كعدت عالدجه صافن صدوك جذب هاي شون بله شوي واندكت الباب باوعت من الزرف اكرم طبب الغراض
اكرم- باوع اني حرجع للمطار اشمشم الاخبار بليل اجيك
ماشي
ماشي
راح واني ضليت كاعد بقيت اتصفن اكو تلفزيون بالهول مال بيت جده الف اش كله تراب نفضته وطبيت غسلت وراها طلعت نمت شيحجون بالشارع عبالك بصفي سمعت مصايح ركضت عالباب اباوع من الزرف لازمين مخبل ويكولوله اكعد مختار رجال جبير بالعمر بس شكله مرعب ههه خطيه شال حجاره ركعها براس واحد اويلي يا الله مطله للولد والدم يفور ركضو بيه والمهبل كعد عالرصيف كدامي يضحك عليهم خرب شوفك شنو هذا الملعون بقيت اباوع من الزرف نسوان تروح وتجي يسولفون اخر شي كعدو عالرصيف اليم البيت ثنين كبار بالعمر وتكابلن جنتي نايمه لل12 وتكعد تتريك وتصعد لا شغله ولا مشغله واني النهار كوله بالسوك
واللخ
اني هم تنضف وتطبخ وتصعد ماشوف خلقتها بعد
اسنغفر الله هو اليشوف خلقكم يعجبه يعيش كاعدات ويقشبن فارغين المنطقه مبينه شعبيه للنخاع الجهال ولا يكرصون النهار كله عياط ومصايح شنو انتو نامو اهجعو كوله امي اوف امي شتاقيتلهم كللش كلبت بالغراض اشوف اكرم شجايب حتى جبس هم جاب ههه خرب ببليسك لو جايب فد ربع ويا طلعت بيتنجان كليته وي البتيته والصمون شغلت الثلاجه وخليت بيها مي مرتب بس كله ترابه البيت مر يوم يومين صرنا نسولف بالتلفون اني والولد عمر راح للشرطه وكلهم الولد صاحبي ماعده شي واخذ السيفي مالتي مقتنعو كالو اكو هارب ارهابي من الموصل اسمه نفس اسمه سالو عني كلهم مااعرف وين عمر يكول شاك مراقبيني بقه هو يشتغل واكرم يتسوكلي واني باقي مثل الجريدي مر كم يوم ووده عمر السيفي من جنت صف اول ابتدائي واهلي كلهم سافرو كللهم لان اخويه انكتل وره مخطفو بقه يروح ويرجع للمركز عموري خطيه واكرم كام ميلاقي اخاف يراقبون امرم هم خو اكرم اذا راقبو تنلاص راسن يعرفو مهربني اذا عرفو بي صديقي لان هو يشتغل بالمطار ويعرف زغاويله ضلو كتابنا وكتابكم وعمر مثل المصرع واهلي يتصلون بيه على اكرم من غير خط ويطمنهم كم مره حاجيتهم بليل بليل يجيني اكرم واني كاضيها اكل ونوم اني مصلح حاسبات لاب توبات شكو حاسبه تعبانهً ولاب توب جابها الي اكرم يكولي صلحها تليفونات صلحت بس اكضي وكت مشت الايام وعده شهر اني بهالكبر محبوس الضهريه الشارع يصفرر امد راسي اتفرج اكو براس الفرع اسواق جبير ضهر الاسواق صاير علينا يعني الحمل مال بضايع يجيبوها منا الباب الحلفيه بقيت اتفرج شون ينزلون العراض وشون يتحاسبون حسيت روحي ارمله ولا زمه عده ملل قاتل مختار مرابط بالفرع ياهو الحاجاه ركعه بطابوكه فتت للبيت وسديت الباب شغلت التلفزيون قديم مو بلازما كعدت اكلب كمت اغفي توني واسمع دك باب مثل المخابيل شكو هاي سكتت رحت للباب اباوع من الزرف بنيه لابسه عبايه صحت منوو
اني عفيه
اني الله يخليك
شكو
افتح الباب هفيه حيموتني الله يخليك
فتحت الباب ركضت طبت جوه وكفت ورايه الله يخليك وخره باوع شسوه بيه اباوع كصتها كلها دم
كله يعوفني ردت اموت
