور...لا انا جعانة
ادهم...بقيتي مفجوعة
نور...بقى كدة طب انا زع...
ادهم...وحياة بنتك اللي لسة في بطنك دية متزعليش
نور...هنرجع لنفس الموال انا قلت ولد
ادهم..بكرة نعرف
نور..تؤتؤ المعاد اتاجل انهرده الساعة ٥
ادهم...يعني بعد ساعتين خلاص هاجي معاكي
نور... تؤتؤ انا ورؤي وخليك انت هنا عقاب
ادهم...ماشي بس لو طلع بنت
نور...اممممم مش عارفة بس لو طلع ولد هتجبلي كيس ملاين حلويات وشوكلاتات وشبسي وايس كريم
ادهم...اتفقنا
مرت ٤ ساعات
الدكتورة...ولد زي القمر
نور...بجد انا فرحانة اوووي
الدكتورة...خدي دية صورة الاشعة ومتنسيش مش لازم حركة كتير
رؤي...تسلمي يا دكتورة يلا يا نونو
نزلت رؤي هي ونور وركبو السيارة في الخلف وساق بهم السائق
نور وهي تعطي الصورة لرؤي...الله يا رؤي بصي شكلو عامل ازاي
رؤي...ههههههه حيلك حيلك دية كلها صورة ابيض واسود بس هو ظاهر اومال على الطبيعة هيعمل اية
نور...انا متحمسة جدا علشان اشوفو واشيلو
رؤي...هههههه ربنا يتمملك على خير يا حبي
نور...شوفي ادهم بيتصل
ادهم...الو يا حبيبتي
نور...ازيك يا دومة جاهز للاتفاق
ادهم ...اية طلع ولد ولا بنت
نور...مش هقولك قبل ما اوصل
انتبة السائق لوجود سيارة تحاول ايقافهم وبدا في تفاديهم
رؤي...اه حاسب يا عم حسن نور حامل
ادهم...هو في اية
نور...مفيش واحد بيدايق علينا
اطلقو رصاصة لتستقر في كفر السيارة وتوقفة
نور...ااااااااااااه
وقع الهاتف والصورة على الارض نزل من السيارة عدة رجال
نزل السائق ولكنة تلقي رصاصة في صدرة صرخت الفتيات بقوة
نور..عااااااااااا ابعدو عني ابعدو
ادهم....الو الو نور اية اللي حصل الو الو 
حملها الرجال خي ورؤي وخدروهم وتوجهو نحو فلة في نهاية القرية بعد عدة ساعات فتحت رؤي عينها بثقل وجدت نفسها على سرير في غرفة لا تعرفها وبجانبها نور
رؤي..نهار اسود نور نور فوقي فوقي يا حبيبتي نور نور
فتحت نور عيناها ببطئ وجدت رؤي امامها
نور...ااااااه احنا بنعمل اية هنا
رؤي..مش عارفة
ذهبت رؤي اتجاه الباب وحاولت فتحة ولكنها وجدتة مغلق ظلت تطرث الباب حتى دخل مجموعة من الرجال
رؤي...انتو مين و احنا بنعمل اية هنا
رجل١...لو سمحتي روحي اقعدي جنب المدام اللي هناك دية وشوية وهتعرفي كل حاجة
ذهبت رؤي وجلست بجانب نور وهي ممسكة بها
****************************
تواصل ادهم مع الشرطة واخبرهم ما حدث في المكالمة ووصلو الي مكان السيارة وصل ادهم وعمار الي المكان وجدو السائق مقتول وقف ادهم وعمار وعلي مع ضابط شرطي
عسكري...دول الحاجات اللي لقيناها في العربية يا فندم
اخذ الشرطي الاشياء وبدء في التقليب فيها
الشرطي...هي واحدة فيهم كانت حامل
ادهم...ايوة مراتي
اعطاه الشرطي صورة الاشعة...الحاجات دية بتاعتها
اخذ ادهم الصور وبدا في التقليب فيها ..ايوة هي كان عندها موعد انهرده يا رب يا رب 
الشرطي ...ان شاء الله خير متقلقش حضرتك 
عمار...لو سمحت انا عايزكم تبذلو مجهود شوية علشان فيهم واحدة حامل وبعدين دول ستات مش هيعرفو يعملو حاجة
الضابط...متقلقش حضرتك
******************************
فتح الباب لتقف الفتيات مصدومات من الذي خطفهم
الشخص...مفاجاة مش كدة
نور...فرح لية
دخلت فرح وهي ممسكة بسيجارة وواضح عليها اثار الادمان
فرح..ههههههههه مصدومة مش كدة معلش يا نونو يا حبيبتي سوري يا رؤي انا عارف انك ملكيش ذنب بس تعتبري مشتركة معاها في الجريمة
نور...جريمة اية انا عايزة اعرف انا بعمل اية هنا وعايزة امشي
فرح....تؤتؤتؤ يا حبيبتي مش دلوقتي خالص
رؤي...انتي عايزة مننا اية
فرح...انا مش عايزة منك حاجة انا عايزة منها خي
نور...عايزة اية مني
فرح...عايزة اعرف فيكي اية زيادة عني ها ثم تابعت بعصبية وصوت مرتفع كل الناس بتقولي شوفي نور شوفي نور فهميني انتي فيكي اية زيادة عني الراجل اللي حبيتو اتجوزتية ولما سافرتي روحتلو قالي انا بحب مراتي ههههههههههه بس خلاص وقعتي تحت ايدي تعرفي انا بكرهك اوووي كل الناس بتفضلك عني حتى حتى امي بس خلاص
نور بدموع...يا فرح انتي اكيد مش في وعيك
فرح بصراخ...ايوة انا مش في وعي انا بقيت مدمنه خلاص ههههه بس الحاجة الوحيدة اللي صعبانة عليا دة وشاورت على بطنها الظاهره دة هو اللي صعبان عليا بس خلاص انا هريحك من الدنيا ومن الم الولادة ومن كل الالام اللي في حياتك عارفة ليه علشان هقتلك
رؤي...انتي مجنونة احنا لازم نمشي من هنا
اخرجت فرح سكين ...مش قبل ما اخلص اللي انا جيباكم هنا علشانو اومات فرح لبعض الرجال ليمسكو رؤي وبالفعل امسكوها كانت نور في حالة صدمة بدات فرح في الاقتراب من وكانت رؤي تصرخ فاقت نور وجائت لتركض رفعت فرح السكين ليحدث شرخ في يدها  امسكت نور يدها من الالم
فرح...جت في ايدك معلش معلش المرة الجاية هتيجي فقلبك انا هخليكي تتعذبي شوية وبعدين اموتك وللاسف يا رؤي مش هتفضلي معاها في نفس الاوضة يلا خدوها
رؤي....لا لا سبوني حرام عليكم
غادر الجميع وتركو نور مازالت تتالم وقعت على الارض وامسطت يدها وبدات في البكاء وضعت يدها على السلسلة الذي اعطاها لها ادهم
نور...قولت لما ادوس على دية هلاقيك جمبي انت فين انا محتجالك
اوووي وبدات تضغط على السلسة بقوة الي ان شعرت ان الاشياء بدات تصبح سوداء لتسقط على الارض مغشية عليها
***************************
كان ادهم يجلس ويضع وجهه بين يديه وممسك بصورة طفله
زهره ببكاء...يا رب ردهم سالمين يا رب يا رب نجيهم
كان الجميع يجلس وعلى وجههم علامات القلق الظاهره الي ان قطع هذا الصمت صوت رساله من هاتف ادهم امسك ادهم الهاتف بين بيدية ليقول
ادهم...نور نور انا عرفت هي فين
على...ازاي
ادهم...بعتت الموقع اللي هما فية انا لازم اروح
عمار...خدني معاك
ذهب الاثنان وابلغو الشرطة على العنوان
عمار...وانت عرفت منين
ادهم...لما فرح جت تاني يوم قبل ما اسافر جبت سلسلة لنور وحطيت فيها gps وقولتلها لما تبقى خايفة تضغط عليها وتوصل رسالة ليا بالمكان اللي هي فية
عمار... يا ري نجيهم
وصلت عناصر الشرطة الي المكان وبدؤ في الاقتحام
رجل..الشرطة محاوطة المكان هنخرج منين
فرح...مش عارفة احن...
قاطع كلامهم صوت الشرطة وهي تدخل وتلقي القبض عليهم دحل عمار وادهم سريعا الي المكان سمعو صوت بكاء قادم من احد الغرف ذهبو وفتحو الباب وجدو رؤي تجلس على السرير وتبكي
عمار...رؤي حبيبتي انتي كويسة
ركضت رؤي وارتمت في احضانهم
ادهم...نور فين
رؤي...في الاوضة اللي هناك دية
ركض ادهم الي الغرفة
عمار...انتي كويسة عملو فيكي حاجة
رؤي...لا يا حبيبي انا الحمد لله
فتح ادهم الباب وجد نور مغشية عليها وبعض الدماء موجودة على الارض ركض نحوها بفزع
ادهم...نور نور انتي كويسة فوقي
حملها ادهم وجد عمار و رؤي يخرجون من  الغرفة ركض الي السيارة واوصلوها الي المشفي بينما ذهب عمار ورؤي الي المنزل ليطمئنو الجميع ظل ادهم واقف امام غرفة العمليات خرجت الطبيبة
ادهم..خير يا دكتورة نور والبيبي عاملين اية
الدكتورة... الحمد للله الجرح كان سطحي والاتنين كويسين بس الام عندها صدمة عصبية خفيفة بس هي دلوقتي كويسة وشوية وهتفوق
نقلوها الي غرفة عادية وظل ادهم بجانبها