صحت مختااا ر خرب ببليس تفل عليه سديت الباب انداريت عليها رفعت العباه البنيه تتلفت وتبجي والدم يجري جبت كرسي والجنطه مال اسعافات موجوده بالغرفه حانت --كعدي خل اشوف الجرح ششمر حجاره
ططابوكه جبيره موتني اريد اركض مااكو شنو هادي ياذي بالعالم
رفعت العبايه شويه وعقمت الجرح وكفت النزف باوعت بعينها مغمضتها يله هاهي
الشنوً ماكو احد هنا اباوع البيت كله ترابه وعبالك مهجور
انتي شعليج ردتي مساعده ساعدتج باوعت بعينها حايره وخايفه انقهرت عليها
اابس شونً حطلع ر عفيه هذا مخبل
تنهدت اطلعي واكفلج بالباب انتي وين رايحه بهالضهاري اهلج وين عنج عكدت حاجبي احاجيها بنتره تذكرت ريمه بت غيث جنت ماخليها تطلع
اااني جايه يم اختي اداريها لان ولدت ووحدها مرت عمها مره جببره بالعمر متكدر تداري نفسه وامي ميته فجيت اني يمها ماعدها حليب بصدرها ابنها جاع كلش ورحت للمحل القريب علينا دلاني على هذا الاسواق كلي بي الخليب الوايدته وجيت وطلعلي هذا المخبل
- هذا ابو السوبر ماركت باوعتلها تطلع العشرين من عمرها
- اي مو نوع خاص حليب مو زين اي حليب ورجلها خطيه خفر
- ماشي زين هسه باعي اطلعي واني واكفلج بالباب ماخلي يجي يمج
- اي حباب الله يخليك طلعت التفتت عليه يباوع بحذر الشارع فارغ بس العينتين براس الفرع ينتضرني خرب حضي مشيت كم خطوه والتفت ورايه اشوفه بعده واكف ياشرلي روحي روحي لتخافين امنت شفته ورايه مشيت كم خطوه وصلت لراس الفرع واسمع صيحته مختتتتار عوفها لا اجي ادفنك وحجاره لخ انضربت بضهري نعل غيرتك اريد اجر النفس مااكدر كمت انشي سريع شفته ركض عليه بس لزمه الولد شبعه كتل انهزم براس الفرع اللاخ كعدت عالرصيف اجر النفس وكف كدامي
- لتخافين لتخافين كمت ارجف من تصرف الخبل شون هادي هذا وارجع اتلفت داكيني اربعه ارهاب شطلعني بس هاي خطيه نصيت عليها شفافها زركت --- ها يمعوده تكدرين تمشي
- اشرتله طيني صبر كوه اتننفس الالم اللي بضهري يضرب على صدري من اجر النفس هدات من الخوفه وكفت باوعتله شكرا تورطت وطلعت شون راح ارجع
- دمشي اشتري خلصيني
-هسه ابن اختي بس لا ديبجي ولو شربته مي وشكر
- عزه مي وشكر شون خاف يصير بي شي الولد
- لا عادي شسوي مات جوع شربه ونام خاف كعد هسه خل اروح بسرعه اشتري
- دروحي مشت شوي عبرت الشارع باعي باعي يبنيه
-نعم انداريت عليه
- وياج جكاير اي سي فدوه
- باكيت اشرتله
- اي لعد جكاره وحده شكد غبيه بداخلي فاتت اشترت واني واكف يم التيل كل متفوت سياره ختلت وراه الشارع فارغ اشترت وجتي عبرت الشارع وكفت يمي
- شكرا جزيلا هاك باكيتك
- بيش هذا خليت ايدي على جيبي باوعتله ابتسمت
- لا مااخذ
- لا يمعوده حتصرفين عليه اخذي لخاطر ابن اختج
- لالا ماريد يله مع السلامه مشيت سريع من يمه ويمشي ورايه وصل لبيتهم التفتت عليه ابتسمت شكرا
- هله بيج الله يستر عليج ضليت اباوع عليها وصلت لراس الفرع صدك يطلعلها مختار هذا مناوي يحل عنها ركضت عليها تعاي يمعوده
- ها شكو
- هياته خاتل مشيت وياها يخاف يقترب الخبل --- وين بيتكم
- هنا بعد كم فرع
- دمشي اوصلج وارجع
- شكرا والله انت حباب رحمه الله والديك ويستر على خواتك
- ههه ماعدي خوات
- الله يحفضك لعد
- شكرا امشي مشت مشيتها سويعه كلسا اباوعلها لابسه جبه وفوكاها عبايه نشر وحجاب عيونها جنها عيون البدويات كبار ومجروره وحاجبها ثخين ورموشها ووجهها اسمر حنطي مدور حلكها بي كبر بس صاحبه شفاف والخشم قلم ملامح مرسومه كانما كلسا اباوعلها وادير وجهي امشي بصفها بس ببعد نص متر امشي يم الحاايط وهي تهف مو تمشي تركض الا سي سي -- شسمج
- ليش حتصادقني هه
- لا هيج
- ميحتاج باوعتله ملامحه رجوليه لوًما هاي الخوفه العده بس يتلفت --- شبيك شلشتني بس تتلفت شنو مطلوب للعداله وكف صفن بوجهي اني كملت طريقي هذا شبي
- باعت ريك ذبتها الحجايه وكلبي وكف احم بقيت امشي وراها وكلسا التفت الكه الهبل ورانا هذا حيفحفظ مكان بيتكم تره دير بالج
- شدير بالي هذا باجر ينشلف شنو ماورايه احد
- هه شون ينشلف
- هسه تشوف تسمع اخباره شفت سياره شرطه اجتي بقيت امشي اباوع بصفي ماالكاه التفت ماكو وينه هذا شويه وبين من وره المولده شنو تمشي وره المولده
- ااا مو حاره
- ضليت صافنه عليه غريب امره تذكرت مفات ويايه للاسواق بقه واكف وكوه يله طلع من البيت رجعت السياره مال شرطه افترت ومشيت جتي من ورانا اشوف الولد ارتبك وكف يم حب مي يشرب مي عساس بقيت امشي رجع يمشي ويايه السياره مال شرطه تفتر بالفروع وكت الضهاري لان دائما بلاوي بيها بقيت امشي غير اوصل عاد الولد كام يختفي ويطلع لو يم محل لو يم حب عزفت بي مسوي مكسوره ومهزوم الىلد بس مبين صاحب غيره ونشمي وصلت لفرعنا انداريت عليه باوعت للفرع فارغ
- ها وين بيتكم
- هذا فرعنا باوع هاك خليت عباتي النشر على راسه وارجع لبيتكم
- ضليت صافن عليها نصيت راسي جنت حاير شون حرجع تلثمت بالعباه جانت طويله حته عليها تمشي وتسحل بيها صارت ستندر عليه طلعت بس عيني باوعتلي ونصت راسها عيونها كلها شك شون بله اندلت بيتي هاي خاف تبلغ يابه دخل تبلغ الحاله الوصلتلها يوميه افكر اسلم نفسي ضجت كلش من الوضعيه ومن الوحده شنو هناك سجن والعايش بي هم سجن فاتت لبيتهم اندارت عليه نضره اخيره وطبت بالبيت رجعت للبيت منصي راسي ومتلثم بالعباه فرعنا فارغ همزين يمكن عبالهم البيت الكاعد بي فارغ لان اكرم بس بليل يجيب الغراض والمسواك
-------
اني جواهر مواليد 1996 خريجه معهد معلمات والدتي متوفيه ووالدي متزوج عدي اخت وحده اصغر مني متزوجه ضابط بالمركز بس اختي مريضه بالقلب ممتعافايه حبها وتزوجها اني معفتها وياها وياها خطيه كلش هادئه ونزوكه اني قويه اقوى منها امي قبل لتموت وصتني بيها اني سبعه وام بيت وام لاختي وابويه صرت قبل ليتزوج اختي ولدت وتعبانه حالها وزوجها دائما خفر رحتلها اداريها وجاع علىشي الصغير وصدرها مابي حليب الولد فرفح كلبه من الحوع وماكو طلعت اساللها علحليب الوصانه بي الطبيب ابو الاسواق القريب علينا دلاني على اسواق بي كلشي من رحتله تلكاني بالفرع الخبل
